Iramba District Council

Website

Iramba District Council Ukurasa Rasmi wa Halmashauri ya Wilaya ya Iramba

23/10/2026

HALMASHAURI YA WILAYA YA IRAMBA YATEKELEZA AGIZO LA WAZIRI MKUU: KERO YA ARIDHI YATATULIWA.

Halmashauri ya Wilaya ya Iramba, imeendelea kutekeleza maagizo yanayotolewa na viongozi wa Serikali, ya kutatua kero za wananchi, ambapo leo tarehe 23 Oktoba 2026, imekabidhi Viwanja viwili ( kitalu AA new kiomboi 616 na 618, vyenye ukubwa wa mita za mraba 600 kwa kila kimoja), kwa Bi Zainabu Ramadhani.

Agizo hilo lilitolewa na Waziri Mkuu wa Jamhuri ya Muungano wa Tanzania, Mhe.Dkt. Mwigulu Nchemba, alipokuwa akisikiliza kero za wananchi, wakati wa mkutano wa hadhara uliofanyika tarehe 14 Juni 2026, katika kata ya Old Kiomboi, wilayani Iramba.




MKUU WA WILAYA YA IRAMBA OFISI YA MBUNGE WA JIMBO LA IRAMBA MAGHARIBI Singida RS OFISI YA WAZIRI MKUU

TANGAZO LA KUITWA KWENYE USAILI KWA WALIOOMBA KAZI YA MUDA MFUPI YA KUSIMAMIA UCHAGUZI MDOGO WA DIWANI KATIKA KATA YA SH...
23/10/2026

TANGAZO LA KUITWA KWENYE USAILI KWA WALIOOMBA KAZI YA MUDA MFUPI YA KUSIMAMIA UCHAGUZI MDOGO WA DIWANI KATIKA KATA YA SHELUI.

🗓 24 Oktoba 2026

📍 Shule ya Msingi Tyuta, Kijiji cha Nselembwe, Kata ya Shelui

⏰️ Saa 2:00 Asubuhi

MRADI WA UJENZI WA ZAHANATI MPYA KATIKA KIJIJI CHA NG'ANGULI, KATA YA MALUGA.22 Oktoba 2026Mradi wa Ujenzi wa Zahanati m...
22/10/2026

MRADI WA UJENZI WA ZAHANATI MPYA KATIKA KIJIJI CHA NG'ANGULI, KATA YA MALUGA.

22 Oktoba 2026

Mradi wa Ujenzi wa Zahanati mpya katika kijji cha Ng'anguli,kata ya Maluga, wenye thamani ya shilingi milioni 69.1, umefikia asilimia 98 ya ukamilishaji.

Mradi huu unatekelezwa kwa fedha kutoka Serikali Kuu pamoja na michango ya wananchi, na unatarajiwa kusogeza huduma za afya karibu na wananchi pamoja na kupunguza gharama za upatikanaji wa
huduma hizo.





MKUU WA WILAYA YA IRAMBA OFISI YA MBUNGE WA JIMBO LA IRAMBA MAGHARIBI Singida RS Wizara Ya Afya

VITONGOJI 52 IRAMBA KUNUFAIKA NA HUDUMA YA UMEME IFIKAPO JUNI 2027.Vitongoji 52 vya wilaya ya Iramba, vinatarajiwa kufik...
21/10/2026

VITONGOJI 52 IRAMBA KUNUFAIKA NA HUDUMA YA UMEME IFIKAPO JUNI 2027.

Vitongoji 52 vya wilaya ya Iramba, vinatarajiwa kufikiwa na huduma ya umeme ifikapo mwezi juni 2027, ikiwa ni sehemu ya utekelezaji wa mpango wa Serikali wa kusambaza umeme katika vijiji vyote wilayani humo ili kuchochea ukuaji wa shughuli za kiuchumi.

Hayo yamesemwa na Mkuu wa wilaya ya Iramba, Mhe. Suleiman Mwenda, wakati wa mkutano wa hadhara uliofanyika tarehe 21 Oktoba 2026, katika kijiji cha Zinziligi, kata ya Ndago, ambapo amesikiliza na kutatua kero za wananchi pamoja na kutoa ufafanuzi kuhusu utekelezaji wa miradi ya maendeleo.

Akijibu hoja ya mwananchi aliyetaka kujua ni lini Kitongoji cha Mtakuja kitapata huduma ya umeme, Mhe. Mwenda amesema kitongoji hicho ni miongoni mwa vitongoji 52 vilivyojumuishwa katika mpango huo na tayari mkandarasi ameanza kazi.

