Անցորդի Աղբյուր/ Passerby's Spring/ Родник Путника

Աղբյուրի գիշերային հյուրերը՝ աղվեսն ու փորսուղը:

Աղբյուրը ճերմակ շորեր է հագնում, փոքրիկ Մոշիկի այցին է սպասում։

Երկիր մոլորակի բոլոր կողմերում ապրող Հայկ Նահապետի զավակներ, Անցորդի Աղբյուրը և Եռագույնը շնորհավորում են Ձեր Նոր 2026 Տարին, մաղթում մեր երկիր Հայաստանին խաղաղություն և առաջընթաց, իսկ բոլոր բնակիչներին՝ առողջություն և ամենայն բարիք, տոկունություն և համբերություն, սեր և երջանկություն։

Վազգեն Գևորգյանին շատ-շատերն են ճանաչում։ Նրա նախաձեռնությամբ մեր հայ գիտնականների տարիների հետազոտությունները զարմանալի օրինաչափություն են գրանցել կապված Նավասարդի օրվա հետ։ Դիտեք գիտնականի հակիրճ ելույթը Նավասարդ 2025 Անցորդի Աղբյուրի գրկում տոնակատարության տեսանկարահանումից և դատեք ինքներդ։

Լսենք Լոնդոնում բնակվող և հայեցի մեծացող այս աղջնակի սրտաբուխ խոսքը, ով Նավասարդի տոնի կապակցությամբ այցելել էր Հայաստան։

Նոր երգը, որի պրեմիերան պիտի ներկայացնենք, հիմնված է իրական դեպքի վրա և այն մասին է, թե ինչպես Անցորդի Աղբյուրի կենարար ու պաղ ջուրը՝ կենցաղային մանր հարցերից նեղված, բայց սիրող սրտերին նորից միավորեց։ Երգի հերոսը խմելով աղբյուրի ջուրը հանդարտվեց և ձիու հետ ճամփա ընկավ դեպի տուն։ Տեսանյութը բնավ նպատակ չունի գովազդելու Աղբյուրի սառնորակ ջուրը, այն մի պարզ կոչ է բոլոր հին ու նոր զույգերին լինել համբերատար և մեծահոգի, հարգել և ներել միմյանց։

Խորին հարգանքով՝ Հայոց բանակի կազմավորման 33-րդ տարեդարձին։ Թող որ օրեցօր ավելի հզորանա և զարգանա մեր Հայկական բանակը։ Փառք ու պատիվ Հայրենիքի համար ընկած զինվորներին, իսկ նրանց, ովքեր պահպանում են Հայկ Նահապետի ավանդած երկրի խաղաղությունը, անփորձանք ծառայություն և բարի վերադարձ։
Ստեփան Լուսիկյան «ՀԱՅՈՑ ԲԱՆԱԿ»։ Կատարողներ` Վոլոդյա սարկավագ Նաջարյան, կապիտան Դավիթ Արզումանյան, շարքային Վահե Մարգարյան։ Գործիքավորումը` Տիգրան Իշխանյանի և Դավիթ Արզումանյանի։ Օպերատոր և ռեժիսոր` Աշոտ Մկրտչյան: