ՄՍԾ Թալինի տարածքային կենտրոն

🤝 Սոցիալական աջակցությունից դեպի կայուն զբաղվածություն․

ՄՍԾ Չարենցավանի տարածքային կենտրոնի ավագ սոցիալական աշխատող Գայանե Կարապետյանը՝ անապահովության գնահատման նոր համակարգի, մասնագիտական գործառույթների և շահառուների հետ տարվող աշխատանքի մասին։

Ծնողական ժամ՝ մինչև 12 տարեկան երեխա ունեցող, ինչպես նաև մինչև 18 տարեկան հաշմանդամության խորը կամ ծանր սահմանափակումով երեխա ունեցող ծնողների համար․ մանրամասները ներկայացնում է ԱՍՀ նախարարի տեղակալ Լուսինե Քոչարյանը։

📌 Խթանելու ենք տարեց և հաշմանդամություն ունեցող մեր քաղաքացիների զբաղվածությունը:

🏡 Խնամքի հաստատությունների փոխարեն` համայնքային փոքր տներ:

✅ Առաջիկայում ներդնելու ենք գործազուրկների թվային գրագիտության, ինչպես նաև անապահով ընտանիքներում կենցաղավարության և ծնողավարության ծրագրեր:

📌 Անապահովության համակարգում գտնվող ընտանիքների թիվը 2017թ.-ի համեմատությամբ պակասել է 2,2 անգամ:

📢 Կոտայքի և Սյունիքի մարզերում անապահովության գնահատման նոր համակարգի փորձնական կիրառման արդյունքում լրամշակվել է ընտանիքի անապահովության գնահատման կարգը, որը 2026 թ․ հուլիսի 1-ից ներդրվում է հանրապետության ամբողջ տարածքում․ Կառավարության այսօրվա նիստում նախագիծը հավանության է արժանացել։

Անապահովության գնահատման նոր համակարգը հնարավորություն կտա՝

✅ նպաստել ծայրահեղ աղքատության հաղթահարմանը,
✅ առավել հասցեական դարձնել սոցիալական աջակցության ծրագրերը,
✅ խրախուսել անձի սոցիալ-տնտեսական ակտիվացումը՝ սոցիալական աջակցության ծառայությունները կարիքին համաչափ տրամադրելու սկզբունքի վրա հիմնվելով։

Նոր համակարգով պարտադիր է դառնում աշխատունակ անձանց զբաղվածության ապահովումը, այսինքն՝ եթե ընտանիքը դիմի նպաստ ստանալու համար, դա միաժամանակ դիտարկվելու է որպես ընտանիքի աշխատունակ, բայց չաշխատող անձի աշխատանք փնտրելու հայտ, իսկ աշխատանքի ընդունվելու արդյունքում ստացված եկամուտները 12 ամիս չեն հաշվարկվի և չեն ազդի նպաստ ստանալու իրավունքի վրա։

Նոր համակարգով ընտանիքի անապահովության աստիճանը որոշվում է 4 շեմերի միջոցով, որոնք սահմանվում են` հիմք ընդունելով պարենային զամբյուղի արժեքը՝

📌 ծայրահեղ անապահով,
📌 չափավոր անապահով,
📌 միջին անապահով,
📌 անապահով:

Անապահովության աստիճանով պայմանավորված՝ ընտանիքին հասանելիք սոցիալական ծառայությունների փաթեթը (անապահովության նպաստ, եռամսյա հրատապ օգնություն, կրթական, կոմունալ ծառայությունների և առողջապահական ոլորտի արտոնություններ և այլն) կլինի տարբեր։