Prefekti i Qarkut Vlorë

27/10/2026

Forca rezerviste, një kapacitet i ri për mbrojtjen kombëtare!

Prefektja pati kënaqësinë të njihej me diskutimet e zhvilluara në Konferencën Shkencore Ndërkombëtare, organizuar nga Akademia e Forcave të Armatosura, me temë "Komponenti rezervist në FARSH: Integrimi, qëndrueshmëria dhe përdorimi efektiv i tij”.

Ajo vlerëson se përvoja e ish - ushtarakëve, ekspertiza profesionale e fituar në jetën civile dhe gatishmëria për të shërbyer përbëjnë vlera të çmuara për Forcat e Armatosura dhe sigurinë e vendit tonë.

Mbrojtja e atdheut është përgjegjësi e përbashkët, ndërsa përgatitja dhe angazhimi mbeten garancia e qëndrueshmërisë sonë!

25/10/2026

🇦🇱 PAKETA E RE LIGJORE KUNDËR DHUNËS DHE ANARKISË URBANE

👉6 INSTRUMENTE LIGJORE

E hartuar me ekspertizë europiane, në bashkëpunim me partnerët francezë dhe italianë, duke ndjekur modelet e tyre dhe jurisprudencën e Gjykatës Europiane të të Drejtave të Njeriut.

📌 6 instrumentet e paketës:

1️⃣ Dëmshpërblim i menjëhershëm për bizneset e vogla.

✅Mbulim i 70–100% të dëmeve materiale.

2️⃣ Ligji “Kush thyen, paguan”.
Përgjegjësi individuale për dëmet e shkaktuara.

3️⃣ Ndryshime në ligjin “Për tubimet” Masa parandaluese dhe sanksione kundër dhunës.

4️⃣ Regjistri i Posaçëm Elektronik🗂️

Identifikim dhe masa ligjore për personat e referuar ose nën hetim.

5️⃣ Kodi i Etikës së mësuesve 🧑‍🏫Mbrojtje e të miturve nga përfshirja në tubime përmes autoritetit të mësuesve.

6️⃣ Ndryshime në Kodin Penal⚖️

Ndëshkime më të forta për dhunën, nxitjen e saj, kanosjen dhe shkatërrimin e pronës.

⚖️ Protesta paqësore mbrohet. Dhuna ndëshkohet. Dëmi paguhet nga shkaktari.

24/10/2026

23/10/2026

22/10/2026

Nga zjarret te përmbytjet, përgjegjësia institucionale duhet të provohet në terren!

Në mbledhjen e Komisionit të Mbrojtjes Civile të Qarkut Vlorë, Prefektja analizoi sezonin e zjarreve gjatë verës dhe masat për përballimin e sezonit vjeshtë – dimër 2026 – 2027.

Me fokus tashmë te rreziku i përmbytjeve, ajo kërkoi nga bashkitë të marrin përgjegjësi të drejtpërdrejtë për pastrimin e kanaleve kulluese, evidentimin e zonave me rrezik, eliminimin e pengesave në rrjedhën e ujërave dhe gatishmërinë e mjeteve të ndërhyrjes.

Çdo bashki duhet të identifikojë problematikat, të ndërhyjë brenda përgjegjësive të saj dhe të respektojë afatet e përcaktuara. Problemet e njohura prej kohësh nuk mund të lihen për t'u trajtuar pasi të ketë ndodhur përmbytja.

Prefektja kërkoi raportim konkret për masat e realizuara dhe përgjegjësi të qarta për detyrat e pambaruara.

Parandalimi është detyrim. Bashkitë duhet të veprojnë përpara reshjeve, jo të justifikohen pasojave

21/10/2026

Sot, në ambientet e Institucionit të Prefektit të Qarkut Vlorë, Prefekti priti më shumë se 30 përfaqësues të DEPB-së nga Gjermania, në kuadër të një takimi kushtuar projekteve të mbështetura nga Bashkimi Evropian dhe kontributit të tyre në zhvillimin e qëndrueshëm të qarkut.

Gjatë takimit u prezantuan shtatë projekte kryesore në fushat e infrastrukturës, mjedisit dhe zhvillimit ekonomik, duke u ndalur te rëndësia e tyre për përmirësimin e cilësisë së jetës së qytetarëve, forcimin e ekonomisë lokale dhe mbështetjen e turizmit, si një nga sektorët kryesorë të zhvillimit të Vlorës.

Mbështetja e Bashkimit Evropian dhe bashkëpunimi ndërinstitucional përbëjnë elemente thelbësore për avancimin e prioriteteve të zhvillimit dhe afrimin e Qarkut Vlorë me standardet evropiane.

Institucioni i Prefektit të Qarkut Vlorë mbetet i angazhuar në bashkërendimin e përpjekjeve institucionale dhe ndjekjen e prioriteteve zhvillimore, në funksion të përmirësimit të cilësisë së jetës dhe rritjes së mirëqenies së qytetarëve.

21/10/2026

Në kuadër të zbatimit të Paketës së Sigurisë në Shkolla 2026, Prefektja zhvilloi një takim në shkollën e bashkuar “Pilo Prifti”, Novoselë, së bashku me drejtoreshën e ZVAP Vlorë - Himarë.

Takimi u përqendrua në masat për garantimin e sigurisë në shkolla, monitorimin e vazhdueshëm dhe forcimin e bashkëpunimit institucional për krijimin e një mjedisi të sigurt për nxënësit dhe stafin arsimor.

21/10/2026

20/10/2026

Sot, në Prefekturën e Qarkut Vlorë, Prefektja zhvilloi takimin e Komiteteve Rajonale Antitrafik dhe kundër Radikalizmit e Ekstremizmit të Dhunshëm, ku u theksua rëndësia e bashkëpunimit ndërinstitucional dhe parandalimit.

Gjatë takimit, ajo falënderoi stafet e shkollave dhe Policinë e Vlorës për përgjegjshmërinë e treguar lidhur me protestat, duke nënvizuar se protestat paqësore janë e drejtë, ndërsa dhuna dhe përfshirja e fëmijëve janë të papranueshme.

20/10/2026