Njësia Administrative Odrie

02/09/2026

KALENDARI I AKTIVITETEVE SHTATOR 2026😊

28/08/2026

24/06/2026

28/05/2026

📢 NJOFTIM PËR FERMERËT

Njoftohen të gjithë fermerët e Njësisë Administrative Odrie se kanë nisur aplikimet për Skemën Kombëtare të Mbështetjes në Bujqësi 2026.

Skema përfshin masa mbështetëse për:
✅ blegtorinë
✅ bletarinë
✅ sipërfaqet e mbjella
✅ fermat organike
✅ mekanizimin bujqësor
✅ fermerët e rinj dhe masa të tjera në mbështetje të zhvillimit të fermave bujqësore.

📅 Aplikimet janë të hapura deri më 26 qershor 2026 dhe kryhen online në portalin e-Albania, si edhe me asistencën e Agropikave.

Ftohen të gjithë fermerët e interesuar të informohen pranë strukturave përkatëse bujqësore dhe të aplikojnë brenda afateve.

Për më shumë informacion:
📍 Agropika Gjirokastër
📞 Numri i kontaktit :
+355 69 698 2047

26/05/2026

🚒🔥 Në kuadër të masave parandaluese për sezonin pranverë–verë, Drejtoria e MZSH-së pranë Bashkisë Gjirokastër zhvilloi një takim sensibilizues në Njësinë Administrative Odrie, me pjesëmarrjen e institucioneve përgjegjëse, fermerëve dhe banorëve të zonës.

Gjatë takimit u theksua rëndësia e vigjilencës dhe bashkëpunimit për parandalimin e zjarreve në pyje, kullota dhe zona të hapura.

⚠️ U bë apel për:
▪️ Mosndezjen e zjarreve në ambiente të hapura
▪️ Mosdjegien e mbetjeve apo barishteve
▪️ Njoftimin e menjëhershëm të çdo vatre zjarri
▪️ Kujdes maksimal gjatë sezonit veror

Në vijim të aktiviteteve parandaluese u zhvillua edhe takimi përmbyllës në ambientet e Shërbimit Zjarrfikës Gjirokastër, ku u trajtuan edhe përgjegjësitë ligjore që rrjedhin nga zjarrvënia si vepër penale.

🙏 Parandalimi fillon nga secili prej nesh.

24/05/2026

07/05/2026

Në takimin e sotëm të zhvilluar në ambientet e Drejtorisë Rajonale të Bujqësisë në Gjirokastër, u njohëm nga afër me skemën e re të mbështetjes për zhvillimin rural, të prezantuar nga Agjencia për Zhvillim Bujqësor dhe Rural (AZHBR). 🤝
Fermerët tanë janë në fokus të këtij procesi informimi, pasi suksesi i investimeve të tyre nis me njohjen e saktë të lehtësive financiare. Angazhimi ynë është që çdo fermer i zonës sonë të jetë plotësisht i informuar dhe të përfitojë maksimalisht nga kjo mbështetje. 📍

06/05/2026

KALENDARI AKTIVITETEVE MUAJI MAJ🌼

06/05/2026

🔹 Ndërhyrje për sigurimin e një rruge alternative në Labovë

Pas dëmtimit të rrugës kryesore në fshatin Labovë e Madhe, u ndërmor ndërhyrja për sigurimin e një rruge alternative, me qëllim garantimin e aksesit për banorët e zonës.

Bashkia Gjirokastër, në bashkëpunim me Forcat e Armatosura të Republikës së Shqipërisë, realizoi ndërhyrjen me mjete të rënda, në terren të vështirë dhe me volum të konsiderueshëm punimesh.

Rruga është tashmë në funksion të plotë, duke siguruar akses dhe lëvizje të pandërprerë për komunitetin.

Procesi i ndërhyrjes është ndjekur në vijimësi nga Kryetari i Bashkisë Gjirokastër, Z. Flamur Golemi, duke treguar vëmendje të veçantë për adresimin sa më të shpejtë të situatës dhe minimizimin e pasojave për komunitetin, të cilin e falënderojmë për mbështetjen dhe angazhimin e treguar gjatë këtij procesi.

ℹ️ Pavarësisht kohës së kaluar nga përfundimi i punimeve, po e ndajmë këtë përmbledhje për të pasqyruar volumin e punës së kryer dhe përkushtimin e treguar në terren.

📌 Ndërkohë, Bashkia Gjirokastër ka nisur procedurat për kryerjen e studimeve gjeologjike në zonën e dëmtuar, me qëllim vlerësimin e kushteve të terrenit dhe përcaktimin e ndërhyrjes së mëtejshme teknike për zgjidhjen përfundimtare.