Drejtoria për Kulturë, Rini dhe Sport - Ferizaj

Website

Drejtoria për Kulturë, Rini dhe Sport - Ferizaj Faqja zyrtare e Drejtorisë për Kulturë, Rini dhe Sport e Komunës së Ferizajt

ERIS VRANOVCI NGA FERIZAJ, PJESË E KOMBËTARES SË KOSOVËS NË KAMPIONATIN EVROPIAN U17Boksieri i ri nga Ferizaj, Eris Vran...
30/09/2026

ERIS VRANOVCI NGA FERIZAJ, PJESË E KOMBËTARES SË KOSOVËS NË KAMPIONATIN EVROPIAN U17

Boksieri i ri nga Ferizaj, Eris Vranovci, do ta përfaqësojë Kosovën në Kampionatin Evropian të Boksit U17, i cili do të mbahet në Budva të Malit të Zi, nga 1 deri më 11 tetor 2026.
Eris Vranovci, i cili garon në kategorinë 63 kg, është përzgjedhur në ekipin e Kombëtares së Kosovës së bashku me Drilon Thaqin dhe Riad Mziun. Ekipi udhëhiqet nga përzgjedhësi i Kombëtares U17, Besnik Vranovci.
Në prag të kampionatit, boksierët po zhvillojnë fazën e fundit të përgatitjeve në Gjakovë, ku po punohet në ngritjen e formës fizike, teknike dhe taktike për paraqitjen në arenën evropiane.
Pjesëmarrja e Erisit në këtë kampionat është një tjetër përfaqësim i rëndësishëm i sportit ferizajas në garat ndërkombëtare.
Drejtoria për Kulturë, Rini dhe Sport i uron Eris Vranovcit dhe Kombëtares së Kosovës suksese dhe paraqitje sa më të mirë në Kampionatin Evropian U17!

KH “KASTRIOTI” – FITUES I SUPERKUPËS SË KOSOVËS!Një tjetër sukses i madh për sportin ferizajas! KH “Kastrioti” ka fituar...
29/09/2026

KH “KASTRIOTI” – FITUES I SUPERKUPËS SË KOSOVËS!

Një tjetër sukses i madh për sportin ferizajas! KH “Kastrioti” ka fituar për herë të parë Superkupën e Kosovës në hendboll, duke i shtuar historisë së klubit edhe një trofe të rëndësishëm.
Ky sukses vjen si rezultat i punës dhe përkushtimit të vazhdueshëm të një klubi që ndër vite ka qenë ndër përfaqësuesit më të rëndësishëm të hendbollit ferizajas dhe atij kosovar.
Drejtoria për Kulturë, Rini dhe Sport uron hendbollistët, stafin profesional, drejtuesit e klubit dhe tifozët për këtë arritje të veçantë, me dëshirën që sukseset e KH “Kastrioti” të vazhdojnë edhe në garat e ardhshme.
Urime Superkupa KH “Kastrioti”!

AGJENDAPër shënimin e 28 Shtatorit – Ditës së Dëshmorëve dhe 28-vjetorit të Epopesë së Jezercit
26/09/2026

AGJENDA

Për shënimin e 28 Shtatorit – Ditës së Dëshmorëve dhe 28-vjetorit të Epopesë së Jezercit

AKTORI MEVLAN SARAÇI MERR DREJTIMIN E TEATRIT “ADRIANA” NË FERIZAJTeatri “Adriana” në Ferizaj nis një kapitull të ri të ...
23/09/2026

AKTORI MEVLAN SARAÇI MERR DREJTIMIN E TEATRIT “ADRIANA” NË FERIZAJ

Teatri “Adriana” në Ferizaj nis një kapitull të ri të funksionimit me emërimin e aktorit Mevlan Saraçi në pozitën e drejtorit. Me këtë rast, në takimin e sotëm që patë drejtori i ri me kryetarin e Komunës Agim Aliu dhe Drejtorin e Kulturës Gazmend Bytyçi, u diskutua për planet dhe projektet e ardhshme, me synim zhvillimin e mëtejshëm të veprimtarisë artistike dhe forcimin e rolit të teatrit në jetën kulturore të qytetit.
Me një përvojë të gjatë në skenë dhe një kontribut të njohur në artin teatror, Mevlan Saraçi si drejtues i Teatrit “Adriana”, pritet të sjellë përvojën dhe përkushtimin e tij profesional në shërbim të zhvillimit të jetës teatrore në Ferizaj.
Me këtë rast, Drejtoria për Kulturë, Rini dhe Sport shpreh mirënjohje të veçantë për Fatmir Hysenin, i cili për plot 21 vjet udhëhoqi Teatrin “Adriana”. Përgjatë më shumë se dy dekadave, angazhimi i tij në drejtimin e këtij institucioni ka qenë pjesë e rëndësishme e zhvillimit dhe vazhdimësisë së veprimtarisë teatrore në qytetin tonë. E falënderojmë për punën, përkushtimin dhe kontributin e tij të çmuar në shërbim të teatrit dhe kulturës ferizajase.
Mevlan Saraçit i urojmë suksese në detyrën e re, me besimin se bashkëpunimi institucional do të vazhdojë në funksion të zhvillimit artistik dhe të krijimit të mundësive të reja për Teatrin “Adriana”.

