Տավուշի մարզային գրադարան Tavush Regional Library

🌟 Այսօր Հունիսի 1-ն է՝ տարվա ամենագունեղ ու ամենախնդում օրը՝ Երեխաների իրավունքների պաշտպանության միջազգային օրը։ 🎈🎉
Տավուշի մարզային գրադարանը սիրով ու ջերմությամբ շնորհավորում է մեր բոլոր մանուկներին։ 🧸📚
Մեր գրադարանի պատերը գիտեն ձեր ամեն մի ժպիտի, զարմացած հայացքի ու վառ երևակայության պատմությունը։ Դուք եք կենդանացնում գրքերի հերոսներին, և հենց ձե՛ր շնորհիվ է, որ հեքիաթները դառնում են իրականություն։
Մաղթում ենք ձեզ անհոգ մանկություն, խաղաղ երկինք և անսահման երազանքներ։ Թող ձեր կյանքի ամեն մի օրը լինի բարի հեքիաթի պես՝ լի արկածներով, գիտելիքներով ու հրաշքներով։✨
#Հունիսի1 #ՄանկությանՕր # #ՏավուշիՄարզայինԳրադարան #Իջևան

Տավուշի մարզային գրադարանի «Հեքիաթի սենյակում» երեխաների պաշտպանության օրվան նվիրված տոնական միջոցառում էր՝ «Խաղաղության աղավնիներ» խորագրով:
Գրադարանը հյուրընկալեց Իջևանի թիվ 8 մանկապարտեզի ավագ խմբի սաներին: Գրադարանի աշխատակիցները շնորհավորեցին փոքրիկներին տոնի առթիվ՝ մաղթելով խաղաղ ու անհոգ մանկություն: Երեխաները դիտեցին Հովհաննես Թումանյանի «Չարի վերջը» հեքիաթի հիման վրա նկարահանված անիմացիոն մուլտֆիլմը: Դիտումից հետո ծավալվեց ակտիվ քննարկում:
Միջոցառման խորհրդին համահունչ՝ երեխաներին բաժանվեցին գրադարանի աշխատակիցների կողմից նախապես պատրաստված օրիգամի սպիտակ աղավնիները, որոնք խորհրդանշում էին խաղաղությունն ու մանկական անմեղությունը: