Նոր Նորք վարչական շրջան

Սիրելի՛ շրջանավարտներ, մանկավարժներ, ծնողներ.
Ի սրտե շնորհավորում ենք բոլորիդ կյանքում միշտ հիշվող ու կարևոր այս տոնական օրվա` Վերջին զանգի կապակցությամբ:
Կյանքի բոլոր շրջադարձերում առաջնորդվեք արժանապատիվ ապրելու այն սկզբունքներով, որոնք սերմանել են ձեր ուսուցիչները:
Առանձնակի խոնարհումով շնորհավորում ենք նաև ձեզ, սիրելի ուսուցիչներ. հավատարիմ ձեր առաքելությանը՝ սիրով ու նվիրվածությամբ դուք մնայուն արժեքներ եք արմատավորել մեր շրջանավարտներից յուրաքանչյուրի հոգում, դաստիարակելով սերունդ, որ, վստահաբար, իր ժամանակների առաջնորդն ու հաղթանակների դափնեկիրն է լինելու:
Սիրելի շրջանավարտներ,
Թող ձեզնից յուրաքանչյուրը գտնի ինքնահաստատման ճշմարիտ ու արժանապատիվ ուղին և թող իրականություն դառնան ձեր բոլոր ձգտումներն ու նվիրական իղձերը:
Մաղթում ենք ձեզ կանաչ ճանապարհ և բարի երթ:

Սիրով` Նոր Նորք վարչական շրջանի ղեկավարի աշխատակազմ