Brusov University Library

Շնորհավո՛ր Հայաստանի Առաջին Հանրապետության օրը: 🇦🇲
Թո՛ղ մեր հայրենիքը միշտ լինի անսասան, խաղաղ ու հզոր:

Հարգելի՛ գործընկերներ,

Մայիսի 25-ին՝ ժամը 15:30-ին, Վ. Բրյուսովի անվան պետական համալսարանի նիստերի մեծ դահլիճում տեղի կունենա Վալերի Բրյուսովի «Հայաստանի պոեզիան հնագույն ժամանակներից մինչև մեր օրերը» ժողովածուի հրատարակության 110-ամյակին նվիրված հանրապետական ուսանողական օլիմպիադայի հաղթողների և մասնակիցների պարգևատրման հանդիսավոր արարողությունը:

Օլիմպիադան անց է կացվել ապրիլի 27–28-ին Վ. Բրյուսովի անվան պետական համալսարանում: Միջոցառումը կազմակերպել են Վ. Բրյուսովի անվան պետական համալսարանը, Երևանում Ռուսաստանի Գիտության և մշակույթի կենտրոնը և Հայաստանում ռուսական և խորհրդային բուհերի շրջանավարտների միությունը։

Օլիմպիադային մասնակցել են 73 ուսանող Հայաստանի 13 բուհերից: Հանրապետական ուսանողական օլիմպիադայի հաղթողների և մասնակիցների պարգևատրման հանդիսավոր արարողությանը կմասնակցեն նաև Հայաստանի Հանրապետությունում Ռուսաստանի Դաշնության արտակարգ և լիազոր դեսպան Ս. Կոպիրկինը և Երևանում Ռուսաստանի գիտության և մշակութի կենտրոնի ղեկավար Վ. Ֆեֆիլովը:

Սիրով սպասում ենք բոլորին:

https://brusov.am/hy/event/valeri_bryusovi_hayastani_poezian_hnaguyn_zhamanakneric_minchev_mer_orery_zhoghovatsui_hratarakutyan_110-amyakin_nvirvat .l4kOnCAU.wtwxqKL0.dpuf

Brusov and The Poetry of Armenia - Google Arts & Culture Brusov unveiled for Russian readers the ample poetry of Armenia, which for them formerly had been, according to Brusov, a "terra incognita".

Սիրելի բրյուսովականներ,

Մայիսի 18-ին՝ ժամը 13:30-ին, Թանգարանների միջազգային օրվա կապակցությամբ, Վալերի Բրյուսովի թանգարանը կհյուրընկալի Մարտիրոս Սարյանի տուն-թանգարանի գլխավոր ֆոնդապահ Սոֆի Սարյանին:

Ս. Սարյանը հանդես կգա դասախոսությամբ՝ նվիրված Վալերի Բրյուսովի և Մարտիրոս Սարյանի ստեղծագործական երկխոսությանը, որի գագաթնակետը դարձավ «Հայաստանի պոեզիան հնագույն ժամանակներից մինչև մեր օրերը» կոթողային անթոլոգիայի ձևավորումը հայ մեծանուն նկարչի կողմից:

Սիրով սպասում ենք բոլորին:

https://brusov.am/hy/event/tangaranneri_mijazgayin_orva_kapakcutyamb_valeri_bryusovi_tangarany_khyurynkali_martiros_saryani_tun-tangarani_glkhavor_ .rK3LIPuK.o8Wxep4Q.dpbs

Սիրելի՛ հետազոտողներ, այսօր մեր տեսադաշտում է լեզվի կառուցվածքը և դրա դասավանդման նորարարական գործիքակազմը: Ներկայացնում ենք OpenEdition Journals հարթակի մի քանի ամսագիր։

🔸️Alsic (Apprentissage des Langues et Systèmes d'Information et de Communication)
Ամսագրի թեմատիկ ուղղվածությունը տեղեկատվական և հաղորդակցական տեխնոլոգիաների կիրառումն է լեզուների ուսուցման մեջ:

Թեմա. էլեկտրոնային ուսուցում (e-learning), հեռավար կրթություն, լեզվական հավելվածների արդյունավետություն, թվային միջավայրում լեզվի յուրացում:
Լեզու. ֆրանսերեն, անգլերեն:

🔹️Argumentation et analyse du discours (AAD)
Այս պարբերականը կենտրոնանում է տեքստի վերլուծության և փաստարկման տեսության վրա:

Թեմա. քաղաքական դիսկուրս, հռետորաբանություն, մեդիա տեքստերի վերլուծություն, փաստարկման մեթոդաբանություն:
Լեզու. ֆրանսերեն, անգլերեն:

🔸️Lidil
Լեզվաբանական հետազոտությունների և լեզուների դիդակտիկայի հեղինակավոր հարթակ:

Թեմա. սոցիոլեզվաբանություն, լեզվի յուրացում երեխաների և մեծահասակների կողմից, բառապաշարի և քերականության դասավանդում:
Լեզու. ֆրանսերեն:

🔹️Recherche et pratiques pédagogiques en langues (RPPL)
Լեզուների դասավանդման գործնական և տեսական հարցերի շուրջ հետազոտություններ:

Թեմա. մասնագիտական լեզուների ուսուցում, դասավանդման մեթոդների փորձարկում բարձրագույն կրթության ոլորտում:
Լեզու. ֆրանսերեն, անգլերեն:

🌐 Այցելեք OpenEdition Catalogue, որոնման դաշտում մուտքագրեք ամսագրի անվանումը և բացահայտեք հազարավոր անվճար հոդվածներ:

💡 Բոլոր հոդվածները հասանելի են ԲՊՀ գրադարանի համակարգչային սրահում։