KMSHC Albania

22/10/2026

🇦🇱🇦🇹 Komisionerja për Mbikëqyrjen e Shërbimit Civil zhvillon takim në Ambasadën e Austrisë

Komisionerja për Mbikëqyrjen e Shërbimit Civil, znj. Lefterije Lleshi (Luzi), u prit në Ambasadën e Austrisë në Tiranë nga Zv. Shefi i Misionit, z. Martin Schaller.

Takimi u fokusua në shkëmbimin e përvojave dhe praktikave në fushën e shërbimit civil, me theks të veçantë te garantimi i profesionalizmit, meritës dhe paanësisë së administratës publike, si dhe te neutraliteti politik i nëpunësve civilë gjatë proceseve zgjedhore.

Gjatë takimit u diskutuan gjithashtu mundësitë për forcimin e bashkëpunimit institucional ndërmjet Shqipërisë dhe Austrisë, si dhe zhvillimet në modernizimin dhe digjitalizimin e administratës publike.

BashkëpunimInstitucional

17/10/2026

16/10/2026

🔵 KMSHC dhe ASEP nënshkruajnë marrëveshje bashkëpunimi për forcimin e administratës publike

🇦🇱 Athinë, 15 tetor 2026 – Komisionerja për Mbikëqyrjen e Shërbimit Civil, znj. Lefterije Lleshi( Luzi), dhe Presidenti i Këshillit të Lartë për Përzgjedhjen e Personelit të Greqisë (ASEP), Dr. Athanassios Papaioannou, nënshkruan marrëveshje bashkëpunimi ndërmjet dy institucioneve.

🤝 Marrëveshja synon forcimin e bashkëpunimit institucional dhe shkëmbimin e përvojave në fushën e shërbimit civil, veçanërisht në proceset e rekrutimit dhe përzgjedhjes së personelit, garantimin e meritës, objektivitetit, transparencës dhe trajtimit të barabartë të kandidatëve.

📚 Në kuadër të marrëveshjes parashikohen vizita studimore, trajnime, takime ndërmjet ekspertëve, shkëmbim metodologjish, publikimesh, raportesh dhe materialesh profesionale, si dhe bashkëpunim në aktivitete dhe nisma ndërkombëtare.

🔹 Komisionerja vlerësoi përvojën e ASEP dhe theksoi rëndësinë e shkëmbimit të praktikave dhe eksperiencave për përmirësimin e mëtejshëm të metodologjive të mbikëqyrjes së shërbimit civil.

💬 “Kjo marrëveshje nuk duhet të mbetet thjesht një dokument i nënshkruar, por të shërbejë si fillimi i një komunikimi të vazhdueshëm dhe i një bashkëpunimi konkret”, u shpreh Komisionerja Lleshi.

🟢 Në ceremoninë e nënshkrimit mori pjesë edhe Ambasadorja e Shqipërisë në Greqi, znj. Luela Hajdaraga.

14/10/2026

🏛️ KMSHC pjesëmarrëse në “IASIA 2026”, theksohet roli i nëpunësve civilë në forcimin e institucioneve

📍 Athinë, 14 tetor 2026 – Institucioni i Komisionerit për Mbikëqyrjen e Shërbimit Civil, i përfaqësuar nga Komisionerja, znj. Lefterije Lleshi (Luzi), së bashku me stafin e institucionit, mori pjesë në ditën e tretë të Konferencës Ndërkombëtare IASIA 2026, që po zhvillohet në Athinë, Greqi. 🇬🇷

🔵 Gjatë ceremonisë zyrtare të hapjes u vu në fokus roli i nëpunësve civilë në forcimin e institucioneve dhe demokracisë. Në këtë kuadër, u nënvizua rëndësia e një shërbimi civil profesional, me integritet, të përgjegjshëm dhe politikisht të paanshëm. ⚖️

🔵 🟢 🔴 🟡 🟣

13/10/2026

📍 Komisionerja për Mbikëqyrjen e Shërbimit Civil prezanton punimin mbi reformën e administratës publike në Konferencën IASIA 2026

🇬🇷 Athinë, 13 tetor 2026

📚 Në ditën e dytë të Konferencës Ndërkombëtare IASIA 2026, që po zhvillohet në Athinë, Greqi, Komisionerja për Mbikëqyrjen e Shërbimit Civil, znj. Lefterije Lleshi (Luzi), prezantoi punimin me temë “Reforma e Administratës Publike në Shqipëri: Nga hartimi i reformave te zbatimi i tyre në praktikë, përmes mbikëqyrjes së shërbimit civil” (Public Administration Reform in Albania: Bridging Reform Design and Administrative Practice through Civil Service Oversight).

