Owwa Austria

𝗛𝗨𝗡𝗬𝗢 𝗔𝗬 𝗡𝗔𝗧𝗜𝗢𝗡𝗔𝗟 𝗠𝗜𝗚𝗥𝗔𝗡𝗧 𝗪𝗢𝗥𝗞𝗘𝗥𝗦’ 𝗠𝗢𝗡𝗧𝗛 🇵🇭

Ngayong buwan ng Hunyo, buong pagmamalaki nating ipinagdiriwang ang ika-31 Migrant Workers’ Day at National Migrant Workers’ Month bilang pagkilala sa ating mga Overseas Filipino Workers na patuloy na nagbibigay ng pag-asa, oportunidad, at mas magandang kinabukasan para sa kanilang mga pamilya at para sa ating bansa.

Sa temang “𝗕𝗮𝘆𝗮𝗻, 𝗕𝗮𝘆𝗮𝗻𝗶, 𝗕𝗮𝘆𝗮𝗻𝗶𝗵𝗮𝗻,” pinagtitibay ng OWWA ang ating misyon:

𝗞𝗮𝗹𝗶𝗻𝗴𝗮, 𝗞𝗮𝗮𝗹𝗮𝗺𝗮𝗻, 𝗞𝗮𝗯𝘂𝗵𝗮𝘆𝗮𝗻:
𝗠𝘂𝗹𝗮 𝘀𝗮 𝗣𝗮𝗴-𝘂𝘄𝗶 𝗧𝘂𝗻𝗴𝗼 𝘀𝗮 𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀

Ngayong buwan, ilulunsad ng OWWA ang mga programang nakatuon sa kapakanan, kaalaman, at kabuhayan ng ating mga OFW at kanilang pamilya, kabilang ang:

• Libreng BT-PSSR Training para sa mga seafarers sa pakikipagtulungan sa National Maritime Polytechnic (NMP)

• Paglagda ng mga kasunduang magpapalawak ng skills training at upskilling opportunities para sa OFWs

• Kauna-unahang OFW Kabuhayan Expo 2026 sa SMX Convention Center sa Hunyo 7

• Bahaghari Awards bilang pagkilala sa mga natatanging OFW na nagsusulong ng dignidad, pagkakapantay-pantay, at malasakit sa kapwa

Abangan din ang iba pang mga programa, benepisyo, caravan, training, at espesyal na aktibidad sa iba’t ibang OWWA Regional Welfare Offices at Overseas Welfare Offices para sa ating mga OFW at kanilang pamilya sa buong mundo.

Sa ating mga OFW, maraming salamat sa inyong sipag, sakripisyo, at pagmamahal sa bayan.

Kayo ang ating mga modernong bayani.
Kayo ang tunay na mukha ng bayanihan.

Maligayang ika-31 Migrant Workers’ Day.
Maligayang National Migrant Workers’ Month.
Maligayang Pride Month.

Mabuhay ang ating mga OFW.
Mabuhay ang Bagong Pilipinas.

𝗘𝗶𝗱 𝗠𝘂𝗯𝗮𝗿𝗮𝗸, 𝗺𝗴𝗮 𝗞𝗮𝗯𝗮𝘆𝗮𝗻! ✨🌙

Nakikiisa ang buong pamunuan ng Overseas Workers Welfare Administration (OWWA) sa pagdiriwang ng Eid-Al-Adha o Feast of the Sacrifice ng ating mga kapatid na Muslim saan mang panig ng mundo.

Nawa’y gantimpalaan ang inyong mga sakripisyo at pakinggan ang inyong mga dasal. 💙🤲🏼

𝐇𝐎𝐋𝐈𝐃𝐀𝐘 𝐍𝐎𝐓𝐈𝐂𝐄

Wednesday, 27 MAY 2026 Eid al-Adha

ALAGANG OWWA SERBISYO CARAVAN AND CONSULAR OUTREACH MISSION IN CROATIA SURVEY

Ang Overseas Workers Welfare Administration at ang Pasuguan ng Pilipinas sa Vienna ay nagsasagawa ng survey upang malaman ang mga Consular, MWO, OWWA at iba pang serbisyo na kinakailangan ng mga Pilipino para sa nalalapit na Alagang OWWA Serbisyo Caravan at Consular Outreach Mission na gaganapin sa Setyembre 2026 sa iba't-ibang lugar sa Croatia.

Layunin ng survey na matukoy kung aling serbisyo ang higit na kinakailangan at kung saang mga lugar sa Croatia ito dapat idaos, upang mas maayos at epektibong maihatid ang mga serbisyong ito para sa ating mga kababayan.

Inaanyayahan ang lahat ng Pilipino sa Croatia na makibahagi sa pamamagitan ng pagsagot sa survey hanggang Hunyo 26, 2026 sa link na eto:
https://forms.gle/tUTcdK8YW7r8SCTdA