Departamento di Aduana Aruba

Departamento di Aduana ta introduci integracion di IATA Cargo-XML den ASYCUDAWorld 📦🛩️

Riba 13 mei 2026, Aduana, den colaboracion cu e International Air Transport Association (IATA) y e United Nations Conference on Trade and Development (UNCTAD), a tene un seminario/workshop encuanto integracion di un modulo nobo den e plataforma di ASYCUDAWorld, esta e IATA Cargo-XML.

Nos a inicia e implementacion di IATA Cargo-XML den e plataforma di ASYCUDAWorld como parti di nos programa continuo pa modernisa e maneho di carga aereo y fortalece operacionnan pa control di frontera.

E funcionalidad nobo aki ta permiti aerolineanan, express carriers y otro stakeholdernan autorisa den e cadena di suministro di carga aereo, pa entrega informacion di manifiesto di carga electronicamente uzando e normanan internacional reconoci pa IATA Cargo-XML. E mehoracion aki ta aumenta e eficiencia, transparencia y confiabilidad di e proceso di carga aereo na Aruba door di duna nos acceso di antemano na informacion prome cu e carganan yega. E iniciativa lo contribui na un proceso mas rapido di despacho di carga, mehoracion di capacidadnan di maneho di riesgo y fortalece medidanan nacional di seguridad na frontera. Ademas, e implementacion ta promove mas exactitud, consistencia y integridad den entrega di data door di reduci intervencion manual y standarisa e intercambio electronico di informacion entre operadornan di carga y Aduana.

Nos lo sigui traha serca cu stakeholdernan y partnernan internacional pa sigura implementacion exitoso, integracion operacional y futuro expansion di e iniciativa aki.

📣Vacatura: Financieel Administratief Medewerker 💼

Bo tin interes den finansa, administracion y ta desea di contribui hunto cu nos pa Land Aruba? Esaki ta bo oportunidad.

Manda bo carta di motivacion y CV na [email protected]

Deadline pa aplica: 20 mei 2026.

Pa mas informacion, bish*ta:
https://hrportaal.drh.gov.aw/vacatures/

Feliz Dia di Obrero. Happy International Labor Day 📦🛩️🚢🧳

Departamento di Aduana cera riba Dia di Rey, Dia di Obrero, Dia di Asuncion y ATV-dag.

Nos kier recorda tur nos clientenan y publico general cu nos oficinanan lo ta cera riba e siguiente dianan di Fiesta/Conmemoracion:

• Dialuna 27 april 2026 en conexion cu Dia di Rey. Tur servicio lo reanuda riba diamars 28 april 2026.

• Diabierna 1 mei 2026 en conexion cu Dia di Obrero.

• Diahuebs 14 mei 2026 en conexion cu Dia di Asuncion.

• Diabierna 15 mei 2026 en conexion cu ATV-dag.

Nos ta haci un suplica na tur nos clientenan pa pidi servicio na tempo y preveni tardansa 📦

Cu hopi entusiasmo nos ta comparti un post en conexion cu “Spantenbier” pa cu nos edificio nobo cu a tuma luga recientemente na Barcadera 🏢⚙️🤎

Esaki ta un proyecto bou di encargo di Bohama Aruba cu actualmente ta yegando e fase final. E logro aki ta uno significante mirando cu Aduana ta consisti di diferente seccion cual por tin efecto riba operacionnan diario. Un edificio propio ta contribui na mihor servicio como tambe teamwork, y ehecucion di control y inspeccion mas eficiente y sigur.

Pronto lo por atende nos clientenan na e edicio nobo.