RCAF ADFA & RMC-D Alumni បណ្ឌិត្យសភាយោធាអូស្រ្តាលី

ទូលបង្គុំសូមក្រាបបង្គុំថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលជាទីគោរពសក្ការៈដ៏ខ្ពង់ខ្ពស់បំផុត នាឱកាសព្រះរាជពិធីបុណ្យចម្រើនព្រះជន្ម។

សូមព្រះអង្គទ្រង់ប្រកបដោយ ព្រះកាយពលរឹងមាំខ្លាំងក្លា បញ្ញាញាណភ្លឺថ្លាត្រចះត្រចង់ ព្រះរាជសុខភាពល្អបរិបូរណ៍ ព្រះជន្មាយុយឺនយូរជាងរយព្រះវស្សា ជាអង្វែងតរៀងទៅ។

ទូលបង្គំសូមថ្វាយបង្គំគោរពជូនពរពីក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA)៕

កម្មវិធីហាត់កីឡាជាមួយកងរាជអាវុធហត្ថខេត្តសៀមរាប និងប្រជាពលរដ្ឋបែប​ Functional Training

ថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦

ខេត្តសៀមរាប៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA) និងលោកអនុសេនីយ៍ឯក​ រ៉ាឌីឧត្តម​ លោក​អនុសេនីយ៍​ទោ​ ធារ៉ា​ មុន្នីឧត្តម​ សមាជិក​ (RARA)​ ចូលរួមកម្មវិធីហាត់កីឡាជាមួយកងរាជអាវុធហត្ថខេត្តសៀមរាប​ នៅបញ្ជាការដ្ឋានកងរាជអាវុធហត្ថខេត្តសៀមរាប។

សូមបងប្អូនចូលរួមហាត់កីឡាទាំងអស់គ្នាដេីម្បីសុខភាព​ល្អ​ និង​កាយសម្បទា​រឹងមាំ។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបើកមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ នៃសហគមន៍ The Olave Baden-Powell Society (OB-PS) ឆ្នាំ២០២៦

ថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦

សៀមរាប៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA) អញ្ជើញចូលរួម និងដឹកនាំកម្លាំង សហការការពារ ធានាសន្តិសុខ សុវត្ថិភាព និងរក្សាសណ្តាប់ធ្នាប់ ក្នុងពិធីបើកមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ នៃសហគមន៍ The Olave Baden-Powell Society (OB-PS) ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់បំផុតសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា ពិធីប្រារព្ធធ្វើនៅសណ្ឋាគារសុខាសៀមរាប។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

កម្មវិធី រត់កម្សាន្ត ជាមួយកងរាជអាវុធហត្ថខេត្តសៀមរាប (GRKSR Fun Run Powered by KingKong)

សៀមរាប៖​ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី​ (RARA)​ ដឹកនាំបង្កេីតកម្មវិធី​រត់កម្សាន្តជាមួយកងរាជអាវុធហត្ថ​ ក្រោមប្រធានបទ "រត់ដើម្បី សុខភាព មិត្តភាព រវាង កងកម្លាំង និងប្រជាពលរដ្ឋ "ដែលរៀបចំដោយ កងរាជអាវុធហត្ថខេត្តសៀមរាប រួមសហការជាមួយ រដ្ឋបាលខេត្តសៀមរាប និងសហភាពសហព័ន្ធយុវជនកម្ពុជាខេត្តសៀមរាប បានបញ្ចប់ទៅដោយជោគជ័យ និងពោរពេញដោយភាពសប្បាយរីករាយ នៅទីតាំងសួនច្បារព្រះរាជដំណាក់ ក្រោមអធិបតីភាពលោកជំទាវ ម៉ននី រង្សី អភិបាលរង នៃគណៈអភិបាលខេត្តសៀមរាប ។

ការរត់កម្សាន្តនេះ មានរយះចម្ងាយ ៣គីឡូម៉ែត្រ និង៥.៥គីឡូម៉ែត្រ ព្រមទាំងបានទាក់ទាញអ្នកចូលរួមប្រមាណជាង ៣០០០នាក់។ កម្មវិធីរត់នេះមិនត្រឹមតែសម្រាប់សុខភាពប៉ុណ្ណោះទេ ប៉ុន្តែកម្មវិធីនេះក៏បានបង្កើតឱកាសដ៏អស្ចារ្យសម្រាប់ការបង្កើតមិត្តភាព និងដើម្បីលើកកម្ពស់ការហាត់កីឡាដើម្បីរក្សាសុខភាព។

ដេីម្បីទទួលបានកម្រងរូបភាពទាំងអស់នៃកម្មវិធីចូលទៅកាន់:
🏃GRKSR Fun Run🏃‍♀️ (http://t.me/grksrfunrun)

