Afghan Echoes

Directions Contact the organization

Afghan Echoes Echos of Afghanistan � its peuple its storise

د ملا عزت له نوم سره به اشنا وئ؟ملا عزت الله په اتیایمه او نویمه م لسیزه کې په کابل کې د جمعیت اسلامي ګوند پېژندل شوی جه...
21/10/2026

د ملا عزت له نوم سره به اشنا وئ؟
ملا عزت الله په اتیایمه او نویمه م لسیزه کې په کابل کې د جمعیت اسلامي ګوند پېژندل شوی جهادي قوماندان و، افغانستان ته د امریکا په راتلو سره دغه جهادي قوماندان خپله مبارکه ږیره وخریله او ډیموکرات او ورپسې په ولسي جرګه کې د کابل د خلکو استازی شو، د حامدکرزي په واکمنۍ کې یې یوازې د کابل په قرغه کې ٣٥٢ جریبه قیمتي ځمکه غصب کړه او د ملا عزت په نامه ښارګوټی یې پکې اباد کړ کوم چې اوس د حکومت لخوا دولتي اعلان شویدی، ملا عزت پر دغه غصب سربېره د قرغې د دوکانونو، هوټلونو او زانګو ګانو... کرایې هم ټولولې.

2027
17/10/2026

2027

15/10/2026

ژوند په کابل کی دشوراوی اتحاد او د افغانانو وخت کال 1986

14/10/2026

تاریخي انځورونه | ۱۹۹۴ کال:
د کابل جګړې او د کډوالو د کړاوونو کیسه د ۱۹۹۴ کال د فبرورۍ په ۲۸مه، د افغانستان د لومړي وزیر ګلبدین حکمتیار او د ولسمشر برهان‌الدین رباني د ځواکونو ترمنځ په کابل کې سختې جګړې روانې وې. جګړو ګڼې ودانۍ زیانمنې کړې او زرګونه اوسېدونکي یې له خپلو کورونو تېښتې ته اړ کړل.په دې تاریخي ویډیو کې د جګړې ویجاړۍ، د کډوالو بې‌وسۍ، د ملګرو ملتونو د مرستو کاروان او د پاکستان ـ افغانستان پر پوله د کډوالو ستونزې لیدل کېږي.۱۹۹۴ کال؛ د افغانستان د جګړو یو دردناک تاریخي پړاو. 💔🇦🇫 #کابل‌افغانستان #افغانستان #راتلونکپوهنه Afghan Echoes

د جمهوریت کیسېد ۲۰۰۲کال لویې جرګې وروستۍ ورځې وې، چې حامد کرزي د جرګې غړو ته د خپلې کابینې ۱۳ غړي معرفي کول، ناڅاپه د یو...
12/10/2026

د جمهوریت کیسې
د ۲۰۰۲کال لویې جرګې وروستۍ ورځې وې، چې حامد کرزي د جرګې غړو ته د خپلې کابینې ۱۳ غړي معرفي کول، ناڅاپه د یونس قانوني له جدي چلند سره مخامخ شو.

زلمي خلیل زاد هم د دغه جنجال اړوند خپل کتاب کې لیکلي دي.

کله چې کرزي وویل، د کورنیو چارو وزارت لپاره مې تاج محمد وردګ ټاکلی، یونس قانوني ورته نامناسبه ژبه وکاروله، هڅه یې کوله چې کرزي پیسې له خپل ځایه ورپورته شي خو څنګ ته یې عبدالله عبدالله ناست او په اوږې یې فشار ورکړ، چې کېنه!

خلیل زاد لیکلي، کرزي خپلې خبرې خلاصې او ووت.

یونس قانوني زما خوا ته راغی، ټول ځان یې لړځېده او وې ویل، تاسې فکر کوئ، چې فهیم بدماش خو اوس به وګرئ، چې اصلي بدماش څوک دی؟

خلیل زاد، ما قانوني ته ګواښ وکړ، هر کار په فکر سره وکړه، زه بې کسه نه یم، یو عمل به هم بې عکسلاعمله نه پاتې کېږي.

دغه مهال قانوني د کورنیو چارو وزیر و، سهار یې د شمال ټلوالی و/سله وال ښار ته راویستلي او وېره یې خپره کړې وه چې کودتا کو او وزارت ته د تاج محمد وردګ ورتګ مخنیوی یې کاو.

خلیل زاد او د هغه وخت ملګرو ملتونو استازي له قانوني سره خبرې وکړې، قانوني د وزارت پېښودل ومنل خو شرط یې دا کېښود، چې ما ګمارلي د شمال ټلوالی غړي به څوک له وزارته نه منفک کوي.

