Florinda Zegullaj

02/11/2026

Në Institucionin e Prefektit të Qarkut Korçë u zhvillua një mbledhje pune, nën drejtimin e Prefektes së Qarkut, me pjesëmarrjen e Nënprefektëve të Pogradecit, Devollit dhe Kolonjës, drejtorin e Drejtorisë Rajonale Qendër-Lindje të ARRSH-së, përgjegjësve të emergjencave civile të bashkive, shefin e Sektorit të Qarkullimit pranë DVP Korçë, si dhe kontraktorëve përgjegjës për mirëmbajtjen e akseve rrugore nacionale në Qarkun Korçë.

Mbledhja kishte si qëllim marrjen e masave paraprake për përballimin e situatave të mundshme gjatë sezonit vjeshtë-dimër 2026–2027, si dhe koordinimin dhe përgatitjen e kapaciteteve njerëzore dhe logjistike për garantimin e mirëadministrimit dhe mirëmbajtjes së akseve rrugore në këtë periudhë.

Gjatë takimit u diskutua mbi rritjen e gatishmërisë së strukturave përgjegjëse, bashkëpunimin ndërinstitucional dhe sigurimin e mjeteve e pajisjeve të nevojshme për ndërhyrje në kohë, me qëllim garantimin e qarkullimit normal dhe sigurisë së përdoruesve të rrugës gjatë sezonit të dimrit.

02/11/2026

📍 Kalendari i takimeve dhe aktiviteteve 26 Tetor - 1 Nentor 2026

01/11/2026

Fotoalbum nga takimi i AERTE në La Roche-sur-Yon, France 🇫🇷

31/10/2026

🇦🇱🇹🇷 Në pritjen festive me rastin e 29 Tetorit, Ditës së Republikës së Turqisë, pata kënaqësinë të përcjell urimet më të përzemërta për popullin turk, për paqe, mirëqenie dhe përparim.

Miqësia ndërmjet Shqipërisë dhe Turqisë mbështetet në lidhjet njerëzore, respektin e ndërsjellë dhe bashkëpunimin e vazhdueshëm. Kjo ditë është edhe një mundësi për të vlerësuar këto lidhje dhe për të shprehur besimin në forcimin e mëtejshëm të tyre, në të mirë të qytetarëve të të dy vendeve.

Falënderoj Ambasadën e Republikës së Turqisë për ftesën dhe mikpritjen e ngrohtë!

Gëzuar Ditën e Republikës!
Cumhuriyet Bayramınız kutlu olsun! 🇹🇷

30/10/2026

🇦🇱🤝🇬🇷 Kujtesa historike na bashkon në vlerat e paqes, respektit dhe miqësisë mes popujve.

Sot, me ftesë të Konsullatës së Përgjithshme të Greqisë në Korçë, mora pjesë në ceremonitë përkujtimore me rastin e përvjetorit të 28 Tetorit 1940, në nderim të të rënëve gjatë Luftës Italo-Greke të viteve 1940–1941.

Në solemnitetin e kësaj dite, përulemi me respekt përpara kujtimit të jetëve të humbura, duke reflektuar mbi sakrificat njerëzore dhe plagët që luftërat kanë lënë në historinë e popujve tanë.

Korça, si një trevë me kujtesë të pasur historike dhe lidhje të hershme ndërkufitare, mbart një mesazh të veçantë: historia duhet të na mësojë të ndërtojmë ura mirëkuptimi, jo ndasi!

Shqipëria dhe Greqia ndajnë shumë më tepër sesa një kufi gjeografik. Na lidhin marrëdhëniet njerëzore, trashëgimia kulturore, bashkëpunimi ndërmjet komuniteteve dhe aspirata për një të ardhme europiane të mbështetur në paqe, fqinjësi të mirë dhe respekt të ndërsjellë.

Falënderoj Konsullin e Përgjithshëm të Greqisë në Korçë, Dr. Asterios Bouzias, për ftesën dhe organizimin e kësaj dite përkujtimore.

Nderimi më i denjë për sakrificat e së kaluarës është përgjegjësia jonë e përbashkët për të ruajtur paqen dhe për t’u lënë brezave të ardhshëm një trashëgimi miqësie, dinjiteti dhe bashkëpunimi.

