17/08/2026
🙏 FALËNDERIM DHE MIRËNJOHJE 🙏
Dua të shpreh nga zemra falënderimet dhe mirënjohjen time për të gjithë ata që kontribuan dhe mbështetën organizimin e festës së Greshicës.
Çdo ndihmë, e madhe apo e vogël, është një vlerë e çmuar dhe një dëshmi dashurie për vendlindjen tonë.
Një falënderim të veçantë dua t’i drejtoj Altin Hoxhajt, për përkushtimin dhe punën e tij të palodhur, si dhe për ndihmën dhe gatishmërinë e vazhdueshme.
Gjithashtu, falënderoj me mirënjohje Dino Hysenaj , Agron Liçajn dhe Artan Goxhajn për kontributin dhe mbështetjen e tyre.
💰 Totali i shumës së mbledhur këtë vit ishte 660 mijë lekë, të cilat do të shërbejnë për të përmirësuar festën tonë dhe për të krijuar më shumë komoditet, organizim dhe një atmosferë sa më të bukur për të gjithë.
Në të njëjtën kohë, dua të bëj një thirrje të sinqertë për të gjithë greshiciotët që ndodhen jashtë shtetit: le të ndihemi pak më shumë për vendin tonë! Greshica është e të gjithëve dhe të gjithë kemi një detyrim moral ndaj atij fshati që na ka lindur, rritur dhe bashkuar.
Le të marrim shembull edhe nga fshatra të tjerë dhe të bëjmë diferencën me bashkim, vullnet dhe kontribut. Nuk ka rëndësi sa jep secili, por rëndësi ka dëshira për të dhënë diçka sipas mundësive.
📞 Për këdo që dëshiron të kontribuojë, të ndihmojë apo të jetë pjesë e iniciativave për Greshicën, mund të më kontaktojë në numrin tim privat: 0686677800. Të paktën, të mos themi nesër se nuk kishim mundësi të lajmëroheshim apo të jepnim ndihmën tonë.
E theksoj edhe një herë: Greshica është e të gjithëve! Secili prej nesh, me dëshirën dhe mundësitë e tij, mund të bëjë diçka të mirë për vendlindjen tonë.
🙏 Ju falënderoj të gjithëve për mbështetjen dhe kontributin!
Jam gjithmonë i hapur dhe mirëpres çdo vërejtje, përmirësim, këshillë dhe ide, sepse vetëm duke bashkëpunuar mund ta bëjmë Greshicën dhe festën tonë çdo vit edhe më të bukur.
Me respekt dhe mirënjohje,
Algert Vladimir Shehaj
