មន្ទីរសុខាភិបាលខេត្តព្រះសីហនុ-Preah Sihanouk Provincial Health Department

ក្រុមការងារការិយាល័យនិយ័តកម្មសុខាភិបាល បានចុះវាយតម្លៃទីតាំងស្នើសុំបន្តសុពលភាពច្បាប់ និងអភិបាលប្រចាំត្រីមាសទី២ ដល់ឱសថស្ថាន និងឱសថស្ថានរង ក្នុងស្រុកស្ទឹងហាវ។ ការងារនេះផ្ដោតសំខាន់លើការត្រួតពិនិត្យបទដ្ឋានបច្ចេកទេស និងការអនុវត្តលិខិតបទដ្ឋានគតិយុត្តិ ដើម្បីលើកកម្ពស់សុវត្ថិភាពសេវាឱសថសាស្ត្រក្នុងខេត្ត។

#មន្ទីរសុខាភិបាលខេត្តព្រះសីហនុ #ការិយាល័យនិយ័តកម្មសុខាភិបាល #អភិបាលឱសថស្ថាន #សុវត្ថិភាពឱសថ #ស្រុកស្ទឹងហាវ #ខេត្តព្រះសីហនុ

ថ្ងៃទី១៩ ខែឧសភា ឆ្នាំ២០២៦ មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ (CNM) បានសហការជាមួយមន្ទីរសុខាភិបាលខេត្តព្រះសីហនុ រៀបចំកិច្ចប្រជុំពិនិត្យវាយតម្លៃ និងអភិបាលការងារឆ្លើយតបករណីវិជ្ជមានគ្រុនចាញ់ប្រភេទ PK ក្រោមការដឹកនាំសម្របសម្រួលដោយ លោក សែជូ សិទ្ធិជោតិ អនុប្រធានមន្ទីរសុខាភិបាល និងថ្នាក់ដឹកនាំ មន្ត្រីជំនាញពី CNM ព្រមទាំងស្រុកប្រតិបត្តិ។

ក្រសួងសុខាភិបាល | កម្ពុជាមិនទាន់រកឃើញករណីជំងឺអេបូឡា (Ebola) នៅឡើយទេ និងអំពាវនាវបងប្អូនប្រជាពលរដ្ឋឱ្យមានការប្រុងប្រយ័ត្នខ្ពស់ ព្រមទាំងណែនាំពីវិធានការការពារខ្លួនពីជំងឺនេះ។

#សុខភាពសាធារណៈ

សិក្ខាសាលាថ្នាក់ជាតិ បូកសរុបលទ្ធផលការងារកម្មវិធីអ្នកស្ម័គ្រចិត្តភូមិព្យាបាលជំងឺគ្រុនចាញ់ (VMW)
———————-
នាថ្ងៃសុក្រ ទី១៥ ខែឧសភា ឆ្នាំ២០២៦ ក្រុមការងារកម្មវិធីប្រយុទ្ធនឹងជំងឺគ្រុនចាញ់ នៃមន្ទីរសុខាភិបាលខេត្តព្រះសីហនុ បានអញ្ជើញចូលរួមក្នុង «សិក្ខាសាលាប្រចាំឆ្នាំ ស្តីពីការបូកសរុបលទ្ធផលការងារកម្មវិធីអ្នកស្ម័គ្រចិត្តភូមិព្យាបាលជំងឺគ្រុនចាញ់ (VMW) សម្រាប់ឆ្នាំ២០២៥ និងទិសដៅអនុវត្តបន្តឆ្នាំ២០២៦» ដែលប្រព្រឹត្តទៅនៅទឹកដីខេត្តកែប។

សិក្ខាសាលានេះមានការចូលរួមពីតំណាងស្រុកប្រតិបត្តិចំនួន ២១ មកពីទូទាំងប្រទេស ក្នុងគោលបំណង៖
• ពិនិត្យ និងវាយតម្លៃលើសមិទ្ធផលការងារដែលសម្រេចបានក្នុងឆ្នាំ២០២៥។
• ផ្លាស់ប្តូរបទពិសោធន៍ និងបញ្ហាប្រឈមរវាងបណ្តាស្រុកប្រតិបត្តិគោលដៅ។
• ដាក់ចេញនូវផែនការសកម្មភាព និងទិសដៅយុទ្ធសាស្ត្រសម្រាប់ឆ្នាំ២០២៦ ដើម្បីជម្រុញការលុបបំបាត់ជំងឺគ្រុនចាញ់នៅកម្ពុជាឱ្យកាន់តែមានប្រសិទ្ធភាព។

#មន្ទីរសុខាភិបាលខេត្តព្រះសីហនុ #កម្មវិធីគ្រុនចាញ់ខេត្ត #សិក្ខាសាលាVMW #លុបបំបាត់ជំងឺគ្រុនចាញ់ #សុខភាពសាធារណៈ #ខេត្តកែប

ចូលរួមពិធីប្រកាសដាក់ឱ្យដំណើរការជាផ្លូវការនូវថ្នាលទិន្នន័យ DHIS2
————————
នាថ្ងៃទី១៥ ខែឧសភា ឆ្នាំ២០២៦ ថ្នាក់ដឹកនាំខេត្ត និងថ្នាក់ដឹកនាំមន្ទីរសុខាភិបាល ព្រមទាំងមន្ត្រីផ្នែកផែនការ និងប្រព័ន្ធព័ត៌មានសុខាភិបាល នៃមន្ទីរសុខាភិបាលខេត្តព្រះសីហនុ បានអញ្ជើញចូលរួមក្នុង «ពិធីប្រកាសដាក់ឱ្យដំណើរការជាផ្លូវការនូវប្រព័ន្ធគ្រប់គ្រងព័ត៌មានសុខាភិបាល ថ្នាលទិន្នន័យ DHIS2» នៅរាជធានីភ្នំពេញ។

ការដាក់ឱ្យប្រើប្រាស់ថ្នាលទិន្នន័យឌីជីថលថ្មីនេះ គឺជាជំហានដ៏សំខាន់ក្នុងការធ្វើបរិវត្តកម្មឌីជីថលវិស័យសុខាភិបាល ដើម្បីពង្រឹងគុណភាពទិន្នន័យ ប្រសិទ្ធភាពនៃការគ្រប់គ្រងព័ត៌មាន និងការឆ្លើយតបឱ្យបានទាន់ពេលវេលា ស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា។

បិទបញ្ចប់យុទ្ធនាការពិនិត្យ និងព្យាបាលជំងឺភ្នែកដោយឥតគិតថ្លៃ នៅមណ្ឌលសុខភាពវាលរេញ
——————

កម្មវិធីពិនិត្យ និងព្យាបាលជំងឺភ្នែកដោយឥតគិតថ្លៃ ដែលរៀបចំឡើងដោយ កម្មវិធីសុខភាពភ្នែកនៃមន្ទីរសុខាភិបាលខេត្តព្រះសីហនុ សហការជាមួយកម្មវិធីជាតិសុខភាពភ្នែកនៃក្រសួងសុខាភិបាល ក្រោមការឧបត្ថម្ភគាំទ្រពី មូលនិធិហ្វ្រេដហូឡូ (The Fred Hollows Foundation) ដែលបានប្រព្រឹត្តទៅនៅមណ្ឌលសុខភាពវាលរេញ បានឈានមកដល់ថ្ងៃបញ្ចប់ប្រកបដោយលទ្ធផលជាផ្លែផ្កា។

ជាមោទនភាព ក្នុងឱកាសបិទបញ្ចប់យុទ្ធនាការនេះ មន្ទីរសុខាភិបាលខេត្តព្រះសីហនុ ព្រមទាំងក្រុមគ្រូពេទ្យ និងដៃគូសហការ បានទទួលនូវ លិខិតថ្លែងអំណរគុណពីរដ្ឋបាលស្រុកព្រៃនប់ ដើម្បីជាការទទួលស្គាល់ និងកោតសរសើរចំពោះកិច្ចខិតខំប្រឹងប្រែងក្នុងការផ្តល់ពន្លឺថ្មីជូនដល់ប្រជាពលរដ្ឋក្នុងមូលដ្ឋាន។ សូមអរគុណដល់រដ្ឋបាលស្រុកព្រៃនប់ ចំពោះការគាំទ្រ និងការលើកទឹកចិត្តនេះ។

#មន្ទីរសុខាភិបាលខេត្តព្រះសីហនុ #រដ្ឋបាលស្រុកព្រៃនប់ #យុទ្ធនាការសុខភាពភ្នែក #ពន្លឺថ្មី #សុខភាពសាធារណៈ #ខេត្តព្រះសីហនុ

សកម្មភាពឆ្លើយតបរហ័ស និងអង្កេតតាមដានករណីជំងឺគ្រុនចាញ់ ក្នុងស្រុកកំពង់សីលា
——
នាថ្ងៃទី១៤ ខែឧសភា ឆ្នាំ២០២៦ ស្របតាមផែនការសកម្មភាពឆ្លើយតបរហ័ស កម្មវិធីប្រយុទ្ធនឹងជំងឺគ្រុនចាញ់នៃមន្ទីរសុខាភិបាលខេត្តព្រះសីហនុ បានចុះអង្កេតតាមដាន និងបញ្ជាក់ឡើងវិញនូវករណីជំងឺគ្រុនចាញ់ ដើម្បីធ្វើចំណាត់ថ្នាក់ករណីឱ្យបានច្បាស់លាស់ ស្ថិតនៅភូមិក្រាំងអាត់(ចាស់) ឃុំកំពង់សីលា ស្រុកកំពង់សីលា។
បេសកកម្មនេះមានការចូលរួមសហការពី៖
• មន្ត្រីជំនាញនៃមន្ទីរសុខាភិបាលខេត្ត
• ក្រុមគ្រូពេទ្យនៃមណ្ឌលសុខភាពតក្កវិទ
• អ្នកស្ម័គ្រចិត្តភូមិព្យាបាលជំងឺគ្រុនចាញ់ (VMW)

ការចុះអង្កេតដល់មូលដ្ឋាននេះ គឺជាកិច្ចខិតខំប្រឹងប្រែងដើម្បីទប់ស្កាត់ការរីករាលដាល និងឈានទៅសម្រេចគោលដៅលុបបំបាត់ជំងឺគ្រុនចាញ់ក្នុងភូមិសាស្ត្រខេត្តព្រះសីហនុ។

#មន្ទីរសុខាភិបាលខេត្តព្រះសីហនុ #កម្មវិធីប្រយុទ្ធនឹងជំងឺគ្រុនចាញ់ #ឆ្លើយតបរហ័ស #សុខភាពសាធារណៈ #ស្រុកកំពង់សីលា

ខេត្តព្រះសីហនុ ព្រឹកថ្ងៃទី១៤ ខែឧសភា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញចុះពិនិត្យស្ថានភាពមណ្ឌលសុខភាពអូរតាសេក ស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។

#រដ្ឋបាលខេត្តព្រះសីហនុ
#ម៉ាងស៊ីណេត