ՀՀ պետական եկամուտների կոմիտե / State Revenue Committee of Armenia

Հունվար-մայիս ամիսներին Պետական եկամուտների կոմիտեն, հարկ վճարողների հետ համատեղ, ապահովել է 1 տրլն 290 մլրդ դրամ հարկեր և տուրքեր, ինչը նախորդ տարվա նույն ժամանակահատվածի համեմատ ավելի է 164.2 մլրդ դրամով կամ շուրջ 14.6 %-ով։

📈2026 թվականի առաջին 5 ամիսներին նորից առաջանցիկ ցուցանիշներ ունենք․ ընթացիկ տարվա հունվար-մայիս ամիսներին հարկ վճարողների հետ ապահովել ենք 1 տրլն 290 մլրդ դրամ հարկեր և տուրքեր, ինչը 2025թ. հունվար-մայիսի համեմատ ավելի է 164.2 մլրդ դրամով կամ շուրջ 14,6%-ով։ Ի դեպ, միայն 2026թ․ մայիս ամսին հարկ վճարողների հետ ապահովել ենք 204.2 մլրդ դրամ հարկեր և տուրքեր՝ նախորդ տարվա նույն ամսվա ցուցանիշը գերազանցելով 27.1 մլրդ դրամով կամ շուրջ 15.3%-ով։

Զուգահեռաբար, 2026թ-ի հունվար-մայիս ամիսներին հարկ վճարողներին վերադարձվել է 141.4 մլրդ դրամ գումար, ինչը 2025թ. հունվար-մայիսի համեմատ ավելի է 15.5 մլրդ դրամով կամ 12.3%֊ով։

✅Պետական եկամուտների կոմիտեն շարունակելու է հետևողականորեն իրականացնել իր գործառույթները՝ նպաստելով արդար, կանխատեսելի և կարգապահ հարկային միջավայրի ձևավորմանը։

ՊԵԿ նախագահի տեղակալ Համլետ Սահակյանի գլխավորությամբ տեղի է ունեցել կրիպտոակտիվների ոլորտի տնտեսվարողների հետ առաջին հանդիպում-քննարկումը, որի հիմքում պետություն-տնտեսվարող բաց երկխոսությունն էր՝ ոլորտի հարկային օրենսդրական կարգավորումները քննարկելու նպատակով։

Հանդիպմանը մասնակցել են «Կրիպտո Տնտեսվարողների Միություն» հասարակական կազմակերպության ներկայացուցիչները և ՊԵԿ համապատասխան ստորաբաժանումների ղեկավարներն ու աշխատակիցները։

Հաշվի առնելով կրիպտոակտիվների ոլորտի առանձնահատկությունները՝ հանդիպմանը երկուստեք կարևորվել է գործող կարգավորումների շրջանակում ոլորտում առկա խնդիրների համատեղ լուծման, օրենսդրական կարգավորումների և վարչարարության շարունակական բարելավման, ինչպես նաև տնտեսվարողների և պետական մարմինների միջև կառուցողական համագործակցության անհրաժեշտությունը։

Ավելին՝ https://www.src.am/am/getNews/1577

ՊԵԿ նախագահը մասնակցել է «Կարո՞ղ են արդյոք ազգերը հասնել համաձայնության․ մակրոտնտեսական քաղաքականությունն աշխարհում, որտեղ չկա համագործակցություն» խորագրով համաժողովին

«Հայաստանը քայլ առ քայլ վերածվում է տեխնոլոգիական լուծումներ ստեղծող և արտահանող երկրի». ՊԵԿ նախագահ Էդուարդ Հակոբյանը մասնակցել է Հայաստանում 1-ին` «Eleveight AI» ընկերության արհեստական բանականության տվյալների կենտրոնի (ԱԲ գործարան) բացման պաշտոնական արարողությանը։

🎈Հունիսի 1-ին՝ Երեխաների պաշտպանության միջազգային օրվա առթիվ, Պետական եկամուտների կոմիտեի նախագահ Էդուարդ Հակոբյանը հյուրընկալել է ՊԵԿ աշխատակիցների երեխաներին։