د تره کی لیکنه!د نورمحمد تر ه کی تلین – دمبارزی تازه هوډ ډاکتر یارمحمد تره کی د ۱۴۰۰ کال د تلی ۱۵ (د ۲۰۲۱ کا...
09/10/2026

د تره کی لیکنه!
د نورمحمد تر ه کی تلین – دمبارزی تازه هوډ

ډاکتر یارمحمد تره کی د ۱۴۰۰ کال د تلی ۱۵ (د ۲۰۲۱ کال د اکتوبر ۰۷)

د تلی میاشت د منی پیل او دپاڼو د رږیدو میاشت ده. پرما رښتیا دا میاشت ډیره ښه نه لګیږی. په همدی میاشت کی می خپل پلار هم له لاسه ورکړی وو.
په همدی میاشت کی ( د تلی ۱۶ – د اکتبر ۸) د نورمحمد تره کی د ظالمانه وژل کیدوتاریخ هم ثبت شوی دی.

دنورمحمد تره کی شهادت نه یوازی دده نوم ورک نه کړ، بلکه دادی دده کردار او مبارزه لکه د ایرو لاندی د اور سکروټه د دوه څلویښتو کالونو راهیسی بیا هم روښانه ځلیږی. د تره کی سیاسی تاثیر پر ډیرو مترقی، علمی، ادبی او هنری حلقاتو پروت دی. ترسلو زیات د پوهنتون تیزیسونه او مونو ګرافونه د نورمحمد تر ه کی پر ژوند، آثارو او مبارزی لیکل شوی دی. سترو لیکوالو او تذکره لیکونکو د تره کی په باب کتابونه اور سالی چاپ کړی دی. د ستر انسان د ښیګڼی بیلګه همدا وی.
په انقلابونو کی ډير وخت آنی او ژر پریکړی کیږی. د مسلو پرسر اختلاف، د چارواکو ټاکل، کره پریکړی کول، د جزباتو او ولولو څخه ډکی ورځي او میاشتی زما په یاد دی. په دی ټولوکی یو کس چی تر هر چا متین او استوار ولاړ وو او په سړه سینه یی هر څه چاڼ کول هغه سپین ږیری خو باتجربه نورمحمد تره کی وو. ډیر و هڅي وکړی چی دی د شخصیت غوښتنی، فساد، تحفو او غوړه مالیوښکار کړی. خوسپین ږیری دقدرت په هنرپوهیدو او یوی خواه ته هم ورمات نشو. ده د پیسو سره قطع علاقه وکړه، دشخصیت غوښتنی په وړاندی یی سخت غبرګون ښکاره کړ.د افغاستان پر کرنسی یا پیسو (Currency ) یی د خپل ځان انځور منع کړ او ویی ویل چی یا د غازی امان الله عکس پرپیسو راولی چی حق یی دی او یا دا چی د ولسمشر د عکس لګول دودبند کړی.
ډیر به دا پوښتنه کوی چی دا څه لوی مشر وو چی د خپل نژدی چاپیریال خیال یی و شنو ساتلی؟ ډیر به دا ووایی چی که دی لوی مشر وای نو ډيره موده به په قدرت پاتی وای. ځینی پوښتنی کره او هوښیاری پوښتنی دی.خو کله داسی هم شوی دی چی یو کس په یوه ماحول کی یوه شپه تیره کړی او یا یوازی یوکال د یوه هیواد ولسمشر پاتی شوی دی خو دده سیاسی، اخلاقی او مدنی تاثیر دومره وی چی نورباچاهان او مشران تر خپل تاثیر لاندی راولی.

نورمحمد تره کی د لمړی ځل لپاره په آزاده هوا کی د عادی خلکو لکه بزګرانو، مامورینو، کارګرانو، هنرمندانو او نورو سره د خبروکول او دانتقاد کولوفرهنګ دود مینځ ته راووست. د ۱۳۵۷ کال څخه وروسته دغه فرهنګ جاری شو. مخکی عادی خلک ارګ او د باچا دربار ته نشو ورتلای. تره کی په ارګ (د خلکو په کور) کی غریبانه ډوډي او ماکولات رواج کړل. دی وو چی د خپلی دریشی، د کور د سامان او نورو سهولتونو په وړاندی یی خپله تنخواه بنده کړه. دی وو چی د وزیرانو، معینانو، رییسانو او عادی مامورینو سره یی د غرمی د ډوډي خوراک دود پیل کړ تر څو د نظام د ټيټو ستنو د حالاتوڅخه خبر شی. دی وو چی د خلکو په ژبه اود لویو انګریزی لغاتو او مغلقو علمی تر مینالوژیو (Terminology ) پرته یی خبری کولی. بالاخره دی ووچی د مرګ پر تخته یی یوازی ۸۰۰۰ افغانی درلودی چی خپلی میرمنی ته یی ورکړی. دی وو چی په یوه کال کی یی دلسو زرو څخه ز یاتو خلکو سره وکتل. دا ټول کارونه تره کی په یوه کال کی وکړل. د تره کی په دستور او فرمان د دهمزنګ او کابل ولایت د بندیانو دوسیی په څواونیو کی فیصله شوی. هغه کسان چی د ټولواک د وخت څخه د خپلی محکمی په انتظار کی د سردار داود نظام ته محول شوی وو د خپلی دوسیی فیصلی یی د ۱۳۵۷ په غبرګولی (جوزا ) کی واخیستلی. انقلابی نظام د جیلونو دروازی همداسی خلاصی نکړی لکه اوس چی رواج شوی دی. هلته فکر، څیړنه او قضاوت جاری شول خو د کارونو په کولو کی زړه سواندی موجوده وه.

