Embassy of Mongolia in Vienna

Anrufen Wegbeschreibung Website Kontaktieren Sie die Organisation

Embassy of Mongolia in Vienna Монгол Улсаас Бүгд Найрамдах Австри Улсад суугаа Элчин сайдын яам

Бүгд Найрамдах Австри Улсад ажиллаж амьдарч, суралцаж буй монгол иргэд, мөн тус улсад түр хугацаагаар зорчих иргэдэд аливаа хүндрэл, бэрхшээл тулгарсан тохиолдолд Консулын яаралтай асуудлаар мэдээлэл, зөвлөгөө авахаар Элчин сайдын яамны шуурхай дугаар +43 1535280715 утсаар ажлын бус цагаар холбогдох боломжтой.

“Нийгмийн хамгааллын тухай” хоёр улсын Засгийн газар хоорондын хэлэлцээрийн талаарх асуултын хариултыг НДЕГ-аас авч нийт...
09/11/2026

“Нийгмийн хамгааллын тухай” хоёр улсын Засгийн газар хоорондын хэлэлцээрийн талаарх асуултын хариултыг НДЕГ-аас авч нийтэлж байна.
Асуулт❓
Хугацаа нэгтгэсний дараа хоёр улсаас зэрэг тэтгэвэр авах уу? Тэтгэврийн хэмжээ нэмэгдэх үү? Өмнө тогтоолгосон тэтгэвэрт өөрчлөлт орох уу?

Хариулт ✔️
Хоёр улсад тэтгэвэр авах эрх үүссэн тохиолдолд улс тус бүрээс тэтгэвэр авах боломжтой. Гэхдээ хоёр улсын тэтгэврийн нас, шимтгэл төлж ажилласан хугацаа болон бусад нөхцөл нь ялгаатай тул тэтгэвэр тогтоох хугацаа, олгож эхлэх өдөр заавал ижил байх боломжгүй.

Шимтгэл төлж, ажилласан хугацааг нэгтгэснээр тэтгэвэр авах эрх үүсэх боловч тэтгэврийн хэмжээ шууд өсөхгүй. Хэлэлцээрийн дагуу улс бүр өөрийн хууль тогтоомжид нийцүүлэн хариуцах тэтгэврийн хэмжээг тооцно. Тухайлбал, Монгол Улсаас олгох тэтгэврийн шимтгэл төлж ажилласан хугацааг нэгтгэсэн тохиолдолд Монгол Улсад шимтгэл төлж ажилласан хугацааны нийт хугацаанд ноогдох хэмжээ болон холбогдох хуульд заасан тооцоололд үндэслэн тогтооно.

Хэлэлцээр хэрэгжиж эхэлсэн 2026 оны 08 дугаар сарын 01-ний өдрөөс өмнө Монгол Улсад тэтгэвэр тогтоолгосон иргэд Бүгд Найрамдах Австри Улсаас тэтгэвэр авах эрх, нөхцөлийг хангасан тохиолдолд тухайн улсын холбогдох хууль тогтоомжийн дагуу шийдвэрлэнэ.

Иргэд Та бүхэн доорх холбоосоор нэвтэрч, мэдээлэлтэй танилцах боломжтой.

Хэлэлцээрийн дагуу хоёр улсад шимтгэл төлсөн хугацааг шаардлагатай тохиолдолд нэгтгэн тооцож тэтгэвэр авах эрх үүсгэх, ингэхдээ улс тус бүр хууль тогтоомжийнхоо ...

06/11/2026
НҮБ-ЫН ҮЙЛДВЭР, ХӨГЖЛИЙН БАЙГУУЛЛАГЫН ДЭЛХИЙН ЧАНАРЫН ФОРУМЫН АНХДУГААР УУЛЗАЛТАД ОРОЛЦОВЭнэ оны 11 дүгээр сарын 4–6-ны ...
05/11/2026

НҮБ-ЫН ҮЙЛДВЭР, ХӨГЖЛИЙН БАЙГУУЛЛАГЫН ДЭЛХИЙН ЧАНАРЫН ФОРУМЫН АНХДУГААР УУЛЗАЛТАД ОРОЛЦОВ

Энэ оны 11 дүгээр сарын 4–6-ны өдрүүдэд Австрийн Вена хотноо зохион байгуулагдаж буй НҮБ-ын Үйлдвэр, хөгжлийн байгууллагын Дэлхийн чанарын форум-ын анхдугаар уулзалтад Монгол Улсын төлөөлөгчид оролцов.

Дэлхийн чанарын форум нь улс орнуудын чанарын дэд бүтцийг бэхжүүлэх, олон улсын худалдааг хөнгөвчлөх, аж үйлдвэрийн өрсөлдөх чадварыг нэмэгдүүлэх асуудлаар бодлого, туршлага солилцох олон улсын арга хэмжээ бөгөөд форумын гол зорилго нь чанарын дэд бүтэц эдийн засгийн хөгжил, олон улсын худалдаа, аж үйлдвэрийн салбарын шинэчлэлд гүйцэтгэх үүргийг тодорхойлж, энэ чиглэлийн олон улсын хамтын ажиллагааг өргөжүүлэхэд оршиж буй.

Энэ хүрээнд манай төлөөлөгчид НҮБ-ын Үйлдвэр, хөгжлийн байгууллагын удирдлагатай уулзаж, Монгол Улс дахь чанарын дэд бүтцийг бэхжүүлж, экспортын зах зээлийг өргөжүүлэх, чөлөөт бүс, аж үйлдвэр, технологийн парк хөгжүүлэх чиглэлээр тус байгууллагатай хамтран ажиллах талаар санал солилцов.

Монгол Улсын Гадаад Харилцааны Яам Ministry of Foreign Affairs of Mongolia

05/11/2026

“Нийгмийн хамгааллын тухай” хоёр улсын Засгийн газар хоорондын хэлэлцээрийн талаарх асуултын хариултыг НДЕГ-аас авч нийтэлж байна.

Асуулт❓
Хоёр улсад ажиллаж, нийгмийн даатгалын шимтгэл төлсөн хугацааг хэрхэн харилцан тооцох вэ? Хугацаагаа нэгтгэхгүйгээр хоёр улсаас тус тус тэтгэвэр авах боломжтой юу?

Хариулт ✔️
Тус хэлэлцээрийн дагуу хоёр улсад ажилласан хугацааг тухайн улсын хууль тогтоомжийн дагуу тэтгэвэр авах эрх үүсгэхэд шаардлагатай тохиолдолд нэгтгэн тооцох боломжтой. Ингэхдээ хоёр улсад давхацсан хугацааг давхардуулан тооцохгүй.

Хэрэв иргэн нэг улсын шимтгэл төлж ажилласан хугацаа дангаараа тэтгэвэр авах эрх үүсгэхэд хүрэлцэхгүй бол нөгөө улсад даатгуулсан хугацааг оруулан тооцох боломжтой.

Хугацаа нэгтгэх нь нийгмийн даатгалын шимтгэлийг нэг улсаас нөгөө улс руу шилжүүлэх, эсхүл нэг улсын бүртгэлээс хасах үйл явц биш юм.

Улс бүр өөрийн хууль тогтоомж, шимтгэл төлж ажилласан хугацааны бүртгэл болон хэлэлцээрийн холбогдох зохицуулалтад үндэслэн өөрийн хариуцах тэтгэврийг тогтоож олгоно.

Европ дахь Монголчуудын 🏐волейболын аварга шалгаруулах XII удаагийн тэмцээн Прага хотноо 2026 оны 10 дугаар сарын 30-наа...
03/11/2026

Европ дахь Монголчуудын 🏐волейболын аварга шалгаруулах XII удаагийн тэмцээн Прага хотноо 2026 оны 10 дугаар сарын 30-наас 11 дүгээр сарын 1-ний өдрүүдэд болж өнгөрлөө.

Тус тэмцээнд амжилт гаргаж, мөнгөн медаль хүртсэн Австрийн “Батаар” болон “Аравт” баг, тамирчдадаа баяр хүргэж, цаашдын ажил үйлсэд нь өндөр амжилт хүсэн ерөөе.

АВЛИГЫН ЭСРЭГ ОЛОН УЛСЫН АКАДЕМИЙН ОРОЛЦОГЧ ТАЛУУДЫН АССАМБЛЕЙН 15 ДУГААР ЧУУЛГАНД ОРОЛЦОВАвлигын эсрэг олон улсын акаде...
03/11/2026

АВЛИГЫН ЭСРЭГ ОЛОН УЛСЫН АКАДЕМИЙН ОРОЛЦОГЧ ТАЛУУДЫН АССАМБЛЕЙН 15 ДУГААР ЧУУЛГАНД ОРОЛЦОВ

Авлигын эсрэг олон улсын академийн Оролцогч талуудын Ассамблейн 15 дугаар чуулган Австри Улсын Вена хотноо 2026 оны 10 дугаар сарын 30-ны өдөр болж өнгөрлөө.

Манай улс тус академийн 64 дэх гишүүн бөгөөд байгуулагдсан цагаас нь дэмжин, идэвхтэй хамтран ажиллаж ирсэн билээ.

