ՀՀ ԿԳՄՍ նախարարություն Պահպանության Ծառայություն ՊՈԱԿ / Protection Service

Լույսերի տաճարը․ գործարկվել է «Զվարթնոց» պատմամշակութային արգելոց-թանգարանի լուսավորության նոր համակարգը

📌«Զվարթնոց» պատմամշակութային արգելոց-թանգարանը գեղարվեստական լուսավորության նոր համակարգ ունի։ Նախօրեին «Լույսերի տաճարը» խորագրով մշակութային միջոցառման ընթացքում վառվել են տաճարի նոր լույսերը՝ միավորելով պատմության և մշակույթի բացառիկ կոթողի անցյալի ու ներկայի խորհրդանշական սահմանները։

📌Լույսերի վառման հանդիսավոր արարողությանը ներկա են եղել ԿԳՄՍ նախարար Ժաննա Անդրեասյանը, նախարարի տեղակալ Ալֆրեդ Քոչարյանը, բազմաթիվ հյուրեր։

📌Զվարթնոց տաճարի լուսավորության նախագծի շուրջ մասնագետներն աշխատել են մոտ երեք տարի: Նախագիծն իրականացրել է ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը․ ծրագրի ընդհանուր բյուջեն կազմել է 26 մլն 205 հազար դրամ (19 մլն 800 հազար դրամ՝ պետական բյուջեից, 6 մլն 405 հազար դրամ՝ ՊՈԱԿ-ի արտաբյուջեից)։

📌Պատմամշակութային արգելոց֊թանգարանների և պատմական միջավայրի պահպանության ծառայության տնօրեն Արմեն Հովհաննիսյանը նշել է, որ «Զվարթնոց» պատմամշակութային արգելոց-թանգարանի տարածքում վերջին երեք տարիներին պետական միջոցներով մոտ 170 միլիոն դրամի ներդրում է իրականացվել. ամբողջությամբ փոխվել են սալահատակը, ոռոգման համակարգը, վերականգնվել է հնձանը, նորոգվել է Զվարթնոցի թանգարանի շենքի տանիքը, իրականացվել է լուսավորության նախագիծը, նախատեսվում են նաև այլ աշխատանքներ:
Նրա խոսքով՝ կատարված աշխատանքները միտված են հուշարձանի պահպանմանը և հանրահռչակմանը․ 2026 թվականի առաջին կիսամյակում, 2025-ի առաջին կիսամյակի հետ համեմատ, մոտ 15%-ով ավելացել է այցելուների թիվը:

📌Հարգելի՛ հայրենակիցներ,

Տեղեկացնում ենք, որ «Ամբերդ» պատմամշակութային հնավայր տանող ճանապարհը երկար դադարից հետո արդեն անցանելի է։ Հունիսի 2-ից «Ամբերդ» պատմամշակութային հնավայրը կաշխատի և սիրով կընդունի իր այցելուներին հետևյալ գրաֆիկով՝
✅երեքշաբթիից կիրակի՝ ժամը 10։00-20։00-ը,
✅երկուշաբթի՝ ժամը 10։00-19։00-ը։

Հիշեցնենք, որ Ամբերդում դեռևս 2024 թվականից մեկնարկել են վերկանգնման աշխատանքներ։ Իրականացվել են հողահեռացման, զուգահեռ՝ ամրակայման աշխատանքները։ Դրանք շարունակվելու են ևս 2-3 տարի՝ զուգահեռաբար ընդունելով այցելուներին։ Անվտանգությունից ելնելով՝ այս ընթացքում միայն միջնաբերդը ժամանակավորապես «կկոնսերվացվի»։ Միջնադարյան կառույցի վերականգնման համար պետությունը մոտ 500 մլն դրամ է հատկացրել։

🔗Ըստ պատմական աղբյուրների՝ Ամբերդի շինարարությունը սկսվել է դեռ 7-րդ դարում։ 10-րդ դարում այն եղել է Բագրատունյաց թագավորության կարևոր ռազմապաշտպանական-հենակետերից մեկը, անառիկ ամրոցի համբավ է ունեցել: 1236 թվականին ամրոցը գրավել և հիմնովին ավերել են մոնղոլները, հետագայում այն կրկին վերակառուցվել է։14-րդ դարի վերջից երբեմնի հզոր բերդաքաղաք-ամրոցն աստիճանաբար կորցրել է իր նշանակությունը, լքվել ու ամայացել է։
🏰Այսօր Ամբերդը Հայաստանի ամենաայցելվող հուշարձաններից է, որը տարեկան միջինը 25-30 հազար այցելու է ունենում։

✨Լույսերի տաճարը ձեզ է սպասում🏛️

Տոմսերը կարող եք պատվիրել առցանց՝ https://www.tomsarkgh.am/hy/event/51021/ կամ զանգահարելով
☎️ 060-276-000 հեռախոսահամարով։

Տոմսի արժեքը՝ 5000 դրամ։

«Լույսերի տաճարը»🏛️

Պատկերացրեք՝ դարավոր տաճարի վեհաշուք կամարները վերականգնվում են ժամանակակից լուսային անիմացիաներով, հնչում է բարձրաճաշակ երաժշտություն, ու դուք վայելում եք լավագույն գինի:🌠

Պատկերացրեցիք՞։

Դե ուրեմն․

🗓️Հունիսի 2-ին եկեք «Զվարթնոց» պատմամշակութային արգելոց - թանգարան՝ մասնակից դառնալու լուսառատ և տպավորիչ երեկոյին։ Միասին վառելու ենք տաճարի լույսերը՝ ջնջելով անցյալի ու ներկայի սահմանները։

Երեկոյի ընթացքում ձեզ սպասվում է․

🍷Գինու հյուրասիրություն՝ ջերմ զրույցների և լիարժեք հանգստի համար / ժամը 18։00-20։00-ը/,

🎷Կենդանի ջազ երաժշտություն՝ մթնոլորտը կատարյալ դարձնելու համար,
Լուսային ինստալացիա և անիմացիաներ․ տաճարը կպատմի իր պատմությունը լուսային նորարարական լուծումների միջոցով /ժամը 21։00-ին/,

Երեկոյի հատուկ հյուրեր՝ Triangulum Community
Leo Aniram / B2B Kai🎶

Տարածքում գործելու են նաև սննդի կետեր /SHELL Armenia, PREPA/🍔

📍«Զվարթնոց» պատմամշակութային արգելոց-թանգարան

Տոմսի արժեքը՝ 5000 դրամ։

Պատվիրեք տոմսերն առցանց՝ https://www.tomsarkgh.am/hy/event/51021/ կամ
☎️ 060-276-000

📌Բարաբաթումի Սուրբ Հռիփսիմե եկեղեցին իր դռները բացեց հավատավորների առաջ

⛪️Այսօր տեղի ունեցավ Կապանի Բարաբաթում թաղամասում գտնվող 17-րդ դարի Սուրբ Հռիփսիմե եկեղեցու վերաօծման արարողությունը։
Բացմանը մասնակցում էին Պատմամշակութային արգելոց-թանգարանների և պատմական միջավայրի պահպանության ծառայության տնօրեն Արմեն Հովհաննիսյանը, ՀՀ ԱԺ պատգամավոր Դավիթ Դանիելյանը, ՏԻՄ֊երի ներկայացուցիչներ։
Պատարագը մատուցել է Սյունյաց թեմի առաջնորդ Տ․ Մակար եպիսկոպոս Հակոբյանը:

Տասնամյակներ շարունակ խոնարհված եկեղեցու զանգերը նորից կղողանջեն ու եկեղեցում կհնչի տերունական աղոթքը։

🔶️Պատմամշակութային արգելոց-թանգարանների և պատմական միջավայրի պահպանության ծառայության հետ համագործակցությամբ, 3 տարվա դադարից հետո, կիրականացվի արդեն ավանդույթ դարձած «Ուդուլի» տոլմայի համահայկական 13-րդ փառատոնը / The 13th Pan-Armenian “Uduli” Tolma Festival/։

Մայիսի 24-ին բոլորիդ սիրով հրավիրում ենք «Զվարթնոց» պատմամշակութային արգելոց՝ միասին բացահայտելու հայկական խոհարարական մշակույթի գույներն ու համերը, վայելելու տոնական մթնոլորտը և ձեր ներկայությամբ էլ ավելի գեղեցկացնելու այդ յուրահատուկ օրը։

Միջոցառման ընթացքում հնարավորություն կունենաք վայելել՝
🔸Տոլմայի տասնյակ տեսակներ՝ պատրաստված հնագույն բաղադրատոմսերով, որոնցից օգտվել են դեռևս մեր թագավորներն ու իշխանները։
🔸կենդանի էթնիկ երաժշտություն,
🔸ավանդական ազգային պարերի վարպետաց դասեր,
🔸Զվարթնոց տաճարի խորհրդավոր միջավայրը։

🎫Մուտքն իրականացվում է «Զվարթնոց» պատմամշակութային արգելոց-թանգարանի տոմսերով, որոնք կարող եք ձեռք բերել տեղում կամ նախապես զանգահարելով +374 10 54 55 70 հեռախոսահամարով:

• Անվճար մուտք՝ մինչև 12 տարեկան երեխաների համար։
• 50% զեղչ՝ 12-18 տարեկաններին, ուսանողներին և կենսաթոշակառուներին։

Մանրամասների համար հանգահարել +374 98 631339 հեռախոսահամարով։

💒Բարաբաթումի Սուրբ Հռիփսիմե եկեղեցին՝ նախկինում և հիմա

📌Հարգելի հայրենակիցներ, տեղեկացնում ենք, որ ս․թ․ մայիսի 24-ին, ժամը 10։30-ին տեղի կունենա Կապանի Բարաբաթում թաղամասում գտնվող 17-րդ դարի Սուրբ Հռիփսիմե եկեղեցու վերաօծման արարողությունը։

Եկեղեցու տարածքում Պատմամշակութային արգելոց-թանգարանների և պատմական միջավայրի պահպանության ծառայությունը իրականացրել էր պեղումներ, ապա նաև վերականգնման ծավալուն աշխատանքներ։ Արդյունքում՝ տասնամյակներով խոնարհված եկեղեցին կրկին կդառնա գործող և իր դռները կբացի հավատավորների առաջ։