National Center of Folk Music and Dance

🎶 «ԽԱՉԱՏՐՅԱՆԱԿԱՆ ՀՆՉՅՈՒՆՆԵՐՈՎ ՊԱՐԱՅԻՆ ԵՐԵԿՈ». ՀԱՅԱՍՏԱՆԻ «ԲԱՐԵԿԱՄՈՒԹՅՈՒՆ» ՊԵՏԱԿԱՆ ԱՆՍԱՄԲԼ

🇦🇲 Ժողովրդական երաժշտության և պարի ազգային կենտրոնի Վաստակավոր կոլեկտիվ Հայաստանի «Բարեկամություն» պետական անսամբլը ձեզ կներկայանա իր ամբողջ շուքով, հին և նոր պարային բեմադրություններով:

✨ Արտաշատի Ամո Խարազյանի անվան պետական դրամատիկական թատրոնում կկայանա «Խաչատրյանական հնչյուններով պարային երեկո» խորագիրը կրող համերգային երեկոն:

❗️ Բաց չթողնեք հայկական և միջազգային պարերի հետ առերեսվելու այս բացառիկ հնարավորությունը:

📅 2026թ․ հունիսի 10, 🕕 18:00
📍 ք․ Արտաշատ, Ամո Խարազյանի անվան պետական դրամատիկական թատրոն
🎟️ Տոմսերը` https://www.tomsarkgh.am/hy/event/50978/Հայաստանի-Բարեկամություն-պետական-ան.html
📞 +374 55 526 477 | +374 91 526 477 | +374 33 300 175

🔸 Անսամբլի հիմնադիր` Նորայր Մեհրաբյան /ՀՀ ժողովրդական արտիստ/
🔸 Անսամբլի գեղարվեստական ղեկավար` Զոհրաբ Բակալյան /ՀՀ ԿԳՄՍ նախարարության ոսկե մեդալակիր/
🔸 Ժողովրդական երաժշտության և պարի ազգային կենտրոնի տնօրեն` Արմեն Սարգսյան

🇦🇲🇬🇪 Թբիլիսիում կայացավ ամենամյա Վարդատոնը

📍 2026թ. մայիսի 31-ին Վրաստանի մայրաքաղաք Թբիլիսիում կայացավ Սայաթ-Նովային նվիրված ամենամյա Վարդատոնը, որը կազմակերպվեց Թբիլիսիի քաղաքապետարանի, ՀՀ ԿԳՄՍ նախարարության, Վրաստանում ՀՀ դեսպանության և Վիրահայերի միության կողմից:

🇦🇲 Ժողովրդական երաժշտության և պարի ազգային կենտրոնի Հայաստանի ազգային նվագարանների պետական նվագախումբը` սիրված երգիչներ Արփիի և Վարդան Բադալյանի հետ հանդես եկավ Սայաթ-Նովայի լավագույն ստեղծագործությունների կատարմամբ:

✨ Կայացավ «Բարեկամությունը՝ Վաղարշապատում» համերգը

📍 2026 թվականի մայիսի 28-ին, Էջմիածնի Կոմիտասի անվան մշակույթի պալատում կայացավ Ժողովրդական երաժշտության և պարի ազգային կենտրոնի Հայաստանի «Բարեկամություն» պետական անսամբլի «Բարեկամությունը՝ Վաղարշապատում» խորագրով համերգը։

🔹 Համերգային ծրագրի ընթացքում հանդիսատեսին ներկայացվեցին հայ և այլ ազգերի պարարվեստի լավագույն նմուշները՝ համադրված անսամբլի վառ բեմական լուծումների և բարձր կատարողական արվեստի հետ։

🇦🇲 Ժողովրդական երաժշտության և պարի ազգային կենտրոն` արվեստի հայկական հետքերով...

🏅 Նորայր Գուրգենի Մեհրաբյանը պարգևատրվեց «Սուրբ Մեսրոպ Մաշտոց» շքանշանով:

🇦🇲 Մայիսի 28-ին` Հայաստանի առաջին հանրապետության անկախության օրը խորհրդանշող ազգային տոնի առթիվ, Հայաստանի հանրապետության նախագահ Վահագն Խաչատուրյանը, կրթության, գիտության, մշակույթի, տնտեսության զարգացման, ինչպես նաև հայապահպանության գործում ներդրած նշանակալի ավանդի և երկարամյա արգասաբեր գործունեության համար «Սուրբ Մեսրոպ Մաշտոց» շքանշանով պարգևատրեց հայ պարարվեստի անվանի և ականավոր գործիչ, բալետմայստեր, Հայաստանի «Բարեկամություն» պետական անսամբլի հիմնադիր, ՀՀ ժողովրդական արտիստ Նորայր Գուրգենի Մեհրաբյանին:

🔹 Ժողովրդական երաժշտության և պարի ազգային կենտրոնը շնորհավորում է հայ պարարվեստի երախտավոր, սիրելի Նորայր Մեհրաբյանին, մաղթելով ստեղծագործական նորանոր հաջողություններ:

🇦🇲 Շնորհավո՛ր Հանրապետության օրը

✨ Մայիսի 28-ը հայ ժողովրդի պատմության փառավոր ու խորհրդանշական էջերից մեկն է՝ Հայաստանի Առաջին Հանրապետության անկախության հռչակման օրը։
Այս օրը մարմնավորում է մեր ժողովրդի հզոր ոգին, միասնականությունն ու անսասան կամքը։

🔹 Ժողովրդական երաժշտության և պարի ազգային կենտրոնը շնորհավորում է Հանրապետության օրվա առթիվ՝ մաղթելով խաղաղություն, ուժ, ստեղծագործ միտք և նոր նվաճումներ հանուն մեր հայրենիքի ու ազգային մշակույթի պահպանման ու զարգացման։

🫶🏻 Շնորհավո՛ր մայիսի 28: