Ambari Baregarh GP

  • Home
  • Ambari Baregarh GP
Website

Ambari Baregarh GP IT Cell

✍️ Ambari Baregarh GP Official Page. এই পেজ বনোৱাৰ উদ্দেশ্য হ'ল, চৰকাৰী বিশেষ নিৰ্দেশনা/জাননী আৰু চৰকাৰী অনুদানৰ বিষয়ে সকলোকে অৱগত কৰা, আৰু আহক আমি সকলোৱে মিলি পঞ্চায়তখন আগবঢ়াই লৈ জাও।🙏🙏🙏 .P.

📢 আমবাৰী বাৰেগড় গাওঁ পঞ্চায়তৰ পৰা ডিজিটেল ব্যৱসায় অনুজ্ঞাপত্ৰ (Digital Trade License) বিতৰণৰ শুভ আৰম্ভণিআজি ০৫/০৮/২০২...
05/08/2026

📢 আমবাৰী বাৰেগড় গাওঁ পঞ্চায়তৰ পৰা ডিজিটেল ব্যৱসায় অনুজ্ঞাপত্ৰ (Digital Trade License) বিতৰণৰ শুভ আৰম্ভণি

আজি ০৫/০৮/২০২৬ ইং তাৰিখে আমবাৰী বাৰেগড় গাওঁ পঞ্চায়তৰ অন্তৰ্গত আমবাৰী বজাৰত ব্যৱসায়ীসকলৰ মাজত *ডিজিটেল ব্যৱসায় অনুজ্ঞাপত্ৰ (Digital Trade License) আনুষ্ঠানিকভাৱে বিতৰণৰ শুভ আৰম্ভণি কৰা হয়।

এই ঐতিহাসিক পদক্ষেপৰ অংশ হিচাপে আমবাৰী বাৰেগড় গাওঁ পঞ্চায়তৰ উপ-সভাপতি Rashidul Hoque আৰু আমবাৰী উত্তৰ খণ্ডৰ সদস্য Shahidul Islam Talukdar-এ নিজ হাতেৰে কেইবাজনো ব্যৱসায়ীৰ হাতত প্ৰথমবাৰৰ বাবে ডিজিটেল ব্যৱসায় অনুজ্ঞাপত্ৰ প্ৰদান কৰে। অনুষ্ঠানটোৰ এই বিশেষ মুহূৰ্তৰ কিছু স্মৰণীয় আলোকচিত্ৰ আপোনালোকৰ সৈতে ভাগ-বতৰা কৰা হ'ল।

ডিজিটেল ব্যৱসায় অনুজ্ঞাপত্ৰ ব্যৱস্থাই ব্যৱসায়ীসকলক অধিক স্বচ্ছ, আধুনিক আৰু নিৰাপদ সেৱা প্ৰদান কৰাৰ লগতে চৰকাৰী নথিপত্ৰৰ ডিজিটেল সংৰক্ষণ, সহজ সত্যাপন (Verification) আৰু ভৱিষ্যতৰ অনলাইন সুবিধাসমূহ লাভ কৰাত বিশেষ সহায়ক হ'ব।

আমবাৰী বাৰেগড় গাওঁ পঞ্চায়ত কৰ্তৃপক্ষৰ আন্তৰিক আহ্বান—গাওঁ পঞ্চায়তৰ অন্তৰ্গত সকলো ব্যৱসায়ী বন্ধুসকলক অনুৰোধ জনোৱা হৈছে যে, অতি শীঘ্ৰে *ডিজিটেল ব্যৱসায় অনুজ্ঞাপত্ৰ (Online Trade License) সংগ্ৰহ কৰি নিজৰ ব্যৱসায় প্ৰতিষ্ঠানক আইনসন্মত, সুৰক্ষিত আৰু আধুনিক ডিজিটেল ব্যৱস্থাৰ সৈতে সংযুক্ত কৰক।

আপোনালোকৰ সহযোগিতাই এখন স্বচ্ছ, উন্নত আৰু ডিজিটেল গাঁও পঞ্চায়ত গঢ়ি তোলাৰ পথ অধিক সুগম কৰি তুলিব।

ধন্যবাদ।

– আমবাৰী বাৰেগড় গাওঁ পঞ্চায়ত কৰ্তৃপক্ষ




. 📢 বিশেষ শুখবৰ 🥳 জনসাধাৰণৰ অৱগতাৰ্থে____________________________শ্ৰদ্ধেয় ব্যৱসায়ী জনসাধাৰণ,আপোন...
04/08/2026

