Biblioteka Publike "Shevqet Musaraj" Vlore

29/10/2026

📚✨ TETORI I LETËRSISË VAZHDON NË BIBLIOTEKËN TONË!

Edhe pse jemi në ditët e fundit të tetorit, letërsia vazhdon të na bashkojë, të na frymëzojë dhe të na dhurojë çaste të bukura mes librave.

📖 Në këto momente, në Bibliotekën Publike "Shevqet Musaraj" Vlorë, një tjetër takim me librin po zhvillohet, duke dëshmuar se dashuria për letërsinë nuk njeh kufij kalendarikë. ❤️

Biblioteka Publike "Shevqet Musaraj" Vlore
Qendra Kulturore Vlorë
Bashkia Vlorë

28/10/2026

"Një libër i hapur është një botë që pret të zbulohet."
( Mitrush Kuteli)

📚🍂 Në Tetorin e Letërsisë, Biblioteka Publike "Shevqet Musaraj" Vlorë mirëpriti nxënësit e klasës së VIII-të të shkollës "Avni Rustemi", në një vizitë që solli në bibliotekë kureshtjen, zbulimin dhe dashurinë për librin.

📖 Mes librave dhe fjalës së shkruar, nxënësit patën mundësinë të njihnin nga afër fondin e bibliotekës, pasurinë e botës letrare dhe mënyrën e funksionimit të saj.

📚 Sepse çdo libër që hapim na çon më tej se bota që njohim.



Biblioteka Publike "Shevqet Musaraj" Vlore
Qendra Kulturore Vlorë
Bashkia Vlorë
Avni Rustemi

27/10/2026

Ndodh tani në bibliotekë!
KVR Bashkia Vlore
Biblioteka Publike "Shevqet Musaraj" Vlore
Qendra Rinore e Vlores / Vlora Youth Center

25/10/2026

AKTIVITETET E BIBLIOTEKËS

NËNTOR 2026

BIBLIOTEKA PUBLIKE "SHEVQET MUSARAJ" VLORË

1. 16 NËNTOR 2026

"Kur shkronjat u bënë histori"

Përpara se fjala të bëhej libër...

Veprimtari letrare kushtuar Kongresit të Manastirit dhe historisë së alfabetit shqip.

Në bashkëpunim me Shkollën 9-vjeçare "4 Heronjtë", në bibliotekën e shkollës, me pjesëmarrjen e Klubit të Librit, do të zhvillohet një veprimtari letrare kushtuar Kongresit të Manastirit dhe historisë së alfabetit të gjuhës shqipe.

Përmes leximeve, interpretimeve letrare dhe bashkëbisedimit me nxënësit, do të rikujtohet rrugëtimi historik i alfabetit shqip dhe përpjekjet e figurave të shquara që kontribuuan në njësimin e tij. Veprimtaria synon të afrojë brezin e ri me historinë e gjuhës, librin dhe trashëgiminë tonë kulturore.

2. 20 NËNTOR 2026

"Një fëmijë nuk ka nevojë të jetë si gjithë të tjerët për t'u dashur"

Veprimtari ndërgjegjësuese mbi tolerancën, respektin dhe pranimin e dallimeve.

Në bashkëpunim me Shkollën 9-vjeçare "Avni Rustemi", do të zhvillohet një takim me nxënësit, në kuadër të Ditës Botërore të Fëmijëve.

Përmes një fjale ndërgjegjësuese dhe bashkëbisedimit me nxënësit, do të trajtohen rëndësia e tolerancës, mirëkuptimit, respektit të ndërsjellë dhe parandalimit të bullizmit e përjashtimit në mjedisin shkollor.

Veprimtaria synon të përcjellë mesazhin se çdo fëmijë meriton të dëgjohet, të respektohet dhe të ndihet i pranuar, pavarësisht dallimeve, sepse mirësia, empatia dhe respekti janë vlera që formojnë njerëzimin tonë.