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

សូមបួងសួងដល់វត្ថុសក្តិសិទ្ធក្នុងលោកប្រោសប្រទានពរជ័យ សិរីមង្គលវិបុលសុខ មហាប្រសើរ គោរពជូនចំពោះ ឧត្តមសេនីយ៍ត្រី សួន វិទូ នាយករង នាយកដ្ឋាននយោបាយផែនការ នៃអគ្គនាយកដ្ឋាន​នយោបាយ​ និងកិច្ចការបរទេស ក្រសួងការពារជាតិ និងជាអនុប្រធាន​​​ ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី ក្នុងឱកាសខួបកំណើត ថ្ងៃទី ១៣ មិថុនា ឆ្នាំ២០២៦ សូមប្រកបដោយ សុខភាពល្អ បញ្ញាញាណភ្លឺថ្លា កម្លាំងមាំមួន និងអាយុយឺនយូរ។

គោរពជូនពរពី ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA)៕

កិច្ចប្រជុំពិភាក្សាការងារត្រៀមរៀបចំបើកវគ្គបណ្តុះបណ្តាល និងហ្វឹកហ្វឺនប្រចាំឆ្នាំ ២០២៦

ខេត្តព្រះសីហនុ៖ ថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែមិថុនា ឆ្នាំ២០២៦

ឧត្តមនាវីត្រី ផន ឫទ្ធីសក្តិ នាយសេនាធិការរង កងទ័ពជើងទឹក និងជាប្រធានក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្ត្រាលី (RARA) បានដឹកនាំកិច្ចប្រជុំពិភាក្សាការងារត្រៀមរៀបចំបើកវគ្គបណ្តុះបណ្តាល និងហ្វឹកហ្វឺនប្រចាំឆ្នាំ ២០២៦ ដោយមានការចូលរួមពី អនុនាវីឯក ទៀ សុធីរដ្ឋា នាយរងការិយាល័យបុគ្គលិក បញ្ជាការដ្ឋានកងទ័ពជើងទឹក ត្រូវជាប្រធានក្រុម នាយនាវីកងទ័ពជើងទឹកបញ្ចប់ការសិក្សាពីមហាវិទ្យាល័យកងទ័ពជើងទឹកអូស្រ្តាលី (RRA) ព្រមទាំងបានពិនិត្យបន្ទប់សិក្សាកុំព្យូទ័រថ្មី និងអគារដែលកំពុងជួសជុល នៅវិទ្យាស្ថានកងទ័ពជើងទឹក ។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

កម្មវិធីជប់លៀង​អតីត​សិស្ស​យោធា​ កម្ពុជា​-អូស្ត្រាលី​

ថ្ងៃសុក្រ ៥ រោច ខែជេស្ធ ឆ្នាំមមី អដ្ឋស័ក ពស ២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦

រាជធានីភ្នំពេញ៖ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្ត្រាលី (RARA) និងលោកឧត្តមនាវីត្រី ផន ឬទ្ធីសក្ដិ នាយសេនាធិការរង កងទ័ពជើងទឹក និងជាប្រធានក្រុម RARA បានដឹកនាំសមាជិកក្រុម RARA ចំនួនប្រាំបីរូប ដោយក្នុងនោះក៏មានវត្តមាន អនុនាវីឯក ទៀ សុធីរដ្ឋា នាយរងការិយាល័យបុគ្គលិក បញ្ជាការដ្ឋានកងទ័ពជើងទឹក ត្រូវជាប្រធានក្រុម នាយនាវីកងទ័ពជើងទឹកបញ្ចប់ការសិក្សាពីមហាវិទ្យាល័យកងទ័ពជើងទឹកអូស្រ្តាលី (RRA) ចូលរួមជាកិត្តិយក្នុង​កម្មវិធីជប់លៀង​អតីត​សិស្ស​យោធា​ កម្ពុជា​-អូស្ត្រាលី​ (Cambodian-Australian Defence Alumni)។

កម្មវិធីនេះបានប្រព្រឹត្តិទៅនៅឯ​សណ្ឋាគារ​ឡឺរ៉ូយាល់​ ដែល​បានរៀបចំឡើង​ដោយ​ការិយាល័យអនុព័ន្ធយោធាអូស្ត្រាលី​ប្រចាំកម្ពុជា​ ក្រោមអធិបតីភាពដ៏​ខ្ពង់ខ្ពស់​ ឯកឧត្ដមបណ្ឌិត នាង ផាត ប្រធានគណៈកម្មការទី៤នៃព្រឹទ្ធសភា។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

ពិធីប្រគល់វិញ្ញាបនបត្របញ្ចប់ការសិក្សានៅមជ្ឈមណ្ឌលភាសា អេ អាយ អាយ

ថ្ងៃសៅរ៍ ១៤ កើត ខែជេស្ធ ឆ្នាំមមី អដ្ឋស័ក ពស ២៥៧០ ត្រូវនឹងថ្ងៃទី៣០ ខែមេសា ឆ្នាំ២០២៦