. 📢 বিশেষ শুখবৰ 🥳 জনসাধাৰণৰ অৱগতাৰ্থে
____________________________

শ্ৰদ্ধেয় ব্যৱসায়ী জনসাধাৰণ,

আপোনালোকক জনাবলৈ পাই আমি অত্যন্ত আনন্দিত হৈছোঁ যে আমবাৰী বাৰেগড় গাঁও পঞ্চায়তৰ উপ-সভাপতি Rashidul Hoque এ ব্যৱসায়িক সেৱাসমূহক অধিক স্বচ্ছ, আধুনিক আৰু ডিজিটেল ৰূপত আগবঢ়োৱাৰ লক্ষ্যৰে আজি ০৫ আগষ্ট, ২০২৬ তাৰিখৰ পৰা ব্যৱসায়ৰ অনুজ্ঞাপত্ৰ (Trade License) সম্পূৰ্ণ ডিজিটেল (Online) পদ্ধতিত প্ৰদান আৰম্ভ কৰা হৈছে।

এতিয়াৰ পৰা পূৰ্বৰ হাতে লিখা (Offline) Trade License-ৰ পৰিবৰ্তে ডিজিটেল Trade License গ্ৰহণ কৰাটো বাধ্যতামূলক কৰা হৈছে। এই ব্যৱস্থা আমবাৰী বাৰেগড় গাঁও পঞ্চায়তৰ অফিচিয়েল ৱেবছাইট www.abgp.co.in -ৰ জৰিয়তে পৰিচালিত হ'ব, যদিও ৱেবছাইটো সম্পূৰ্ণৰূপে পৰিপূৰ্ণ হোৱা নাই।

এই ডিজিটেল ব্যৱসায় অনুজ্ঞাপত্ৰ সৰু, মজলীয়া আৰু ডাঙৰ—সকলো ধৰণৰ ব্যৱসায় প্ৰতিষ্ঠানৰ বাবে বাধ্যতামূলক। যিসকল ব্যৱসায়ীয়ে ইতিমধ্যে হাতে লিখা অনুজ্ঞাপত্ৰ লাভ কৰিছে, তেওঁলোকক অতি শীঘ্ৰে গুৰুত্বপূৰ্ণ আপডেট সমূহ ( যেনে- Geo Tagging সৈতে ব্যৱসায়ৰ স্থান নিশ্চিত কৰা, মোবাইল নং, ইমেইল আইডি) আদি কামসমূহ কৰি ডিজিটেলাইজ কৰিবলৈ অনুৰোধ জনোৱা হল।

বিশেষভাৱে জনোৱা হৈছে যে নতুন Trade License-ৰ বাবে আবেদন কৰাৰ সময়ত Geo Tagging বাধ্যতামূলক থাকিব। অৰ্থাৎ আবেদনকাৰীয়ে নিজৰ ব্যৱসায় প্ৰতিষ্ঠানৰ স্থানৰ পৰাই আবেদন দাখিল কৰিব লাগিব, নিজেই হওঁক বা টেক্স কালেক্টৰৰ দ্বাৰাই হওঁক, যাতে ব্যৱসায়িক স্থানৰ সঠিক অৱস্থান নিশ্চিত কৰিব পৰা যায়।

Trade License-ৰ বাবে আবেদন কৰিব বিচাৰিলে—

- 🌐 আমবাৰী বাৰেগড় গাঁও পঞ্চায়তৰ অফিচিয়েল ৱেবছাইট www.abgp.co.in ভ্ৰমণ কৰক।
- 🏢 অথবা আমবাৰী বাৰেগড় গাঁও পঞ্চায়ত কাৰ্যালয়ত উপস্থিত হওক।
- 👥 অথবা নিজৰ সংশ্লিষ্ট খণ্ড সদস্য (Ward Member)-ৰ সৈতে যোগাযোগ কৰক।

ডিজিটেল ব্যৱস্থাৰ জৰিয়তে অধিক স্বচ্ছতা, সহজ আবেদন প্ৰক্ৰিয়া, দ্ৰুত সেৱা, অনলাইন সত্যতা পৰীক্ষা (Verification) আৰু উন্নত নাগৰিক সেৱা নিশ্চিত কৰাৰ দিশত এই পদক্ষেপ গ্ৰহণ কৰা হৈছে।

আপোনালোকৰ সহযোগিতা আৰু সক্ৰিয় অংশগ্ৰহণে আমবাৰী বাৰেগড় গাঁও পঞ্চায়তক এখন অধিক স্মাৰ্ট, স্বচ্ছ আৰু ডিজিটেল পঞ্চায়ত হিচাপে গঢ়ি তোলাত বিশেষ সহায় কৰিব।

