Ofisi ya Mbunge Jimbo la Ngorongoro

UJENZI WA DARAJA LA MTO POLOLETI UMEKAMILIKA

Wakala wa Barabara za Mijini na Vijijini (TARURA) Wilaya ya Ngorongoro wamekamilisha ujenzi wa Daraja la Mto Pololeti lililopo katika Kata ya Oloipiri. Daraja hilo lina urefu wa mita 22 na limegharimu jumla ya shilingi 314,737,557.62, likiwa linaunganisha Kata ya Oloipiri na Soitsambu.

Ujenzi wa daraja hilo ulianza tarehe 6 Juni 2024 na kukamilika leo tarehe 6 Februari 2026. Kukamilika kwa daraja hili kunalenga kuboresha huduma za usafiri na usafirishaji kwa wananchi, hususan katika kipindi hiki cha msimu wa mvua, kwa kuhakikisha usalama na upatikanaji wa huduma kwa wakati.

TARURA inaendelea kutekeleza miradi ya miundombinu kwa lengo la kuimarisha maendeleo ya kijamii na kiuchumi katika Wilaya ya Ngorongoro.

Pongezi Kidato cha Nne

UTEUZI

Waziri wa Maliasili na Utalii Mhe. Dkt. Ashatu Kijaji (Mb) amemvisha cheo na kumuapisha Kamishna wa Uhifadhi wa Mamlaka ya Hifadhi ya eneo la Ngorongoro (NCAA) Bw. Abdul-Razaq Ibrahim Badru.

Hafla hiyo iliyofanyika leo tarehe 29 Januari, 2026 Arusha ni baada ya uteuzi wa Kamishna huyo uliofanywa na Rais wa Jamhuri ya Muungano wa Tanzania Mhe. Dkt. Samia Suluhu Hassan tarehe 26 Mei, 2025 kisha Kamishna Badru kuhitimu mafunzo ya Jeshi la uhifadhi kwa mujibu wa sheria na hatimae kuvishwa cheo na kula kiapo kwa ajili wa utekelezaji wa Majukumu yake ya kuiongoza Mamlaka ya hifadhi ya Ngorongoro.

Ngorongoro Conservation Area Authority

Taarifa