MFA Noord Aruba

a bai reemplasa e Hulpbestuurskantoor existente den bario di Noord

Ademas di haci e tramite di documento y pago di servicionan mas facil, e acomodacion na Noord tambe tin un tarea esencial di promove y facilita e participacion y interaccion social di e ciudadnanonan den e comunidad en cuestion. Cu esaki nos kiermen, cu e acomodacion, conhuntamente cu Centro di Bario Noord, ta busca pa comberti den un punto di encuentro pa topa cu hendenan di e bario y asina bin cu actividadnan educativo, recreativo y social pa tur edad. E edificio tin un structura y aspecto moderno teniendo na cuenta tur e servicionan cu mester ofrece na comunidad. Aki ta papia di departamento di gobierno, servicionan publico y priva. Ciudadanonan di Noord por acudi na MFA pa sea busca papel di 5 Florin di Censo, entre otro; paga recibonan di awa, coriente of telefon; y tambe haci uso di acceso na internet, sala di reunion, etc. Ademas di nan aspecto funcional, tin un vision specifico tras di e introduccion di e facilidadnan multifuncional. E edificio mester ofrece algo adicional na e comunidad. Esaki ta bin den forma di luganan manera cafetaria, bibloteca y diferente espacionan paden y pafo cu ta sirbi pa recreation social, cultural, teatral y musical. Di e forma aki ta crea e posibilidadnan pa hendenan topa otro y asina trece e bario mas hunto y crea e cultura di wak pa otro su bienestar pa medio di actuacion boluntario. Un sociedad cu personan cu ta mas pro-social y caminda actonan boluntario ta forma parti normal di e bida diario, ta un sociedad mas fuerte y exitoso. E vision ta pa brinda nan e espacio y hermentnan necesario pa nan ta mas activo y efectivo y stimula e cultura di comunitarismo den e siguiente generacionnan. Adicionalmente e edificio tambe tin e responsabilidad di ta sostenibel pa no afecta e medio ambiente. E MFA tin aspectonan cu ta haci’e ‘Green’