“Mpaka kufikia mwezi desemba mkandarasi atakuwa amefika hapa” alisema Mhe. Mwenda.

Akijibu hoja kuhusu ubovu wa miundombinu ya barabara ya Kizaga- Ndago- Sepuka, amesema Serikali imetenga fedha kwaajili ya ujenzi wa barabara hiyo, ambapo mkandarasi tayari amelipwa shilingi bilioni tano na ameanza kazi katika eneo la Sepuka.

Kuhusu ukamilishaji wa ujenzi wa zahanati ya kijiji cha Zinziligi, Ndg. Fadhili Hassan, kwa niaba ya Mkurugenzi Mtendaji wa Halmashauri, amesema Halmashauri tayari imepokea shilingi milioni 70 kutoka Serikali kuu, kwa ajili ya kukamilisha ujenzi huo, hatua inayolenga kuboresha upatikanaji wa huduma za afya kwa wananchi wa kijiji hicho.





MKUU WA WILAYA YA IRAMBA OFISI YA MBUNGE WA JIMBO LA IRAMBA MAGHARIBI Singida RS

Ewe Mwananchi, kumbuka kuchukua kitambulisho chako cha Taifa (NIDA).1. Fika Ofisi ya Mtendaji wa kijiji chako, ili kuhak...
21/10/2026

Ewe Mwananchi, kumbuka kuchukua kitambulisho chako cha Taifa (NIDA).

1. Fika Ofisi ya Mtendaji wa kijiji chako, ili kuhakiki jina lako.

2. Baada ya kuona jina lako, fika Ofisi za NIDA zilizopo jengo la Halmashauri (Kiomboi) kuchukua kitambulisho chako.

🗓 Jumatatu hadi Ijumaa

⏰️ Saa 2:00 hadi 9:30 Alasiri

JUMATANO YA USAFI WA MAZINGIRA ⏰️ 1:00 HADI 3:30 ASUBUHI "Safisha Mazingira, Linda Afya"
20/10/2026

JUMATANO YA USAFI WA MAZINGIRA

⏰️ 1:00 HADI 3:30 ASUBUHI

"Safisha Mazingira, Linda Afya"

BARABARA YA KITUSHA–KINAMPANDA–KISIRIRI KUJENGWA KWA KIWANGO CHA LAMI.Serikali kupitia Wakala wa Barabara za Vijijini na...
19/10/2026

BARABARA YA KITUSHA–KINAMPANDA–KISIRIRI KUJENGWA KWA KIWANGO CHA LAMI.

Serikali kupitia Wakala wa Barabara za Vijijini na Mijini (TARURA) inaendelea na hatua za utekelezaji wa mradi wa ujenzi wa barabara ya Kitusha–Kinampanda–Kisiriri kwa kiwango cha lami, unaolenga kuboresha usafirishaji hususan wakati wa mvua.

Hayo yameelezwa na Mkuu wa Wilaya ya Iramba, Mhe. Suleiman Mwenda, wakati wa mkutano wa hadhara uliofanyika Oktoba 19, 2026, katika viwanja vya Mlekela, Kata ya Kinampanda, ambapo alisikiliza na kutatua kero mbalimbali za wananchi.

Akijibu kero hiyo, Mhe. Mwenda amesema Serikali kupitia TARURA inaendelea na hatua za utekelezaji wa mradi wa ujenzi wa barabara hiyo kwa kiwango cha lami.

Kwa upande wake, Mhandisi wa TARURA, Bi. Magreth Kessy, ameweka wazi kuwa, mradi huo umefikia hatua ya manunuzi.

Akizungumzia umuhimu wa ujenzi wa barabara hiyo, mkazi wa Kinampanda, Ndugu Daniel Mkumbo, amesema kuwa kujengwa kwa barabara hiyo kutakuwa ukombozi mkubwa kwa wananchi, ambao hukabiliwa na changamoto za usafiri wakati wa mvua.

"Kwetu ujenzi wa barabara hii utakuwa ni ukombozi. Mvua zikija huwa tunakosa usafiri, tunakuwa k**a tupo kisiwani," amesema Mkumbo.





