COD - Center For Openness And Dialogue

14/10/2026

12/10/2026

Një udhëtim në artin grafik japonez vjen për herë të parë në COD.

“Contemporary Japanese Print 1946–1993” sjell 50 printe që pasqyrojnë zhvillimin e grafikës japoneze të pasluftës.

Ekspozita prezanton 50 artistë japonezë të brezave të ndryshëm, mes tyre Yayoi Kusama, Lee Ū Fan dhe Yokoo Tadanori, puna e të cilëve pasqyron ndryshimet në artin japonez nga lëvizja e “stampës krijuese” te ndikimet e Pop Art-it dhe artit konceptual.

10/10/2026

Tema globale e CreativeMornings për muajin tetor është ALTITUDE (Lartësia), rreth së cilës do të flitet në 253 qytetet në botë, që aplikojnë këtë projekt prej vitit 2008.
Në Tiranë kemi ftuar Gjergj Bojaxhi, menaxher si dhe alpinist, i cili do të ndajë me ne eksperiencën e tij kreative dhe profesionale rreth kësaj teme.

“Për mua Lartësia (Altitude) është Liri, Perspektivë, Sfidë, Paqe e brendshme.”

Gjergj Bojaxhi u diplomua në St. John’s College, Annapolis, Maryland në vitin 1997, me dy degë kryesore (majors) 1. Filozofi dhe 2. Historia e Matematikës dhe Shkencave; dhe dy degë dytësore (minors) 1. Letërsi Krahasuese dhe 2. Arte Liberale.
Përfundoi studimet Master (2001-2003) në “School of Advanced International Studies” (SAIS) pranë Universitetit Johns Hopkins në Uashington D.C., me fokus në Zhvillimin Ekonomik dhe Marrëdhëniet Ndërkombëtare.
Në vitin 2005, Gjergji pranoi detyrën e Zëvendësministrit të Ekonomisë, Tregtisë dhe Energjetikës, duke u përqendruar kryesisht në fushat e energjisë dhe ekonomisë, përfshirë projektin TAP.
Pas krizës së energjisë elektrike në dimrin e vitit 2006, Gjergji u emërua Drejtor i Përgjithshëm i Korporatës Elektroenergjetike Shqiptare (KESH).
Në vitin 2012, Gjergji mori drejtimin e një kompanie të re, “Everest Oil” Sh.a. si Drejtor i Përgjithshëm.
Gjergji është një pjesëmarrës aktiv në debate televizive mbi çështjet ekonomike dhe sociale me të cilat përballet vendi.
Ai është një alpinist i pasionuar dhe një nga organizatorët e drejtuesit e ekipit të ekspeditës së parë shqiptare për ngjitjen në Everest në vitin 2012.
Ai ka realizuar ngjitje në pesë nga “7 Majat” (7 Summits).

Eventi do të mbahet të premten, datë 16 tetor, ora 10:00, te Libraria BABEL.

09/10/2026

Dy ekspozita të reja vijnë në COD dhe na ftojnë të zbulojmë Japoninë përmes dy këndvështrimeve: gjurmës së printimit dhe hapësirës së ndërtuar.

“Contemporary Japanese Print 1946–1993” ndjek transformimin e grafikës japoneze të pasluftës, përmes një përzgjedhjeje veprash që pasqyrojnë eksperimentimin, ndryshimin dhe kërkimin e artistëve gjatë dekadave.

“Built Environment: An Alternative Guide to Japan” na propozon një tjetër mënyrë për të lexuar Japoninë: përmes ndërtesave, peizazhit dhe hapësirave ku arkitektura takohet me natyrën dhe jetën e përditshme.

Ekspozitat vijnë në bashkëpunim me Ambasadën e Japonisë në Shqipëri dhe Institutin Japonez të Kulturës në Romë, në kuadër të Javës Kulturore Japoneze.

Hapur për publikun: 16 tetor - 11 nëntor 2026.
Orari: 09:00 - 14:00.

08/10/2026

Anne Carson shpallet Nobelistja e Letërsisë për vitin 2026 me motivacionin "për veprën e saj të guximshme dhe krijuese, e cila në dialog lozonjar me traditën klasike, ka krijuar forma të reja për letërsinë bashkëkohore".

Shpalljen e këtij Çmimi e ndoqëm drejtpërdrejt në Bibliotekën e COD-it bashkë me: ShTZ. Niklas Ström (Ambasador i Suedisë në Shqipëri); ShTZ. Wojciech Unolt (I Ngarkuari me Punë i Ambasadës së Polonisë në Shqipëri); Znj. Dhurata Shehri (studiuese e letërsisë, kritike dhe pedagoge në UT, në Fakultetin Histori-Filologji, Departamenti i Letërsisë); Znj. Ana Kove (shkrimtare dhe përkthyese nga gjuha gjermane e disa prej autorëve që janë nderuar me Çmimin Nobel).

Biseda u përqendrua te rëndësia që ka ky çmim, historiku i përkthimit të autorëve nobelistë në shqip dhe ndikimit që kanë autorët nobelistë te opinioni i gjerë publik.

06/10/2026

Do të presim gjatë transmetimit të drejtëpërdrejte të çmimeve Nobel, për të mësuar autorin që Akademia Suedeze do të përzgjedhë si fituesin e çmimit Nobel në Letërsi për vitin 2026.
Mes diskutimesh, parashikimesh dhe pritjeje, do të mësojmë nobelistin e ri në COD.

Na kontaktoni për t'u bashkuar në këtë takim!

05/10/2026

Takimi i parë i programit ‘Drejt Vetes’ diskutoi rreth temës së imazhit dhe identitetit me Dr. Mariola Bani.
Këte muaj, COD sjell një tjetër temë aktuale në përditshmërinë e të rinjve duke ndihmuar procesin e rritjes dhe zhvillimit personal.

Stay tuned!

03/10/2026

Edhe pak ditë na ndajnë nga mbyllja e aplikimeve për pjesëmarrjen në programin e mentorimit “Fotografimi i Shqipërisë, histori, kujtesë dhe lidhje njerëzore”, me fotografin Enri Canaj.

Ju ftojmë të bashkoheni në këtë eksperiencë dhe të eksploroni përmes fotografisë realitetin shoqëror, kulturor dhe emocional të Shqipërisë së sotme.

Plotësoni formularin në link-un më poshtë: https://forms.gle/UtXEKdTwdYPV91SQ8

01/10/2026

Tetori Rozë përbën një moment të rëndësishëm ndërgjegjësimi mbi rëndësinë e parandalimit, informimit dhe kujdesit të vazhdueshëm për shëndetin.
Në kuadër të këtij muaji, COD i bashkohet mesazhit të ndërgjegjësimit dhe solidaritetit, duke promovuar rëndësinë e informimit dhe të kontrolleve të rregullta shëndetësore. 🎀

30/09/2026

Në Ditën Ndërkombëtare të Përkthimit, vlerësojmë përkthyesit për transportimin e kulturave të ndryshme dhe pasurisë që sjellin me letërsinë.

Në Bibliotekën e COD-it, librat e përkthyer në shqip nga gjuhë të ndryshme të botës janë një vlerë e veçantë e fondit të saj.

Në fondin e bibliotekës gjenden kryevepra si “Jul Cezari” përkthyer nga Fan Noli, “Eugjen Onjegin” përkthyer nga Lasgush Poradeci, “Eneida” përkthyer nga Mark Dema, “Komedia Hyjnore” përkthyer nga Mark Ndoja, “Poezi gjermane dhe austriake” përkthyer nga Petraq Kolevica e të tjera.