«Յուրաքանչյուր երեխա մեզ հիշեցնում է, թե ինչպիսին պետք է լինի արդար, մարդակենտրոն և հոգատար հասարակությունն ու պետությունը։ Երեխաները մեր ներկան են, քանի որ այսօր ձևավորվող մեր որոշումները, արժեքներն ու գործողություններն ուղղված են նրանց համար երջանիկ ապագա կերտելուն։ Հենց այս առաքելությամբ է առաջնորդվում նաև Պետական եկամուտների կոմիտեն՝ իր գործունեությամբ նպաստելով արդար և հավասար հնարավորություններ ապահովող միջավայրի ձևավորմանը, որի շնորհիվ երեխաները կարող են զարգանալ և լինել ավելի պաշտպանված, ավելի երջանիկ», - ասել է ՊԵԿ նախագահը՝ ողջունելով փոքրիկ հյուրերին։

ՊԵԿ-ի փոքրիկ հյուրերը հնարավորություն են ունեցել ծանոթանալու այն միջավայրին, որտեղ աշխատում են իրենց ծնողները, ինչպես նաև նրանց համար կազմակերպվել էր ՊԵԿ գործունեությանը նվիրված ճանաչողական միջոցառում՝ ուսուցողական ֆիլմի ցուցադրությամբ և զվարճալի խաղերի ուղեկցությամբ։ Երեխաները խանդավառությամբ ու հետաքրքրությամբ մասնակցել են նաև խաղերին՝ մեծ ոգևորությամբ գուշակելով հանելուկները, որոնք վերաբերում էին մաքսային ծառայությանը, հարկերին և ուր են գնում նրանց ծնողների վճարած հարկերը։

Միաժամանակ, խաղերի ընթացքում ակտիվություն ցուցաբերած երեխաներն ստացել են «Երկրի պատվավոր պահապան»-ի վկայականներ։

Ավելին՝ https://src.am/am/getNews/1573

🧸🎈Հունիսի 1-ի՝ Երեխաների պաշտպանության միջազգային օրվա առթիվ, շնորհավորում ենք բոլոր փոքրիկներին։ Թող նրանց մանկությունը լինի խաղաղ, գունավոր ու լի ամենամեծ երազանքներով, որոնք անպայման իրականություն կդառնան:

Երեխաների բարեկեցիկ ապագան սկսվում է այսօր՝ մեր պատասխանատվությունից, հոգատարությունից և պետության զարգացմանն ուղղված համատեղ ջանքերից։

Մեր մեծ թիմի գլխավոր շարժիչ ուժն ու ամենամեծ մոտիվացիան մեր աշխատակիցների երեխաներն են🤍

💬Միասին ամփոփենք նախորդ շաբաթվա նորությունները

Հանրապետության օրվան նվիրված միջոցառում ՊԵԿ-ում. հատուկ կոչումներ և դասային աստիճաններ են շնորհվել մի խումբ աշխատակիցների
https://src.am/am/getNews/1571

Հանրապետության տոնի առթիվ՝ ՊԵԿ նախագահի տեղակալ Կարեն Թամազյանին շնորհվել է մաքսային ծառայության գեներալ-մայորի կոչում
https://src.am/am/getNews/1572

ՊԵԿ նախագահ Էդուարդ Հակոբյանը հյուրընկալել է ԱՄՀ առաքելության ներկայացուցիչներին
https://src.am/am/getNews/1570

5 հարց մասնագետի հետ՝ թվային դրոշմավորման համակարգի վերաբերյալ
https://www.youtube.com/watch?v=P_PELFjGIQg

ՊԵԿ-ում գործարկվել է CertScan համակարգը և բացվել Կենտրոնացված մոնիթորինգի կենտրոնը. Լուրերի անդրադարձը
https://www.youtube.com/watch?v=FhT7nqndDKo

Եկամուտների տարեկան հայտարարագրման և առողջության համընդհանուր ապահովագրության համակարգերի վերաբերյալ իրազեկումները ՀՀ տարբեր մարզերում շարունակվում են
https://www.facebook.com/reel/686699584538394
__________________
🎨 Արշակ Ֆեթվաճյան | Փոքր աղջիկ

🇦🇲Հանրապետության տոնի առթիվ՝ ՀՀ վարչապետի որոշմամբ ՀՀ ՊԵԿ նախագահի տեղակալ Կարեն Թամազյանին շնորհվել է մաքսային ծառայության գեներալ-մայորի կոչում։

Հիմք ընդունելով «Մաքսային ծառայության մասին» Հայաստանի Հանրապետության օրենքի 18-րդ հոդվածի 5-րդ մասը և 19-րդ հոդվածի 1-ին մասը՝ Հայաստանի Հանրապետության պետական եկամուտների կոմիտեի նախագահի տեղակալ Կարեն Գագիկի Թամազյանին շնորհել մաքսային ծառայության գեներալ-մայորի կոչում:

✍🏻 https://www.e-gov.am/decrees/item/28806/