MKUU WA WILAYA YA IRAMBA OFISI YA MBUNGE WA JIMBO LA IRAMBA MAGHARIBI Singida RS Wakala ya Barabara Vijijini na Mijini - TARURA

JARIDA LA IRAMBA YETU ‐ TOLEO LA KWANZA Tunayo furaha kuwajulisha wananchi na wadau mbalimbali kuwa, toleo la kwanza la ...
17/10/2026

JARIDA LA IRAMBA YETU ‐ TOLEO LA KWANZA

Tunayo furaha kuwajulisha wananchi na wadau mbalimbali kuwa, toleo la kwanza la jarida la Iramba Yetu sasa linapatikana.

Jarida hili linajumuisha habari, taarifa na matukio ya maendeleo, yaliyotekelezwa katika kipindi cha mwezi julai hadi septemba 2026, ndani ya wilaya ya Iramba.

Jarida hili litakuwa likitolewa kila baada ya miezi mitatu, likiwa ni jukwaa la kuhabarisha umma kuhusu shughuli za Serikali, mafanikio na maendeleo yanayotekelezwa kwa manufaa ya wananchi wa wilaya ya Iramba.

Karibu usome.

Imetolewa na:
Kitengo cha Mawasiliano Serikalini
Halmashauri ya Wilaya ya Iramba.





MKUU WA WILAYA YA IRAMBA@mbungeirambamagharibi@singidars@maelezonews

KITUO CHA ZANA ZA KILIMO MAKUNDA KUONGEZA TIJA KWA WAKULIMA IRAMBAUjenzi wa Kituo cha Zana za Kilimo katika kijiji cha M...
16/10/2026

KITUO CHA ZANA ZA KILIMO MAKUNDA KUONGEZA TIJA KWA WAKULIMA IRAMBA

Ujenzi wa Kituo cha Zana za Kilimo katika kijiji cha Makunda, kata ya Kyengenge, Wilaya ya Iramba, unatarajiwa kuongeza tija kwa wakulima wa kata hiyo na maeneo jirani kwa kurahisisha upatikanaji wa zana za kilimo.

Mkuu wa Wilaya ya Iramba, Mhe. Suleiman Mwenda, ametembelea mradi huo leo, tarehe 16 Oktoba 2026, akiwa katika ziara ya kukagua miradi ya maendeleo, kusikiliza na kutatua kero za wananchi katika kata ya Kyengenge.

Akizungumza wakati wa ziara hiyo, Mhe. Mwenda amesisitiza umuhimu wa kusimamia ujenzi wa kituo hicho ili ukamilike kwa wakati, na kuhakikisha zana za kilimo zinapatikana mara baada ya kukamilika kwa ujenzi, kwa lengo la kuwawezesha wakulima kunufaika na huduma hizo katika msimu wa kilimo.

“Simamieni mradi huu ukamilike kwa wakati na zana ziwepo kituoni baada ya mradi kukamilika,” amesema Mhe. Mwenda.

Kwa upande wake, Mtendaji wa Kata ya Kyengenge, Charles Makala, akisoma taarifa ya mradi huo, ameeleza kuwa ujenzi wa kituo hicho unatarajiwa kugharimu shilingi milioni 120, fedha kutoka Wizara ya Kilimo. Ameongeza kuwa hadi sasa, utekelezaji wa mradi umefikia asilimia 60.

Kukamilika kwa kituo hicho kunatarajiwa kurahisisha upatikanaji wa zana za kilimo kwa wakulima wa Makunda na maeneo jirani, hivyo kuongeza ufanisi katika shughuli za kilimo.





MKUU WA WILAYA YA IRAMBA OFISI YA MBUNGE WA JIMBO LA IRAMBA MAGHARIBI Singida RS Wizara ya Kilimo

16/10/2026

ZAHANATI YA KINAMBEU KUIMARISHA HUDUMA ZA AFYA KUPITIA USHIRIKIANO NA JAPAN.

Ubalozi wa Japani nchini Tanzania, leo Oktoba 16, 2026, kupitia Msaidizi wake wa Ruzuku, Bi. Rika Tokunaga, umetembelea Zahanati ya Kinambeu, iliyopo katika kata ya Old Kiomboi, wilayani Iramba, kwa lengo la kufuatilia maendeleo ya zahanati hiyo, kutathimini utendaji na kubaini manufaa na changamoto zinazojitekeza wakati wa utoaji wa huduma za afya katika Zahanati hiyo.





MKUU WA WILAYA YA IRAMBA Singida RS Wizara Ya Afya Embassy of Japan in Tanzania

Address

Kiomboi, Iramba
Singida
43301

Website

Alerts

Be the first to know and let us send you an email when Iramba District Council posts news and promotions. Your email address will not be used for any other purpose, and you can unsubscribe at any time.

Shortcuts

Share

Category