National Centre of Chamber Music/ Կամերային երաժշտության ազգային կենտրոն

📢 ՈՒՇԱԴՐՈՒԹՅՈՒՆ 📢

Կամերային երաժշտության ազգային կենտրոնը և «Հովեր» պետական կամերային երգչախումբը հայտարարում են մրցույթ՝ Կոնցերտմայստերի թափուր հաստիքի համար։

Մրցութային ծրագիր՝
1. Նոտաների ընթերցում
2. Մեկ պատրաստի ստեղծագործություն

📌 Մրցույթը կկայանա հուլիսի 1-ին՝ ժամը 14:00-ին, Կոմիտասի անվան կամերային երաժշտության տանը։

📥 Հայտ-ձևաթղթի էլեկտրոնային տարբերակը կարող եք ներբեռնել հետևյալ հղումով՝ https://bit.ly/4fuMpMr

Խնդրում ենք լրացված հայտը և լոնսանկարը ուղարկել [email protected] էլ. հասցեին՝ թեմայի (subject) հատվածում նշելով «Կոնցերտմայստեր» արտահայտությունը։

⏳ Հայտերն ընդունվում են մինչև հունիսի 28-ը ներառյալ:

Այլ մանրամասները՝ ազդագրում ⤵️

#ԿԵԱԿ #աշխատանք #Հովեր

Համագործակցության հուշագիր՝ Կամերային երաժշտության ազգային կենտրոնի և «Ճախրուկի» միջև ✍️

«Կամերային երաժշտության ազգային կենտրոն» ՊՈԱԿ-ի և «Ճախրուկ» ՀԿ-ի միջև ստորագրվել է համագործակցության հուշագիր, որով կողմերը հաստատել են իրենց փոխադարձ համագործակցությունն ու պատրաստակամությունը՝ համատեղ իրականացնելու մշակութային և ներառական ծրագրեր։

Հուշագրի շրջանակում կողմերը համագործակցելու են մշակութային կյանքի ակտիվացման, ազգային երաժշտարվեստի հանրայնացման, ինչպես նաև հատուկ կարիքներ ունեցող մարդկանց մշակութային ներգրավվածության խթանման ուղղություններով։

🎪 Համագործակցության առանցքային նախաձեռնությունը «Ճախրուկ» միջազգային ներառական 6-րդ փառատոնն է, որը կկայանա 2026 թվականի օգոստոսի 2-ին Լոռու մարզի Օձուն գյուղում՝ «Կամերային երաժշտության ազգային կենտրոն» ՊՈԱԿ-ի և նրա կազմում գործող Հնագույն երաժշտության «Տաղարան» համույթի ու Երևանի պետական կամերային երգչախմբի համագործակցությամբ։

Կամերային երաժշտության ազգային կենտրոնի տնօրենությունն ու աշխատակիցները, ինչպես նաև երաժշտախմբերի գեղարվեստական ղեկավարներն ու երաժիշտները օրերս այցելել էին «Ճախրուկ» կենտրոնի սաներին՝ ծանոթանալու նրանց գործունեությանը և կենտրոնում իրականացվող աշխատանքներին։

🎶 Հանդիպման ընթացքում «Ճախրուկի» սաները հյուրերին ներկայացրել են մի քանի երաժշտական համարներ՝ մշակված հատուկ իրենց համար։ Այնուհետև Հնագույն երաժշտության «Տաղարան» համույթի և Երևանի պետական կամերային երգչախմբի երաժիշտները «Ճախրուկի» սաների հետ միասին հանդես են եկել համատեղ ելույթներով։

Հանդիպման ընթացքում քննարկվել են նաև գալիք փառատոնի մանրամասները՝ կազմակերպչական հարցերը և երաժշտական ծրագիրը։

Հանդիպման ավարտին տեղի է ունեցել Համագործակցության հուշագրի հանդիսավոր ստորագրումը։

🪽«Ճախրուկի» մասին.