Ассамблейн 15 дугаар чуулганд Байнгын төлөөлөгч Д.Мөнхтөр тэргүүтэй төлөөлөгчид оролцож, Ерөнхий хэлэлцүүлгийн үеэр авлигын гэмт хэрэгтэй тэмцэх, соён гэгээрүүлэх чиглэлээр Монгол Улсын хэрэгжүүлж буй арга хэмжээний талаар болон Авлигын эсрэг олон улсын академитай судлаач, албан хаагчдын чадавхыг бэхжүүлэх чиглэлээр хамтран ажиллах саналаа илэрхийлж, үг хэлэв.

03/11/2026

ОХУ-Д ЗОРЧИХ МОНГОЛ УЛСЫН ИРГЭДИЙН АНХААРАЛД

2014 оны 11 дүгээр сарын 14-ний өдрөөс Монгол Улс, ОХУ-ын иргэд 30 хүртэл хоног харилцан визгүй зорчих нөхцөл хэрэгжиж байна. Чингэхдээ нэг удаагийн зорчих хугацаа 30 хоногоос хэтрэхгүй байх бөгөөд анх хил нэвтэрсэн өдрөөс эхлэн 180 хоногийн хугацаанд нийт 90 хоноогоос илүүгүй байна.

Харин 30 хоногоос дээш хугацаагаар оршин суух, хөдөлмөр эрхлэх, суралцах болон бусад зорилгоор зорчих иргэд холбогдох ангиллын виз, зөвшөөрлийг зохих журмын дагуу Улаанбаатар дахь ОХУ-ын Элчин сайдын яам болон Дархан дахь Ерөнхий консулын газарт мэдүүлж, авна.

Гадаад паспортын хүчинтэй хугацаа доод тал нь 6 сараас дээш хугацаатай байх шаардлагатай.

ОХУ-ын хилээр нэвтрэхдээ шилжилт хөдөлгөөний хяналтын карт /миграционная карта/-ыг заавал бөглөх бөгөөд тус картад Таны хувийн мэдээлэл, аяллын зорилгыг үнэн, зөв тэмдэглэсэн эсэхийг сайтар нягтална уу. Түүнчлэн уг картыг ОХУ-ын хилээр буцаж гарах хүртэл хаяж, үрэгдүүлэхгүй байх үүрэгтэй.

Оюутнуудад: ОХУ-д суралцахаар ирж буй иргэд шилжилт хөдөлгөөний хяналтын картад Суралцах буюу “Учёба” гэсэн тэмдэглэгээг заавал тавиулна. Уг тэмдэглэгээг хийлгээгүй тохиолдолд Монгол руу буцаж, дахин шинээр виз мэдүүлэх шаардлага үүсэж болзошгүйг анхаарна уу.

Шилжилт хөдөлгөөний хяналтын картаа гэмтээж, үрэгдүүлсэн тохиолдолд байгаа газрынхаа ОХУ-ын ДХЯ-ны харьяа орон нутгийн цагдаагийн газарт гурван хоногийн дотор мэдэгдсэнээр уг картыг дахин авах боломжтой.

ОХУ-д зорчиж буй иргэд 7 хоногийн дотор түр оршин суугаа газартаа бүртгүүлэх шаардлагатай. /Байрлаж буй зочид буудал /хостел/, уригч иргэн, байгууллага зэрэг хүлээн авагч талаар бүртгэлийг хийлгүүлж, холбогдох баримтыг авна/

ОХУ-д мансууруулах болон сэтгэцэд нөлөөт бодис, бүх төрлийн галт зэвсэг, түүний сум, хонгио, тусгай зориулалтын техник хэрэгсэл /тагнах, чагнах болон нисгэгчгүй нисэх төхөөрөмж зэрэг/, болон түүх дурсгал, соёлын үнэт зүйлсийг хилээр оруулах, гаргахыг тус улсын эрүүгийн тухай хуулиар хориглодог. Иймд тус улсын нэвтрэхийн өмнө өөрийн гар цүнх, ашаа тээшийг дахин нэг сайтар шалгаж, бусдын эд зүйлсийг өөрийн нэр дээр авч явахгүй байхад анхаарна уу.

ОХУ-ын хилээр 10,000 ам.доллар буюу түүнтэй тэнцэх рублийг оруулах /гаргах/, согтууруулах ундаа, тамхи болон бусад хязгаарлалттай барааг тогтоосон хэмжээнээс хэтрүүлэн авч явах тохиолдолд гаалийн мэдүүлгийг гаргаж, “улаан коридор”-оор нэвтрэх шаардлагатай.