3. 23-30 NËNTOR 2026

"Shqipëri, në çdo faqe të historisë sate rreh zemra e një populli"

Ekspozitë tematike kushtuar 28 Nëntorit, Ditës së Pavarësisë, dhe 29 Nëntorit, Ditës së Çlirimit.

Biblioteka Publike "Shevqet Musaraj" do të organizojë një ekspozitë me libra, dokumente dhe materiale historike nga fondi bibliotekar, kushtuar dy ngjarjeve të rëndësishme të historisë kombëtare.

Ekspozita do të sjellë në vëmendje shpalljen e Pavarësisë në Vlorë, më 28 nëntor 1912, figurat e shquara të historisë shqiptare dhe përpjekjet e sakrificat për çlirimin e vendit.

Përmes botimeve dhe dokumenteve të ekspozuara, synohet të ruhet kujtesa historike, të promovohet kultura e leximit dhe të përcillen te brezat e rinj vlerat e lirisë, atdhedashurisë dhe identitetit kombëtar.

4. 25 NËNTOR 2026

"Petro Marko - zëri i lirisë dhe i humanizmit"

Veprimtari letrare në kuadër të përvjetorit të lindjes së shkrimtarit Petro Marko.

Në bashkëpunim me Shkollën 9-vjeçare "Lef Sallata", në bibliotekën e shkollës, do të zhvillohet një veprimtari letrare kushtuar jetës dhe krijimtarisë së shkrimtarit Petro Marko.

Përmes leximit të fragmenteve nga romanet "Nata e Ustikës" dhe "Hasta la vista", nxënësit do të njihen me botën letrare të autorit dhe mesazhet e lirisë, humanizmit, miqësisë dhe dinjitetit njerëzor që përcjell krijimtaria e tij.

Veprimtaria synon të nxisë interesin e nxënësve për letërsinë shqiptare, të kultivojë dashurinë për librin dhe të krijojë hapësira për reflektim e bashkëbisedim mbi vlerat njerëzore që kapërcejnë kohën.

Biblioteka Publike "Shevqet Musaraj" Vlore
Qendra Kulturore Vlorë

23/10/2026

📖 Libri është një nga ato dashuri që rriten bashkë me ne. Na shoqëron në heshtje, na hap dritare drejt botëve të panjohura dhe na lë gjithmonë diçka që mbetet brenda nesh.

Dhe kur fëmijët afrohen me librin, lind shpresa se fjalët e bukura do të vazhdojnë të jetojnë edhe nesër. ❤️

📚 "MIQTË" E TETORIT TË LETËRSISË NË BIBLIOTEKË

Në kuadër të Tetorit të Letërsisë, Biblioteka Publike "Shevqet Musaraj", në bashkëpunim me Drejtorinë Rajonale të Trashëgimisë Kulturore dhe shkollën 9-vjeçare "Rilindja", mirëpriti nxënësit e kësaj shkolle.

Përmes poezive, recitimeve dhe fragmenteve nga krijimtaria e shkrimtarëve vlonjatë, fëmijët sollën një aktivitet të bukur kushtuar letërsisë vendase.

Falënderojmë nxënësit dhe mësuesen e gjuhës dhe letërsisë, znj. Vera Zaho, për përgatitjen dhe bashkëpunimin!

📖 Biblioteka mbetet një vend ku libri na bashkon dhe na afron me krijimtarinë e shkrimtarëve tanë.





Biblioteka Publike "Shevqet Musaraj" Vlore
Qendra Kulturore Vlorë
Shkolla ''Rilindja '' Vlore
DRTK Vlorë
Vera Zaho

19/10/2026

NJOFTIM PËR KOMUNITETIN E LEXUESVE DHE PËRDORUESVE TË BIBLIOTEKËS

Të dashur lexues dhe përdorues të Bibliotekës Publike "Shevqet Musaraj" Vlorë,

Ju bëjmë me dije se, për shkak të procesit të inventarizimit fizik të fondit libror, të Periodikut dhe të Fondit të Vjetër të Bibliotekës, shërbimet bibliotekare do të jenë të pezulluara deri në një njoftim të dytë.