«Ճախրուկ»-ը հիմնադրվել է 2019 թվականին Խարբերդի մասնագիտացված մանկատանը՝ Աննա և Անահիտ Մխիթարյանների կողմից՝ նպատակ ունենալով մանկատան սաներին ծանոթացնել և ուսուցանել հայ ազգային երգն ու երաժշտությունը։

Փառատոնի առանցքային գաղափարախոսությունն է․
«Ֆիզիկական հնարավորությունները ոչինչ են, եթե չունես հոգու թռիչք»։

2021 թվականից «Ճախրուկ»-ը վերածվել է ամենամյա միջազգային ներառական փառատոնի, որը միավորում է հատուկ կարիքներ ունեցող երեխաների և մեծահասակների, մասնագիտացված մանկատների, ցերեկային խնամքի և աջակցության կենտրոնների սաների, ինչպես նաև հանրակրթական ու արվեստի դպրոցների աշակերտների։

Նախորդ տարիներին փառատոնը կայացել է Հայաստանի տարբեր խորհրդանշական վայրերում՝ Վանաձորի կենտրոնական հրապարակում, Սաղմոսավանքում, Գյումրու կենտրոնական հրապարակում, Տավուշի մարզի Գոշ գյուղում և Խարբերդի մասնագիտացված մանկատան տարածքում։

🤝 Փառատոնն իրականացվում է ՀՀ կրթության, գիտության, մշակույթի և սպորտի նախարարության աջակցությամբ։

Հունիսի մեկը՝ Կամերային երաժշտության ազգային կենտրոնում 🎈

Կոմիտասի անվան կամերային երաժշտության տանը հունիսի 1-ին՝ Երեխաների պաշտպանության միջազգային օրվա առթիվ կայացել է «Երգեհոնային հեքիաթներ. ճամփորդություն երգեհոնի կախարդական աշխարհ» համերգ-ներկայացումը՝ երեխաների համար նախատեսված յուրահատուկ երաժշտական հանդիպում։

Ջերմ ու հեքիաթային մթնոլորտում փոքրիկ հանդիսատեսը բացահայտել է երգեհոնի կախարդական աշխարհը։

✨ Տոնական օրվա առթիվ ներկայացում-համերգի վայելելու համար Կամերային երաժշտության ազգային կենտրոնը հյուրընկալել էր «Թափանցիկ բարեգործություն» հասարակական կազմակերպության սաներին՝ պարգևելով նրանց տոնական վառ տպավորություններ։

Համերգի ավարտին փոքրիկ հանդիսատեսին ուրախացրել են սիրված դիսնեյյան կերպարներ Միկի Մաուսն ու Մինի Մաուսը՝ միջոցառումն ավարտելով ջերմ, տոնական և հեքիաթային տրամադրությամբ։

🎼 Երգեհոնային երաժշտության երեկո՝ Կոմիտասի անվան կամերային երաժշտության տանը

Կոմիտասի անվան կամերային երաժշտության տանը մայիսի 30-ին կայացել է երգեհոնային երաժշտության յուրահատուկ համերգ, որը համախմբել էր դասական երաժշտության սիրահարներին և արվեստագետներին՝ մեկ բեմում ներկայացնելով տարբեր ժամանակաշրջանների և ոճերի ստեղծագործություններ։

🎶 Համերգային երեկոն բացել է Լուսին Սառաջյանը՝ կատարելով Յոհան Սեբաստիան Բախի «Տրիո սոնատ N.5 դո մաժոր» ստեղծագործությունը (BWV 529), ինչպես նաև «Իտալական կոնցերտի» II Andante մասը (BWV 971)՝ երգեհոնի համար փոխադրությամբ։

Լուսինե Հարությունյանը ներկայացրել է Հանս-Անդրե Շտամմի «Ռոնդո կելտական ոճով» ստեղծագործությունը, իսկ Թերեզա Ոսկանյանը կատարել է Գեորգ Բյոմի «Հայր մեր, որ երկնքում ես» խորալային նախերգանքը։

🎶Երեկոյի ընթացքում հնչել են նաև Յոհան Սեբաստիան Բախի «Սիրելի Հիսուս, մենք այստեղ ենք» խորալային ստեղծագործությունը և «Սուրճի կանտատից» արիան՝ սոպրանո Արմինե Մաթևոսյանի և ֆլեյտահարուհի Հայկուհի Հակոբյանի մասնակցությամբ։

Աննա Բակունցը ներկայացրել է Մակար Եկմալյանի «Սուրբ, Սուրբ» ստեղծագործությունը, իսկ համերգի կարևոր իրադարձություններից մեկը դարձել է Մարիուս Մոննիկենդամի «Տոկատ» ստեղծագործության (1936) հայաստանյան պրեմիերան։

🎶 Համերգային ծրագիրն ավարտվել է Արմեն Աղաջանյանի կատարմամբ՝ Գաբրիել Ֆորեի «Պավանա» և Լեոն Բյոլմանի հանրահայտ «Տոկատ» ստեղծագործություններով՝ երգեհոնային սյուիտից։