د نورمحمد تره کی شخصیت د انتروپولوژیک ( Anthropologic ) علم په څپو کی د هیلو، هوډونو ، محدودیتونو او سختو پریکړو یو کانترست (Contrast ) او یو تضاد ښیی. د عادی خلکوژوند عادی تیر شی، د پاچاهانو ژوند په خوند ، افتخاراتو اوولولوتیر شی ، خود انقلابی حوادثو د مشرانو ژوند ددی انقلابونو یوه لمحه او یوه پاڼه وی. دوی ددی حوادثو جز وی او ددی حوادثو سره ولاړ شی.

زه نن نه غواړم د نورمحمد تره کی د وژل کیدو پر څرنگوالی و غږیږم ځکه زمونږ ګران وطن او ګران خلک هسی هم د غمونو او لوږو په طوفانونو کی را ګیر دی. زه یوازی غواړم ووایم چی د ځینی انسانانو ژوند او کار پر راتلونکو نسلونو،راتلونکو نظامونو او راتلونکو سیاسی فعالیتونو ډیر لوی تاثیر لری. د نورمحمد تره کی ژوند د همدغو کانترستونو یوه مجموعه ده.

تره کی د خپل ژوند په اوږدو کی ډيرپرزیدلی وو. ډيری مایوسی یی تیری کړی وی خو هر وار یی خپل هوډ بیرته تازه کړی وو. یو وار چی د خپلو ګوندی غړو د ډلبازی څخه ستړی شوی وو یوه ته یی داسی وویل " که تاسی دغه مبارزه نه راسره کوی زه هوډ لرم چی د خپلی میرمنی سره د خلکو دکور کالی او ډوډي لپاره مبارزه وکړم".

نورمحمد تره کی تر هر څه دوو مسلو سره ډيره مینه درلوده ۱) عمومی سواد، ۲) د خلکو لپاره د ډوډی بندوبست. ده به ویل " ډیری خړوبی ځمکی به ډير غنم راوړی. ډیر غنم به ډيرنسونه ماړه کړی".

اوس وطن کی هوښیار او پوهان ډير شوی دی. د تیرو څلویښتوکلونو په اوږدو کی نوی نسلونو او نوی فکرونو را دانګلی دی. ډیر ځوانان می تر نظر ه راځی چی د ګران هیواد لپاره ستر فکرونه لری. ستاسو وار به هرو مرو راځی. پر دی ویالی به اوبه بیا بهیږی. دا هیواد د نړی یوه ښکلی برخه ده. دا کومه جلا بیدیا او یا کنده نده. دلته به د پسرلی غاټولان بیا را شنه کیږی. دلته به ځوان هلکان او نجونی بیا سهار د پوهنتون اوکار خوا ته درومی . دلته به هر څوک پر خپل ځای وی. ملا ،عالم ، انجنیر او ډاکتربه پر خپل ځایونو وی.
د کلی او ښار جګړه به ختمه وی.
د تحفظ او پرمختګ تقابل به ځای روغی جوړی او تعاون ته ورکړی وی.
د خلکوتر مینځ به قومی، منطقوی، محلی او واټنی پلونه رغول شوی وی.
هر څوک به د خپل توان او استعداد په اندازه ګټي. د سپین ږیرو او سپین سرو عزت به خوندی وی. د ښځومسله به د نارینه وود باڼدار موضوع نه وی. دغو بابولالو ته به وخت هم نه وی. هیواد به د رغیدو په لاره روان وی.
نورمحمد تره کی خپل ټول ژوند د همدی هیلو لپاره ورکړ. دی یو حرفوی انقلابی او یو سیاسی فعال وو.
د نورمحمد تره کی د تلین په درشل کی د لوی خدای (ج) د دربار څخه زمونږګرانو هیواد والو ته سوکالی، وروګلوی او عزت غواړم.
ورکه دی ناپوهی، جهل او نفرت شی. مینه، شفقت، احترام او د بل اوریدل دی رواج شی.
یاد دی تل پاتی وی لویه مشره.
درناوی