រាជធានីភ្នំពេញ៖ លោកអនុសេនីយ៍ទោ សុណ្ណារ៉ា វិសាល នាយទាហានការិយាល័យសហប្រតិបត្តិការ នាយកដ្ឋានទាក់ទងអន្តរជាតិ និងជាសមាជិកទទួលបន្ទុកពិធីការក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រា្តលី (RARA) បានអញ្ជើញចូលរួមជាវាគ្មិនកិត្តិយស ចែករំលែកបទពិសោធន៍ក្នុងការសិក្សា នាពិធីប្រគល់វិញ្ញាបនបត្របញ្ចប់ការសិក្សានៅមជ្ឈមណ្ឌលភាសា អេ អាយ អាយ (Aii Language Center) ក្នុងនាមជាអតីតសិស្សភាសាអង់គ្លេសជំនាន់ដំបូងចាប់ពីឆ្នាំ២០០៦-២០១១។

ពិធីប្រគល់វិញ្ញាបនបត្របញ្ចប់ការសិក្សាលើកទី២៨ នៃមជ្ឈមណ្ឌលភាសា អេ អាយ អាយ បានប្រព្រឹត្តិទៅក្រោមអធិបតីភាពអ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក និងជាអគ្គនាយកប្រតិបត្តិ ក្រុមហ៊ុន ម៉េងលី ជេ. គួច អេឌ្យូខេសិន ជាមួយសិស្សបញ្ចប់ការសិក្សាចំនួន ៩០៨នាក់ សម្រាប់ថ្នាក់ភាសាអង់គ្លេសទូទៅ (GEP) និងភាសាចិន (CSL) ព្រមទាំងសិស្សបញ្ចប់ការសិក្សា កម្រិត Kid មកពីសាខាទូទាំងរាជធានីភ្នំពេញ និងខេត្តសៀមរាប។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

កម្មវិធីហាត់កីឡាជាមួយកងរាជអាវុធហត្ថខេត្តសៀមរាប និងប្រជាពលរដ្ឋបែប​ Functional Training

ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦

ខេត្តសៀមរាប៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA) និងលោកអនុសេនីយ៍ឯក​ រ៉ាឌីឧត្តម​ លោក​អនុសេនីយ៍​ទោ​ ធារ៉ា​ មុន្នីឧត្តម​ សមាជិក​ (RARA)​ ចូលរួមកម្មវិធីហាត់កីឡាជាមួយកងរាជអាវុធហត្ថខេត្តសៀមរាបដែលធ្វើឡើង​រៀងរាល់ថ្ងៃចន្ទ ពេលល្ងាច​ នៅសួនព្រះរាជដំណាក់។

សូមបងប្អូនចូលរួមហាត់កីឡាទាំងអស់គ្នាដេីម្បីសុខភាព​ល្អ​ និង​កាយសម្បទា​រឹងមាំ។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official

កម្មវិធីការប្រកួតបាល់ទាត់មិត្តភាពរវាងក្រុមកីឡា សេនាយុត្តិធម៌ ជាមួយក្រុមបាល់ទាត់សាលាដំបូង និងអយ្យការ អមសាលាដំបូងខេត្តសៀមរាប

ថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦

ខេត្តសៀមរាប៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាទីប្រឹក្សាជាន់ខ្ពស់ក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA) អញ្ជើញដឹកនាំកម្លាំង រួមមាន​ លោកអនុសេនីយ៍ឯក​ រ៉ាឌីឧត្តម​ និងលោក​អនុសេនីយ៍​ទោ​ ធារ៉ា​ មុន្នីឧត្តម​សមាជិក​ (RARA) ចូលរួម និងសហការការពារ ធានាសន្តិសុខ សុវត្ថិភាព រក្សាសណ្តាប់ធ្នាប់ និងចូលរួមប្រកួតក្នុងកម្មវិធីការប្រកួតបាល់ទាត់មិត្តភាពរវាងក្រុមកីឡា សេនាយុត្តិធម៌ ជាមួយក្រុមបាល់ទាត់សាលាដំបូង និងអយ្យការ អមសាលាដំបូងខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងលោកជំទាវ យ៉េត ម៉ូលីន កើតរិទ្ធ ដែលបានរៀបចំនៅកីឡាដ្ឋាន Akihiro Kato Stadium របស់ក្រុមបាល់ទាត់ Angkor Tiger FC ខេត្តសៀមរាប។

សូមចូលរួមភ្ជាប់ទំនាក់ទំនងជាមួយយើងខ្ញុំតាមប្រព័ន្ធ Telegram ៖
https://t.me/rara_cambodia_official