05/10/2026
Sot, në 🏛️Komisionin për Burimet Natyrore, Infrastrukturën dhe Zhvillimin e Qendrueshëm diskutuam p/ligjin për peshkimin, një hap i rëndësishëm për zhvillimin e sektorit, mbrojtjen e ekosistemit detar dhe forcimin e kontrollit në hapësirat tona ujore. 💧🎣
📈 Në nëntëmujorin e këtij viti peshkimi ka shënuar rritje. Sektori përfaqëson 3,5% të eksporteve shqiptare, me rreth 150 milionë në eksporte të peshkut dhe nënprodukteve të tij.🐟🦐🦀 Për ta mbështetur këtë zhvillim, ligji parashikon një sistem të centralizuar kontrolli dhe monitorimi.
🌊Mbrojtja e detit është pjesë thelbësore e këtij kuadri. Parashikohen masa për ruajtjen e ekosistemit dhe ndalimi i peshkimit, tregtimit dhe konsumit të 15 llojeve të peshqve dhe organizmave ujorë. Po ashtu, detyrimet për deklarimin dhe peshimin e zënieve do të kontrollohen nga administrata përgjegjëse.
🔗🔎 Një risi e rëndësishme është forcimi i monitorimit të zonave dhe kohës së peshkimit, përmes teknologjisë satelitore, pozicionimit elektronik dhe fuqizimit të Qendrës së Monitorimit të Peshkimit. Vlerësoj gjithashtu qartësimin e bashkërendimit me QNOD-në, pa krijuar struktura që mbivendosen me njëra-tjetrën.
Monitorimi më i mirë ndihmon në parandalimin e peshkimit të paligjshëm, por edhe të kontrabandës së karburanteve, ndërsa kontribuon në sigurinë e infrastrukturës nënujore. Një det i mbrojtur dhe i monitoruar është njëkohësisht pasuri ekonomike dhe çështje e sigurisë kombëtare.🛡️🇦🇱
