06/04/2020
Բանաստեղծուհի՝ Նարինե Ավագյանը առաջարկում է` մնալ տանը կարդալ գիրք 📖 և ֆիլմ դիտել 🎬:
Գրականությունն ու կինոն` որպես հավերժ ձեռք ձեռքի տված, միևնույնի տարբեր կողմերը կազմող ու միահյուսվող երևույթներ՝ ինքնազարգացման կարևոր ուղղություններից են:
Իսկ ճիշտ ընտրված գիրքն ու ֆիլմն` ինքնազարգացման կարևորագույն պայմանը:
- Եվ այսպես Նարինե Ավագյանը առաջարկում է`
📖 Հենրիկ Սենկևիչ | «Առանց դավանանքի»:
«Առանց դավանանքի», լեհ գրող Հենրիկ Սենկևիչի վեպը, որի հրատարակումից հետո Սենկևիչի հայտնիությունը հասավ իր գագաթնակետին: Վեպի հերոսները հեղինակի ժամանակակիցներն են: Վեպը առանց դավանանքի մարդկանց սերնդի մասին է: Վեպի հերոսը հարուստ ազնվական ընտանիքից սերված Լեոնն է: Նա խելացի է, տաղանդավոր, լավ կրթություն է ստացել, սակայն չի կարողանում կյանքում իր արժանի տեղը գտնել: Որոնումների մղումով մեկնում է Եվրոպա` ճանապարհորդության: Նա անվերջ ուսումնասիրությունների մեջէ, ուսումնասիրում է պատմությունը, շրջապատը, մարդկային հոգին: Խոր փիլիսոփայությամբ գործ է, որ շատ մտորելու տեղիք է տալիս…
✏️ Տկն. Ավագյանը նշեց. «Հասկացողի կյանքում, կարծում եմ, շատ բան կփոխի այս վեպը…Այն անընդհատ իմ սեղանին է եղել՝ տարիներ շարունակ…»։
🎬 Ջեյմս Մարշ | «Ամեն ինչի տեսություն»:
Քեմբրիջի համալսարանի շատ տաղանդավոր ուսանող Սթիվեն Հոքինգը զարմացնում է պրոֆեսորներին ՝ տեսական ֆիզիկայի գիտելիքներով: Սթիվենը հանդիպում է Ջեյնին: Նրանք սիրահարվում են…Ամեն ինչ լավ կլիներ, եթե անսպասելիորեն, բժիշկները մահացու ախտորոշում չտային Սթիվենին. Ամիոտրոֆիկ կողային սկլերոզ, որ կաթվածահար է անում մարմինը՝ հարձակվելով նյարդային համակարգի վրա...Սթիվենի ուղեղը մնում է գերազանց վիճակում, բայց մարմինը հետագայում կդառնա անկառավարելի, և նա չի կարողանա քայլել, խոսել …
Ըստ բժիշկների ՝ Սթիվենին ընդամենը երկու տարի է մնում ապրելու: Հետոն թողնում եմ, որպեսզի հետաքրքրությամբ դիտեք…
(Մեկնաբանություններում կթողնենք ֆիլմի հղումը)
✏️ Լիբերետո ակումբ
#Մշակութային
#մնատանը #գիրքկարդա
#մնատանը
#եղեքառողջ
Նարինե Ավագյան