Embassy of the Republic of Albania in Austria

Reagim i Ministrisë për Evropën dhe Punët e Jashtme:

Ministria për Evropën dhe Punët e Jashtme e Republikës së Shqipërisë dënon me forcë heqjen dhe përdhosjen e flamurit të Ambasadës së Shtetit të Izraelit në Tiranë nga protestues të maskuar gjatë protestës së mbrëmshme.

Veprime të tilla nuk kanë asnjë lidhje me lirinë e shprehjes, të drejtën legjitime për protestë paqësore apo me vlerat tona demokratike dhe standardet evropiane që kemi ndërtuar dhe po forcojmë çdo ditë. Ato janë shfaqje të urrejtjes, intolerancës dhe nxitjes së saj, dhe janë krejtësisht të papajtueshme me parimet e respektit dhe bashkëjetesës që Shqipëria i ka në themel dhe i çmon me përkushtim.

Ky akt i turpshëm bie ndesh me traditën e gjatë shqiptare të mikpritjes, harmonisë dhe respektit për tjetrin, vlera që kanë karakterizuar shoqërinë tonë për breza me radhë. Ato nuk përfaqësojnë as Shqipërinë, as popullin shqiptar. Përfaqësojnë vetëm ata që kërkojnë të provokojnë, të përçajnë dhe të përhapin urrejtje, duke shpërdoruar dhe keqpërdorur në mënyrë të qëllimshme të drejtat dhe liritë.

Ministria riafirmon angazhimin e palëkundur të Shqipërisë për mbrojtjen e misioneve diplomatike dhe simboleve të tyre, në përputhje të plotë me të drejtën ndërkombëtare dhe Konventën e Vjenës për Marrëdhëniet Diplomatike. Ne shprehim solidaritetin tonë me Ambasadën e Shtetit të Izraelit dhe theksojmë se dhuna, intimidimi dhe gjuha e urrejtjes nuk mund dhe nuk do të kenë vend në një shoqëri demokratike.

---
The Ministry for Europe and Foreign Affairs of the Republic of Albania strongly condemns the removal and desecration of the flag of the Embassy of the State of Israel in Tirana by masked protesters during last night’s demonstration.

Such acts have nothing to do with freedom of expression, the legitimate right to peaceful protest, or with our democratic values and European standards, which we have built and continue to strengthen every day. They are manifestations of hatred, intolerance, and incitement, and are entirely incompatible with the principles of respect and coexistence that Albania is founded upon and firmly upholds.

This shameful act stands in contrast to the long-standing Albanian tradition of hospitality, harmony, and respect for others, values that have characterized our society for generations. They do not represent Albania, nor the Albanian people. They represent only those who seek to provoke, divide, and spread hatred, while deliberately abusing and misusing rights and freedoms.

The Ministry reiterates Albania’s unwavering commitment to the protection of diplomatic missions and their symbols, in full accordance with international law and the Vienna Convention on Diplomatic Relations. We express our solidarity with the Embassy of the State of Israel and underline that violence, intimidation, and hate speech cannot and will not have a place in a democratic society.

🟢Parlamenti Europian miraton raportin për Shqipërinë me 483 vota PRO✅

Rezultati

🗳️Të pranishëm/votuan: 656 eurodeputetë.

✅️Pro: 483
🔴Kundër: 103
🟠Abstenim: 70

Rezoluta e Parlamentit Europian mbi raportin e progresit të Shqipërisë u miratua me rreth 74% të votave.

Miratimi i Raportit të Progresit për Shqipërinë do të thotë që institucionet e Bashkimit Europian vlerësojnë zyrtarisht ecurinë e vendit në procesin e anëtarësimit dhe njohin përparimin e bërë në reformat kyçe.

Ambasadori i Republikës së Shqipërisë në Austri, z. Fate Velaj, zhvilloi një takim me Dr. Josef Leitner, Kryetar i Bashkisë së Wieselburgut, qytet i njohur si “Qyteti i Panaireve”, ku organizohet një nga panairet më të rëndësishme të bujqësisë në Austri.

Qëllimi i takimit ishte diskutimi i mundësive për zgjerimin e konceptit tradicional të panairit, duke i dhënë atij një dimension më të theksuar ndërkombëtar, me fokus të veçantë në vendet e Evropës Juglindore.

Në këtë kuadër, Ambasadori Velaj propozoi që në edicionin e vitit të ardhshëm Shqipëria të ftohet si “Guest Country” (Vendi Mysafir). Një pjesëmarrje e tillë do t’i krijonte mundësinë Shqipërisë të prezantojë arritjet dhe zhvillimet e saj në sektorin e bujqësisë, agroindustrisë dhe inovacionit rural përmes një hapësire të dedikuar ekspozimi.

Gjithashtu, Ambasadori propozoi organizimin e një forumi dialogu, ku përfaqësues institucionalë, ekspertë, sipërmarrës dhe aktorë të tjerë nga Austria dhe Shqipëria do të mund të prezantonin vizionet e tyre për të ardhmen e bujqësisë, sfidat e transformimit të gjelbër dhe mundësitë e bashkëpunimit ndërkufitar.

Një iniciativë e tillë do të kontribuonte jo vetëm në forcimin e marrëdhënieve ekonomike dhe kulturore ndërmjet Austrisë dhe Shqipërisë, por edhe në krijimin e një platforme të re bashkëpunimi me vlerë afatgjatë për të dy vendet.

Në përmbyllje të takimit, Ambasadori Velaj ngriti edhe idenë e krijimit të një partneriteti ndërmjet Wieselburgut dhe zonës Lushnjë–Divjakë. Kryetari Leitner e mirëpriti këtë propozim dhe shprehu gatishmërinë e tij për të shqyrtuar mundësitë konkrete të bashkëpunimit në këtë drejtim.
Ministria për Evropën dhe Punët e Jashtme - Republika e ShqipërisëEmbassy of the Republic of Albania in Austria