– *আমবাৰী বাৰেগড় গাঁও পঞ্চায়ত*
Official Website: www.abgp.co.in

আমবাৰী বাৰেগড় গাঁও পঞ্চায়ত কাৰ্যালয়ত সেউজীয়া অভিযান V1.0 -আজি ১০/০৫/২০২৬ তাৰিখ [মাতৃ দিবস] উপলক্ষ্যে আমবাৰী বাৰেগড় ...
10/05/2026

আমবাৰী বাৰেগড় গাঁও পঞ্চায়ত কাৰ্যালয়ত সেউজীয়া অভিযান V1.0 -

আজি ১০/০৫/২০২৬ তাৰিখ [মাতৃ দিবস] উপলক্ষ্যে আমবাৰী বাৰেগড় গাঁও পঞ্চায়তৰ প্ৰকৃতি প্ৰেমী উপ-সভাপতি Rashidul Hoque এ পৰিবেশ সংৰক্ষণ আৰু সেউজীয়া সমাজ গঢ়াৰ লক্ষ্যৰে এক উল্লেখযোগ্য পদক্ষেপ গ্ৰহণ কৰে। নিজ পকেটৰ খৰচেৰে তেওঁ মুঠ ১৬টা বিভিন্ন প্ৰজাতিৰ গছৰ পুলি ৰোপণ কাৰ্যসূচী সম্পন্ন কৰে। এই পুলিসমূহৰ ভিতৰত আছিল ১০টা দেৱদাৰুৰ পুলি, সংগীত শিল্পী Zubeen Garg-এ ভাল পোৱা ২টা নাহৰ পুলি, ১টা মধুৰিআমৰ পুলি, ১টা বগৰীৰ পুলি আৰু সৌন্দৰ্য বৃদ্ধি কৰা ২টা কাশ্মীৰ প্ৰজাতিৰ গছৰ পুলি।
এই মহৎ কাৰ্যসূচীত কেইবাজন সমাজসেৱক তথা সচেতন যুৱক— ৰিয়াজুল হক, ৰাজু আহমেদ, শীৰাজুল হক, নাজৰুল ইছলাম আৰু নাচিৰ উদ্দিনে সক্ৰিয়ভাৱে অংশগ্ৰহণ কৰে। সকলোৱে মিলি পঞ্চায়তৰ বিভিন্ন স্থানত গছৰ পুলি ৰোপণ কৰি পৰিবেশ সংৰক্ষণৰ এক সুন্দৰ বাৰ্তা প্ৰেৰণ কৰে।
গছ ৰোপণ কেৱল পৰিবেশ ৰক্ষাৰ বাবেই নহয়, ই আগন্তুক প্ৰজন্মৰ বাবে এক সেউজীয়া আৰু সুস্থ সমাজ গঢ়াৰো অন্যতম উপায়। বৰ্তমান সময়ত জলবায়ু পৰিৱৰ্তন আৰু প্ৰদূষণ বৃদ্ধি পাই থকা সময়ত এনে পদক্ষেপ সমাজৰ বাবে অত্যন্ত প্ৰয়োজনীয় আৰু প্ৰশংসনীয়।
আমবাৰী বাৰেগড় গাঁও পঞ্চায়তৰ এই সেউজীয়া অভিযান নিশ্চয়কৈ আন বহু লোককো গছ ৰোপণ আৰু পৰিবেশ সংৰক্ষণৰ বাবে অনুপ্ৰাণিত কৰিব। “এটা গছ, এটা জীৱন” — এই মহান বাণীক সাৰ্থক কৰি সমাজৰ প্ৰতিজন সচেতন নাগৰিকে গছ ৰোপণত আগবাঢ়ি আহিব লাগে, "আহক আমি সকলোৱে মিলি পঞ্চায়ত খন আগবৰাই লৈ যাও"।
Ambari Baregarh GP.




📢জাননী - আপোনালোকক জনাবলৈ পাই সুখী হৈছো যে, অহা ১৭ ছেপ্টেম্বৰ ২০২৫ তাৰিখ বুধবাৰে পুৱা ১১ বজাত অৰুণোদয় ৩.০ আনুষ্ঠানিকভাৱ...
11/09/2025

📢জাননী - আপোনালোকক জনাবলৈ পাই সুখী হৈছো যে, অহা ১৭ ছেপ্টেম্বৰ ২০২৫ তাৰিখ বুধবাৰে পুৱা ১১ বজাত অৰুণোদয় ৩.০ আনুষ্ঠানিকভাৱে মুকলি কৰা হ'ব। গতিকে অৰুণোদয়ৰ হিতাধিকাৰীসকলক সময়মতে নিজৰ নিজৰ ভোটকেন্দ্ৰত উপস্থিত থাকিবলৈ অনুৰোধ জনোৱা হ'ল।🙏

Address


Website

Alerts

Be the first to know and let us send you an email when Ambari Baregarh GP posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed government service?

Share