Kujtesë për të shkuarën! Respekt për jetën! Përkushtim për paqen!

30/10/2026

🌹Prania Besnike, si çdo të premte, në orën 17:00, në të gjithë Qarkun e Korçës.

Pranë qytetarëve, në çdo njësi administrative, për t’i dëgjuar dhe për të diskutuar nga afër mbi nevojat e çdo komuniteti.

🇦🇱🦅🇪🇺
🌹
🏃‍♂️‍➡️📲💻

29/10/2026

Sot, në Bashkinë Kolonjë, prezantuam nënprefekten e re, znj. Mimoza Gora, e cila merr këtë përgjegjësi pas një përvoje të gjatë në Forcat e Armatosura dhe administratën vendore.

Në fjalën time theksova rëndësinë e pranisë në terren, bashkëpunimit ndërinstitucional dhe ndjekjes me përgjegjësi të kërkesave të qytetarëve. Përgatitja për emergjencat civile dhe vëmendja ndaj banorëve në zonat e largëta e familjeve në nevojë mbeten përparësi të punës sonë.

Falënderova z. Adriatik Braçe për kontributin e tij si nënprefekt i Kolonjës dhe për bashkëpunimin në shërbim të komunitetit.

Znj. Gora i urova suksese në detyrën e re, me bindjen se përvoja e saj do të përkthehet në angazhim të qëndrueshëm dhe rezultate konkrete për qytetarët e Kolonjës.

29/10/2026

Në Shtëpinë Muze të Vangjush Mios, arti na bashkoi në edicionin XVI të Simpoziumit Ndërkombëtar të Artit “Ditët e Mios”, organizuar nga Bashkia Korçë dhe Qendra e Kulturës dhe Inovacionit.

Kënaqësi të merrja pjesë në këtë veprimtari që mban gjallë emrin dhe trashëgiminë e Vangjush Mios, duke krijuar hapësirë për takime, krijimtari dhe shkëmbim artistik.

Si Prefekte e Qarkut Korçë, vlerësoj nismat që e bëjnë trashëgiminë kulturore pjesë aktive të jetës së komunitetit dhe i japin hapësirë artit bashkëkohor. Identiteti kulturor i Korçës pasurohet përmes punës së artistëve dhe mundësive që u krijojmë brezave të rinj për ta njohur e për ta zhvilluar atë.

Mirënjohje organizatorëve dhe artistëve pjesëmarrës për kontributin e tyre në jetën kulturore të qytetit tonë!

28/10/2026

27/10/2026

🇦🇱 Sot mora pjesë në Konferencën Shkencore Ndërkombëtare “Komponenti Rezervist në Forcat e Armatosura të Republikës së Shqipërisë: Integrimi, qëndrueshmëria dhe përdorimi efektiv i tij”, organizuar nga Akademia e Forcave të Armatosura, nëpërmjet Institutit Kërkimor Shkencor Ushtarak.

Konferenca solli në vëmendje rëndësinë e zhvillimit të komponentit rezervist si pjesë e kapaciteteve mbrojtëse të vendit dhe e angazhimit tonë për mbrojtjen kolektive, në përputhje me standardet e NATO-s.

Diskutimet mbi kuadrin ligjor e institucional, trajnimin, mobilizimin dhe gatishmërinë e forcave rezerviste, të ndërthurura me përvojat e vendeve aleate dhe partnere, ofruan një perspektivë të vlefshme për sfidat dhe mundësitë në këtë fushë.

🤝 Forcimi i qëndrueshmërisë kombëtare kërkon përgatitje, bashkëpunim ndërinstitucional dhe koordinim të vazhdueshëm në çdo nivel. Nga këndvështrimi i qeverisjes në territor, ky bashkëpunim merr rëndësi të veçantë edhe në përballimin e emergjencave civile dhe mbrojtjen e komuniteteve.

Falënderoj Akademinë e Forcave të Armatosura dhe Institutin Kërkimor Shkencor Ushtarak për ftesën dhe organizimin e kësaj konference, si dhe për krijimin e një hapësire të rëndësishme dialogu dhe shkëmbimi përvojash. 🇦🇱