NIS KURSI FALAS I ANGLISHTES PËR FILLESTARË NË QENDRËN RINORESot, në Qendrën Rinore në Ferizaj, ka filluar kursi falas i...
22/09/2026

NIS KURSI FALAS I ANGLISHTES PËR FILLESTARË NË QENDRËN RINORE

Sot, në Qendrën Rinore në Ferizaj, ka filluar kursi falas i gjuhës angleze për fillestarë, i udhëhequr nga vullnetarja amerikane e Korpusit të Paqes, e angazhuar pranë Drejtorisë për Kulturë, Rini dhe Sport – Sektorit të Rinisë.
Kursi u ofron pjesëmarrësve mundësinë të mësojnë bazat e gjuhës angleze përmes metodave ndërvepruese dhe aktiviteteve praktike, të përshtatura për të rriturit që dëshirojnë të zhvillojnë aftësitë e tyre gjuhësore.
Mësimet mbahen çdo të martë dhe të enjte, nga ora 15:00 deri në 16:00, në ambientet e Qendrës Rinore në Ferizaj.
Përmes këtij aktiviteti, DKRS – Sektori i Rinisë, në bashkëpunim me Korpusin e Paqes, vazhdon të krijojë mundësi për edukim joformal dhe zhvillim të aftësive, jo vetëm për të rinjtë por edhe për qytetarët e tjerë të interesuar.

“KASTRIOTËT” TRIUMFOJNË NË FESTIVALIN “ZANI I KOMBIT”Edhe një sukses i rëndësishëm për kulturën dhe traditën ferizajase!...
14/09/2026

“KASTRIOTËT” TRIUMFOJNË NË FESTIVALIN “ZANI I KOMBIT”

Edhe një sukses i rëndësishëm për kulturën dhe traditën ferizajase!

AAKV “Kastriotët” është shpërblyer me vendin e parë në Festivalin Folklorik Mbarëkombëtar “Zani i Kombit”, të mbajtur në Komoran.
Krahas çmimit kryesor, ansambli ferizajas u vlerësua edhe me çmimin për vallen me koreografinë më të mirë të festivalit, duke kurorëzuar me dy çmime paraqitjen e tij në këtë ngjarje mbarëkombëtare të folklorit.
Ky sukses është dëshmi e punës, përkushtimit dhe nivelit artistik që “Kastriotët” kanë kultivuar ndër vite, duke e përfaqësuar denjësisht Ferizajn dhe duke vazhduar misionin e tyre në ruajtjen dhe promovimin e këngës, valles dhe traditës shqiptare.
Urime drejtuesve, valltarëve dhe gjithë familjes së AAKV “Kastriotët” për këtë sukses!

“AKUZAT NUK QËNDROJNË” U SHFAQ NË FERIZAJNë Galerinë e Arteve në Ferizaj u shfaq dokumentari “Akuzat nuk qëndrojnë”, me ...
10/09/2026

“AKUZAT NUK QËNDROJNË” U SHFAQ NË FERIZAJ

Në Galerinë e Arteve në Ferizaj u shfaq dokumentari “Akuzat nuk qëndrojnë”, me skenar dhe regji të gazetarit Asllan Bajrami, një realizim që trajton përmes dëshmive dhe fakteve luftën e Ushtrisë Çlirimtare të Kosovës dhe zhvillimet që lidhen me procesin gjyqësor ndaj ish-krerëve të saj në Hagë.
Dokumentari sjell para publikut materiale dhe dëshmi që synojnë të hedhin dritë mbi një periudhë vendimtare të historisë së Kosovës, duke e vënë theksin te karakteri çlirimtar i luftës së UÇK-së dhe te rëndësia e dokumentimit të së kaluarës.
Shfaqja në Ferizaj ishte njëkohësisht një mbrëmje reflektimi dhe kujtese, me mesazhin se ruajtja e së vërtetës historike dhe përcjellja e saj te brezat e ardhshëm mbeten përgjegjësi e përbashkët.

Të enjten më 10 shtator në orën 19:00 në galerinë Arteve në Ferizaj shfaqet filmi dokumentar AKUZAT NUK QËNDROJNË - me s...
09/09/2026

Të enjten më 10 shtator në orën 19:00 në galerinë Arteve në Ferizaj shfaqet filmi dokumentar AKUZAT NUK QËNDROJNË - me skenar dhe regji të Asllan Bajramit.
Ju mirëpresim!

“KASTRIOTËT” DREJT MBROJTJES SI PASURI E TRASHËGIMISË SHPIRTËROREAnsambli Artistik i Këngëve dhe Valleve “Kastriotët” ka...
03/09/2026

“KASTRIOTËT” DREJT MBROJTJES SI PASURI E TRASHËGIMISË SHPIRTËRORE

Ansambli Artistik i Këngëve dhe Valleve “Kastriotët” ka hyrë në procesin e shqyrtimit për përfshirje në Listën e Trashëgimisë Kulturore për Mbrojtje të Përkohshme në fushën e trashëgimisë shpirtërore.
Me këtë rast, në ambientet e Ansamblit u zhvillua një takim me Komisionin Profesional Shqyrtues, ku u prezantua dhe u arsyetua rëndësia e ruajtjes së veprimtarisë së “Kastriotëve” si pjesë e identitetit kulturor të Ferizajt.
Në takim mori pjesë edhe drejtori i DKRS-së, Gazmend Bytyçi, i cili shprehu mbështetjen institucionale për këtë proces dhe për fuqizimin e mëtejshëm të veprimtarisë së Ansamblit.
Me një traditë gati 60-vjeçare, “Kastriotët” kanë dhënë një kontribut të çmuar në ruajtjen dhe përcjelljen ndër breza të këngës, valles dhe traditës sonë popullore. Mbrojtja dhe promovimi i kësaj trashëgimie është njëkohësisht investim në ruajtjen e kujtesës dhe identitetit kulturor të Ferizajt.

01/09/2026

Address

Dëshmorët E Kombit
Ferizaj
70000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Alerts

Be the first to know and let us send you an email when Drejtoria për Kulturë, Rini dhe Sport - Ferizaj posts news and promotions. Your email address will not be used for any other purpose, and you can unsubscribe at any time.

Shortcuts

Share