📊 Mbështetur në të dhënat e Raportit Vjetor të Komisionerit për vitin 2025, punimi trajtoi ecurinë dhe sfidat në administrimin e shërbimit civil, duke u fokusuar te rekrutimi, plotësimi i pozicioneve vakante, vlerësimi i rezultateve në punë dhe procedurat disiplinore, si dhe te dallimet në zbatimin e legjislacionit ndërmjet kategorive të ndryshme të institucioneve publike.

🔎 Gjatë prezantimit, Komisionerja theksoi se suksesi i reformës së administratës publike nuk matet vetëm me miratimin e ligjeve dhe strategjive, por mbi të gjitha me zbatimin e tyre në praktikë.

⚖️ Në këtë kuadër, mbikëqyrja e pavarur shërben jo vetëm për identifikimin dhe korrigjimin e shkeljeve, por edhe si burim të dhënash për përmirësimin e menaxhimit të shërbimit civil dhe orientimin e politikave të reformës.

12/10/2026

📍 Komisioneri për Mbikëqyrjen e Shërbimit Civil merr pjesë në Konferencën Ndërkombëtare IASIA 2026 në Athinë 🇦🇱🇬🇷

📅 Athinë, 12 tetor 2026

Komisionerja për Mbikëqyrjen e Shërbimit Civil, znj. Lefterije Lleshi (Luzi), e shoqëruar nga përfaqësues të stafit të institucionit, mori pjesë sot në ditën e parë të Konferencës Ndërkombëtare Vjetore të Shoqatës Ndërkombëtare të Shkollave dhe Instituteve të Administratës (IASIA 2026), e cila zhvillohet në Athinë, Greqi, në datat 12–16 tetor 2026. 🌍🏛️

Konferenca, e organizuar në bashkëpunim me Qendrën Kombëtare për Administratën Publike dhe Vetëqeverisjen Vendore të Greqisë (EKDDA), zhvillohet nën temën “Rethinking Governance for a Changing World” (Rimendimi i qeverisjes në një botë në ndryshim) dhe mbledh së bashku përfaqësues të institucioneve publike, akademikë, studiues dhe ekspertë ndërkombëtarë për të diskutuar sfidat dhe perspektivat e reformimit të administratës publike. 🤝📚🌐

Albania Greece

08/10/2026

🏛️ Dibër, Komisionerja takime në institucionet vendore

🤝 Komisionerja për Mbikëqyrjen e Shërbimit Civil, znj. Lefterije Lleshi (Luzi), zhvilloi një vizitë pune në Dibër, ku u takua me Kryetarin e Bashkisë Dibër, z. Rahim Spahiu dhe Kryetaren e Këshillit të Qarkut Dibër, znj. Dolores Mikli.

📌 Diskutimet u përqendruan te zhvillimet dhe sfidat e administratës publike vendore, forcimi i profesionalizmit, zbatimi i legjislacionit për shërbimin civil dhe rritja e kapaciteteve administrative.

Komisionerja, e shoqëruar në këto takime edhe nga stafi i saj, kërkoi informacion edhe mbi zbatimin e detyrave të lëna nga KMSHC, gjatë procesit të mbikëqyrjes, dhe mbi raportimin e rasteve të përfundimit të marrëdhënies në shërbimin civil dhe zbatimin e vendimeve gjyqësore.

🎯 Në fokus të takimit ishte edhe informimi mbi monitorimin e sjelljes së nëpunësve publikë gjatë fushatës zgjedhore, në zbatim të pikës 14, të Rezolutës së Kuvendit, dhe detyrimi i institucioneve vendore për të bashkëpunuar me Komisionerin për Mbikëqyrjen e Shërbimit Civil, në kuadër të raportimit të kërkuar.

06/10/2026

🔵 Takim konsultues me OECD/SIGMA

🏛️ Institucioni i Komisionerit për Mbikëqyrjen e Shërbimit Civil (KMSHC), në bashkëpunim me OECD/SIGMA, organizoi takimin e radhës, në vijim të konsultimit mbi treguesit kryesorë të mbikëqyrjes dhe inspektimit, në kuadër të vlerësimit mbi zbatueshmërinë e ligjit nga Komisioneri.

🟢 Aktiviteti u zhvillua në ambientet e KMSHC-së, në prani të Komisioneres për Mbikëqyrjen e Shërbimit Civil, znj. Lefterije Lleshi (Luzi), dhe z. L**h Marcinkowski, përfaqësues i OECD/SIGMA.

🟠 Diskutimet u përqendruan në kuadrin e treguesve të shërbimit civil, mënyrën e vlerësimit të tyre dhe përdorimin e të dhënave për të pasqyruar zhvillimet në administratën publike shqiptare.

🟣 Gjatë diskutimit u theksua rëndësia e një qasjeje të bazuar në të dhëna dhe standarde të qarta, në funksion të rritjes së efektivitetit dhe profesionalizmit të administratës publike.