Թալինի համայնքապետարան

👧👶Երկար տարիների սպասումից և հիմնանորոգման աշխատանքներից հետո իր դռները վերաբացեց Թալինի թիվ 2 մսուր-մանկապարտեզը՝ «Մանչուկ» անվանմամբ։

👥Մանկապարտեզի բացման հանդիսավոր արարողությանը ներկա էր Արագածոտնի փոխմարզպետ Արմեն Գրիգորյանը, Թալին համայնքի ղեկավար Տավրոս Սափեյանը, մարզպետարանի, համայնքապետարանի, ՀՈԱԿ-ների և այլ կառույցների ներկայացուցիչներ, ծնողներ և հյուրեր:

✅Նորոգված և բարեկարգ պայմաններում մանկապարտեզը պատրաստ է ընդունելու փոքրիկներին՝ ապահովելով նրանց համար անվտանգ, հարմարավետ և ժամանակակից միջավայր։ Իրականացված աշխատանքների շնորհիվ ստեղծվել են կրթադաստիարակչական գործընթացի կազմակերպման համար անհրաժեշտ բոլոր պայմանները, ինչը կնպաստի երեխաների լիարժեք զարգացմանն ու անհոգ մանկությանը։

🔹«Մանչուկ» մսուր-մանկապարտեզի վերաբացումը կարևոր ձեռքբերում է համայնքի համար՝ նպաստելով նախադպրոցական կրթության որակի բարձրացմանն ու ընտանիքների համար ավելի բարենպաստ պայմանների ստեղծմանը։

Հյուսիս-հարավ ավտոմայրուղու 65 կիլոմետր հատվածում՝ Կաթնաղբյուր և Աշնակ բնակավայրերը հատող խաչմերուկում, շուտով կմեկնարկեն նոր զբոսայգու կառուցման աշխատանքները։ Նախատեսվող նախագիծը նպատակ ունի ստեղծել բարեկարգ և ժամանակակից հանրային տարածք, որը կծառայի որպես հանգստի ու ժամանցի հարմարավետ վայր ինչպես տեղացիների, այնպես էլ զբոսաշրջիկների համար։

Զբոսայգու տարածքում նախատեսվում է տեղադրել Սասունցի Դավթի արձանը, որը տարածքին կհաղորդի յուրահատուկ տեսք և բովանդակություն՝ ընդգծելով ազգային ինքնությունն ու մշակութային արժեքները։ Արձանը կդառնա տարածքի կարևոր խորհրդանիշներից մեկը և կհարստացնի նորաստեղծ հանրային միջավայրի գեղագիտական տեսքը։

Նոր զբոսայգին կարևոր ներդրում կլինի համայնքի հանրային կյանքի զարգացման գործում՝ ստեղծելով հարմարավետ միջավայր բնակիչների համար։ Այն կդառնա հանդիպումների, զբոսանքների և հանգստի սիրված վայր՝ նպաստելով բնակավայրերի գրավչության և կենսունակության բարձրացմանը։

Շուտով Շղարշիկ բնակավայրում կմեկնարկեն նոր պուրակի կառուցման աշխատանքները։ Ծրագիրը նպատակ ունի ստեղծել հարմարավետ և բարեկարգ հանրային տարածք՝ բնակիչների հանգստի, ժամանցի և համայնքային կյանքի աշխուժացման համար։ Նոր պուրակը կդառնա բնակավայրի կարևոր հանգստի գոտիներից մեկը՝ նպաստելով շրջակա միջավայրի բարեկարգմանը։

🎉Հունիսի 1 տոնական միջոցառուներ՝ Արագածավանում։

Հունիսի 1-ին՝ Երեխաների պաշտպանության միջազգային օրը, Թալինի զբոսայգում անցկացվեցին տոնական միջոցառումներ։ Ծաղրածուները, ակրոբատները և աճպարարները գեղեցկացրին երեխաների տոնը՝ նրանց պարգևելով ուրախ ժպիտներ, վառ տպավորություններ և բարձր տոնական տրամադրություն։ Միջոցառումն անցավ ջերմ ու ուրախ մթնոլորտում՝ փոքրիկների համար դառնալով իսկական տոն։

🎊🎉Երեխաների պաշտպանության միջազգային օրը Թալինում։