Kryhet vetëm proçesi i kthimit të librit.
Të gjithë përdoruesit që kanë për të kthyer libër, janë të lutur të vijnë pranë bibliotekës.

Ju falënderojmë paraprakisht për mirëkuptimin dhe bashkëpunimin tuaj!

Me respekt,
Stafi i Bibliotekës Publike "Shevqet Musaraj" Vlorë

NOTICE TO LIBRARY READERS AND USERS

Dear readers and users of the “Shevqet Musaraj” Public Library in Vlorë,

Please be informed that, due to the physical inventory process of the library’s book collection, periodicals, and Old Collection, library services will be temporarily suspended until further notice.

Only book returns will be accepted. All users who need to return books are kindly asked to visit the library.

We thank you in advance for your understanding and cooperation!

Respectfully,
The Staff of the “Shevqet Musaraj” Public Library, Vlorë

“Shevqet Musaraj” Public Library, Vlorë
Vlorë Cultural Center

Biblioteka Publike "Shevqet Musaraj" Vlore
Qendra Kulturore Vlorë

16/10/2026

Clickbait.
Keqinformim.
AI.
Algoritme.
Mungesë besimi.
Problemet i njohim.
Por çfarë mund të ndryshojmë konkretisht?

Në Vlorë e zhvendosim diskutimin nga problemi te zgjidhja.
Çfarë mund të bëjnë vetë mediat? Çfarë roli kanë institucionet dhe AMA? Po platformat, universitetet, shkollat dhe shoqëria civile?

💬 Nuk kërkojmë vetëm diagnoza.
Kërkojmë ide që mund të kthehen në rekomandime konkrete.

“Mes Klikimeve dhe të Vërtetës” është një projekt i LIBURNETIK, me mbështetjen e Autoritetit të Mediave Audiovizive – AMA.

Në bashkëpunim me Bibliotekën publike “Shevqet Musaraj”, Vlorë

15/10/2026

📚🇦🇱 15 TETORI - KUJTESË, HISTORI DHE DËSHMI.

📖 Me rastin e 82-vjetorit të Çlirimit të Vlorës, në Bibliotekën Publike "Shevqet Musaraj", u çel ekspozita me vepra letrare, historike dhe periodikë, kushtuar kësaj ngjarjeje të rëndësishme të historisë sonë.

📜Përmes faqeve të librave, dokumentimit historik dhe botimeve periodike, ekspozita shpalos kujtesën e një qyteti që ka qëndruar në krah të lirisë, duke ruajtur ndër breza vlerat e trimërisë, sakrificës dhe dashurisë për atdheun.

🗓 15–20 tetor 2026
📍 Biblioteka Publike "Shevqet Musaraj" Vlorë

13/10/2026

12/10/2026

📚✨ DY EMRA. DY UNIVERSE. NJË PASURI E PËRJETSHME E LETËRSISË SHQIPE.

✍️ Në Tetorin e Letërsisë, Biblioteka Publike "Shevqet Musaraj" Vlorë, çeli një ekspozitë kushtuar dy prej shkrimtarëve më të mëdhenj shqiptarë: Migjenit, në 115-vjetorin e lindjes dhe Dritëro Agollit, në 95-vjetorin e lindjes.

🖋️ Migjeni, i lindur më 13 tetor 1911, solli një frymë të re në letërsinë shqipe, me vargun dhe prozën e tij të fuqishme, revoltën ndaj padrejtësisë dhe ndjeshmërinë e thellë njerëzore.

📖 Dritëro Agolli, i lindur më 13 tetor 1931, ndërtoi një vepër të gjerë poetike e letrare, ku gjuha e pasur, urtësia, ironia dhe dashuria për njeriun e jetën u kthyen në art.

Ekspozita i fton lexuesit të njihen me dy botë krijuese të ndryshme, por origjinale e po aq të çmuara: DY ZËRA QË VAZHDOJNË TË BASHKËBISEDOJNË PËRMES LETËRSISË.

📍 Biblioteka Publike "Shevqet Musaraj" Vlorë
🗓 12–15 tetor 2026