Түүнчлэн гарал үүсэл нь тодорхойгүй ан амьтны гаралтай мах, махан болон сүү, сүүн бүтээгдэхүүн, түүхий эд, ургамал, үр, суулгац, хөрс, шороо зэргийг оросын хилээр нэвтрүүлэхийг хатуу хориглодог болохыг анхаарна уу.

Нийгмийн сүлжээн дэх өндөр цалин хөлстэй ажилд оруулна гэх зэрэг зар мэдээллийг сайтар нягтлах, цахим залилангийн хохирогч болохоос урьдчилан сэргийлэх,

ОХУ-ын тусгай хамгаалалттай газар, ялангуяа цэрэг-техниктэй холбоотой объектын хажуугаар зорчихдоо зогсолт хийхгүй, мөн тухайн бүс нутгийн зураг, дүрс бичлэгийг аливаа нэг хэлбэрээр баримтжуулахгүй, цахим орчинд байршуулахгүй байхыг онцгойлон анхааруулж байна.

Иргэн Та ОХУ-ын хилээр нэвтрэх үед, түүний дараа эрх зүй, эрүүл мэнд болон бусад асуудлаар яаралтай зөвлөмж, туслалцаа шаардлагтай тохиолдолд өөрт ойр Монгол Улсаас ОХУ-д суугаа ДТГ-уудтай дараах цахим шуудан, утсаар холбогдоно уу.
Монгол Улсаас ОХУ-д суугаа Элчин сайдын яам Посольство Монголии в РФ:
+7 495 690 67 92,
[email protected]
ЭСЯ-ны Консулын хэлтэс:
+7 499 241 15 48
[email protected]
Кызыл хотод суугаа Ерөнхий консулын газар:
+7 3942220430
[email protected]
Эрхүү хотод суугаа Ерөнхий консулын газар Монгол Улсаас ОХУ-ын Эрхүү хотод суугаа Ерөнхий консулын газар:
+7(395) 2342145
[email protected]
Улаан-Үд хотод суугаа Ерөнхий консулын газар Улаан-Үд дэх Ерөнхий Консулын Газар:
+7 (3012) 22-04-99
[email protected]

Монгол Улсын Гадаад Харилцааны Яам Batmunkh Battsetseg

СЭРЭМЖЛҮҮЛЭГСүүлийн үед Европын зарим оронд жагсаал цуглаанаас эмх замбараагүй байдалд шилжиж, үймээн дэгдсэнтэй холбогд...
29/10/2026

СЭРЭМЖЛҮҮЛЭГ

Сүүлийн үед Европын зарим оронд жагсаал цуглаанаас эмх замбараагүй байдалд шилжиж, үймээн дэгдсэнтэй холбогдуулан Та бүхэнд дараах сэрэмжлүүлгийг хүргэж байна.

Австрийн нийслэл Вена болон бусад томоохон хотод 2026 оны 10 дугаар сарын 31-нд Halloween баярын үеэр төрөл бүрийн арга хэмжээ зохион байгуулагдах бөгөөд олон нийтийн сүлжээнд хийсэн ажиглалтад үндэслэн энэ үеэр эрсдэлтэй нөхцөл байдал үүсэж болзошгүйг тус улсын холбогдох байгууллагаас анхаарууллаа.

Европын зарим орнуудад болсон үйл явдлаас харахад жагсаал цуглаанаас тооцоолоогүй өрнөл, эрсдэл гарч болзошгүй тул Австри улсад оршин сууж, амьдарч буй Монгол иргэд та бүхэн анхаарал сэрэмжтэй байж, зорилго, сэдэл, зохион байгуулалтыг нь мэдэхгүй аливаа жагсаал цуглаан, олныг хамарсан арга хэмжээнээс зайлсхийхийг зөвлөж байна.

Монгол Улсаас Бүгд Найрамдах Австри Улсад суугаа ЭСЯ

Adresse

Fasangartengasse 45
Wien
1130

Öffnungszeiten

Montag 09:00 - 12:00
14:00 - 17:00
Dienstag 09:00 - 12:00
14:00 - 17:00
Mittwoch 09:00 - 12:00
14:00 - 17:00
Donnerstag 09:00 - 12:00
14:00 - 17:00
Freitag 09:00 - 12:00
14:00 - 17:00

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Embassy of Mongolia in Vienna etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Kontaktieren Sie Die Organisation

Nachricht an Embassy of Mongolia in Vienna senden:

Verknüpfungen

Teilen

Regierungsdienstleistungen in der Nähe