08/10/2026

دوی به هیڅ کله هم له خپل پلان نه په شاه نسي.
د سي پلان ته اوس هم دوی ادامه ورکوي، او غواړي عملي کړي.
#کابل‌افغانستان

06/10/2026

د شهيد سردار محمد داود خان له شهادت وروسته د هغه او د هغې د کورنۍ له جسدونو سره څه وشول؟ صدراعظم موسی شفيق څه ډول د ګور پر غاړه په شهادت ورسيد؟ خلقيانو د هغه جسدونو سره څه وکړل؟ دا او دې ته ورته پوښتنې د همدې عيني شاهد څخه واورئ.
ژوندی تاريخ او ژوندئ خبری👇
يادونه: د مرکې وخت، ځای او سرچينه نه ده معلومه
#شهید سردارداود خان #افغانستان #کابل‌افغانستان Afghan Echoes

دا عکس له نن څخه ۶۰ کاله وړاندي د یوې سویسۍ سیلاني لخوا اخیستل سوی چي د کابل د پغمان قصر دی.یوې خواته پغمان په ۱۹۶۷ کال…...
04/10/2026

دا عکس له نن څخه ۶۰ کاله وړاندي د یوې سویسۍ سیلاني لخوا اخیستل سوی چي د کابل د پغمان قصر دی.
یوې خواته پغمان په ۱۹۶۷ کال… او بیل بیا ۲۰۰۷ کال

اوس یوه سخته پوښتنه:
یوه ټولنه څنګه کولای سي چي په څو لسیزو کي دومره ستر بدلون وکړي؟

ځواب یې ښايي یوازي په یوه کلمه کي نه وي خو!

خو شپېته کاله وړاندي هم افغانستان هغه «جنت» نه وو چي ځیني زاړه انځورونه یې ښيي. افغانستان یو بېوزلی او تر ډېره کرنیز هېواد وو، خو د نسبي ثبات او تدریجي عصري کېدو خوند یې تجربه کاوه.

خو ژر دا حالات بدل او خونړۍ سو…

د ۱۹۷۳ کال کودتا، د ۱۹۷۸ کال کودتا، په ۱۹۷۹ کال کي د شوروي پوځونو ننوتل، کلونه جګړې، د بهرنیو قدرتونو لاسوهني، کورنۍ جګړې، له ۲۰۰۱ کال وروسته امریکايي جګړه او بیا په ۲۰۲۱ کال کي د حکومت بدلون او …

کله چي جګړه د څو نسلونو لپاره دوام وکړي، یوازي ودانۍ نه ویجاړېږي؛ بلکي اقتصاد، زده‌کړه، بشري پانګه، زیربناوي او د راتلونکي د جوړولو وړتیا لوی زیان ویني.
ځکه د یوه ښار راتلونکی یوازي په نوو ودانیو نه جوړېږي. ټولنیز ثبات، اقتصاد، زده‌کړه، حکومتولي، بشري پانګه او د نن ورځي پرېکړي هم د راتلونکي د معمارۍ یوه برخه ده.

خو مهمه پوښتنه دا ده چي:

افغانستان تر ډېره د کوم عامل قرباني سو؟
🔸 د بهرنیو قدرتونو لاسوهنه؟
🔸 کورنۍ جګړې؟
🔸 د حکومتولۍ د جوړښتونو کمزورتیا؟
🔸 پردۍ نظریې؟
🔸 جغرافیه او سیمه‌ییزې سیالۍ؟
🔸 که د ټولو ګډ ترکیب؟

👇 یوازې یو عامل مه ټاکئ؛ خپل دلیل هم ولیکئ.

او یوه تر دې هم مهمه پوښتنه:

که د افغانستان د راتلونکي مسیر د بدلولو لپاره مو له یوه ځایه پیل کاوه، له کوم ځایه به مو پیل کاوه؟

دا لیکنه له هغه چا سره شریکه کړئ چي فکر کوئ دې پوښتنې ته به مو بل ډول ځواب ولري.

#افغانستان #کابل #زوړکابل #راتلونکپوهنه #معماري #جګړه #بیارغونه #زیربنا #حکومتولي #کابل

25/09/2026

د خوست په باک ولسوالۍ کې د «ځوانانو د یووالي جام» په نوم د کرکټ سیالیو پایلوبه؛ له بېلابېلو ولایتونو څخه زرګونه کسان د دغې لوبې نندارې ته ورغلي دي.

Address

Kabul, Afghanistan
Kabul
250000

Website

Alerts

Be the first to know and let us send you an email when Afghan Echoes posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Afghan Echoes:

Shortcuts

Share

Category