Shkolla 9-vjecare "Pal Zefi" Rrushkull

08/10/2026

Në kuadër të ndërgjegjësimit për shëndetin mendor, psikologia e shkollës Dajana Kura zhvilloi një temë me nxënësit e klasës së 9-të.

Gjatë aktivitetit u diskutua mbi disa nga problematikat më të shpeshta të shëndetit mendor, si ankthi dhe depresioni, simptomat që mund të shfaqen dhe mënyrat se si mund të kujdesemi për veten.

Nxënësit diskutuan gjithashtu se si mund të mbështesim një mik që po kalon një periudhë të vështirë, kur duhet të kërkojmë ndihmë dhe kujt mund t’i drejtohemi. ❤️

Të kujdesesh për shëndetin mendor është po aq e rëndësishme sa të kujdesesh për shëndetin fizik. Mos e mbaj gjithçka brenda,fol kërko ndihmë dhe ji pranë dikujt që ka nevojë.

26/09/2026

DITA EVROPIANE E GJUHËVE 🌍🇪🇺
Në Shkollën tonë 9-vjeçare “Pal Zefi”, Rrushkull, festuam me shumë entuziazëm Ditën Evropiane të Gjuhëve. 📚🌍

Përmes këngëve, recitimeve, interpretimeve dhe aktiviteteve të ndryshme, nxënësit tanë sollën një atmosferë të veçantë, duke përcjellë mesazhin se gjuhët na bashkojnë, na afrojnë me kultura të ndryshme dhe ndërtojnë ura miqësie mes njerëzve.

👏 Një bravo e madhe për nxënësit tanë për talentin, përkushtimin dhe entuziazmin e treguar gjatë kësaj veprimtarie!

🙏 Falënderojmë të gjithë mësuesit që kontribuuan në realizimin e kësaj veprimtarie dhe, në veçanti, mësueset e gjuhëve të huaja, Aurora Çelanji dhe Hygerta Beqja, për përkushtimin, kreativitetin dhe punën e tyre në përgatitjen e nxënësve.
🌍 Të mësojmë gjuhë të reja, të njohim kultura të reja dhe të ndërtojmë ura miqësie!

23/09/2026

📢 NJOFTIM PËR PRINDËRIT
REGJISTRIMI NË PROGRAMIN “PAS SHKOLLE”
Të dashur prindër,
Ju njoftojmë se regjistrimet në Programin “Pas Shkolle” janë të hapura deri më 25 shtator 2026.
Regjistrimi kryhet online përmes platformës SMIP, duke përdorur kredencialet e prindit.
💻 Hapat që duhet të ndiqni:
1️⃣ Hyni në platformën SMIP
Hapni platformën dhe klikoni “Hyr”.
2️⃣ Identifikohuni si prind
Vendosni përdoruesin dhe fjalëkalimin tuaj ose përdorni opsionin e identifikimit nëpërmjet e-Albania, nëse ju ofrohet.
3️⃣ Zgjidhni fëmijën 👧👦
Pasi të hyni në sistem, zgjidhni fëmijën që dëshironi të regjistroni në Programin “Pas Shkolle”.
4️⃣ Hyni te Programi “Pas Shkolle”
Gjeni seksionin përkatës dhe vazhdoni me përzgjedhjen e aktiviteteve.
5️⃣ Përzgjidhni aktivitetet 🎨🎵🎭
Për nxënësit e arsimit fillor (klasat I–V), prindi duhet të përzgjedhë:
📚 BDSH – Bëjmë Detyrat e Shtëpisë
dhe 2 klube sipas interesit të fëmijës.
Klubet mund të përfshijnë, sipas ofertës së shkollës: 🎵 Muzikë
💃 Kërcim
🎭 Teatër
🎨 Art pamor
🧵 Zeje
6️⃣ Kontrolloni përzgjedhjen dhe përfundoni aplikimin ✅
Sigurohuni që zgjedhjet janë të sakta dhe përfundoni regjistrimin në sistem.
📌 AFATI I FUNDIT PËR REGJISTRIM: 25 SHTATOR 2026
Ju lutemi, mos e lini regjistrimin për ditët e fundit.
Për çdo paqartësi apo vështirësi gjatë regjistrimit, mund të na kontaktoni.
🌷 Faleminderit për bashkëpunimin!
🏫 Shkolla 9-vjeçare “Pal Zefi”, Rrushkull

14/09/2026

Suksese në vitin e ri shkollor 2026–2027!

Të dashur nxënës, ju urojmë një vit të mbushur me dituri, miqësi, buzëqeshje, kreativitet dhe arritje të mëdha.
Le të mësojmë, të krijojmë dhe të rritemi së bashku, duke hedhur çdo ditë nga një hap drejt ëndrrave tona!
Mirë se vini në një tjetër vit të bukur në familjen e Shkollës 9-vjeçare “Pal Zefi”, Rrushkull!

Së bashku të rritemi më mirë! 🌟

07/09/2026

Të dashur nxënës dhe prindër,
me shumë gëzim ju njoftojmë se viti i ri shkollor nis më 14 shtator! 📖
Mirë se vini në një vit të ri plot dije, miqësi, buzëqeshje dhe suksese!

Gjithashtu, ju bëjmë me dije se ditën e mërkurë, në orën 09:30, do të bëhet shpërndarja e teksteve shkollore për nxënësit. 📚
Ju lutemi të respektoni orarin dhe të jeni të pranishëm.
🏫 Shkolla 9-vjeçare “Pal Zefi” – Rrushkull
Së bashku për dije, edukim dhe një të ardhme më të ndritur! ✨

06/07/2026

📢 Kanë nisur regjistrimet për vitin shkollor 2026–2027!
Shkolla "Pal Zefi" – Rrushkull njofton të gjithë prindërit se kanë filluar regjistrimet për nxënësit që do të ndjekin klasën e parë në vitin shkollor 2026–2027.

🗓️ Afati i regjistrimeve: 06 – 31 korrik 2026

Regjistrimi kryhet në mënyrë elektronike përmes portalit e-Albania.

Ju mirëpresim në familjen e Shkollës "Pal Zefi" – Rrushkull, ku përkushtimi, edukimi dhe zhvillimi i çdo fëmije janë prioriteti ynë.

13/06/2026

11/06/2026

📚❤️ Një zemër e vogël, një shembull i madh! ❤️📚

Në një kohë kur fëmijët zakonisht dëshirojnë lodra, ëmbëlsira apo dhurata për veten, një nxënëse e klasës së parë bëri një kërkesë të veçantë ndaj prindërve të saj. Ajo nuk kërkoi çokollata, as lodra. Në vend të tyre, dëshira e saj ishte që shokët dhe shoqet e klasës të merrnin dhuratë nga një libër.

Me mbështetjen e familjes, kjo dëshirë e bukur u bë realitet. Çdo nxënës i klasës mori një libër, një dhuratë që pasuron mendjen, ushqen imagjinatën dhe nxit dashurinë për leximin.

Ky gjest i rrallë na kujtoi se mirësia, bujaria dhe dashuria për dijen mund të shfaqen që në moshë të vogël. Ai është një shembull frymëzues për të gjithë ne dhe një dëshmi se vlerat më të bukura lindin nga zemrat e pastra të fëmijëve.

Falënderojmë nxënësen Uesla Tavani dhe familjen e saj për këtë iniciativë të mrekullueshme, e cila solli gëzim, emocion dhe frymëzim në klasën tonë.

📖 "Një libër i dhuruar është një dritare e hapur drejt dijes dhe ëndrrave."

01/06/2026

🌈🎉 Festë plot ngjyra, buzëqeshje dhe emocione për 1 Qershorin!

Sot fëmijët e kopshtit tonë festuan me gëzim dhe entuziazëm Ditën Ndërkombëtare të Fëmijëve, duke sjellë atmosferë të ngrohtë, këngë, valle dhe shumë lumturi.
Një falënderim dhe vlerësim i veçantë shkon për edukatoret Valbona Karaj dhe Fatjeta Zefi, të cilat me përkushtimin, dashurinë dhe profesionalizmin e tyre organizuan një aktivitet të bukur dhe të paharrueshëm për vogëlushët. Puna e tyre e palodhur u pasqyrua në buzëqeshjet dhe lumturinë e çdo fëmije.
Urime të përzemërta edhe për fëmijët tanë të mrekullueshëm, që me energjinë dhe pafajësinë e tyre e bënë këtë ditë kaq të veçantë, si dhe për prindërit që janë gjithmonë mbështetës dhe bashkëpunëtorë në çdo aktivitet.
Gëzuar 1 Qershorin të gjithë fëmijëve! Ju urojmë një fëmijëri të lumtur, plot dashuri, shëndet dhe ëndrra të bukura që bëhen realitet. 🌟👧🧒🌸
❤️🌼

30/05/2026

"Prindërit Tanë" ❤️
Një nga momentet më emocionuese të Festës së Abetares ishte interpretimi i këngës kushtuar prindërve. Me zërat e tyre të ëmbël dhe plot ndjenjë, fëmijët shprehën dashurinë, mirënjohjen dhe respektin për ata që i shoqërojnë çdo ditë në rrugën e dijes.
Kjo këngë ishte një falënderim i veçantë për të gjithë prindërit, për përkushtimin, mbështetjen dhe sakrificat e tyre të vazhdueshme.

Faleminderit prindërve që janë gjithmonë pranë fëmijëve të tyre, duke i inkurajuar dhe mbështetur në çdo hap të rrugëtimit të tyre.