Positive Mind guidance & counseling

✨DANKI… ✨

Dia 5 di juni, mi tabata tin e placer y oportunidad facilita e tayer di “Arte di Liderazgo” na Centro di Bario Playa Pabao.

Danki special na Jennysha Montero y Centro di Bario Playa Pabao pa e invitacion, confiansa y oportunidad pa por a facilita e tayer aki y contribui na e desaroyo di nos comunidad.

Na tur participante, danki pa bo interes y participacion. Hunto, nos a explora e tiponan di liderazgo, pero tambe cu liderazgo no ta solamente un posicion, pero un arte basa riba integridad, empatia, comunicacion y e habilidad pa inspira y guia otro personanan.

Agradecido pa permiti mi ta parti di bo biahe di desaroyo personal y profesional. ❤

Pa mas informacion di guianan specifico y/of tayernan, afspraak y costo, por tuma contact libremente na: [email protected] of 748 2660

Esaki ta pa bo❤

Sa cu bo no ta bo so den e proceso aki, ami ta aki pa bo! Hunto nos por supera y alcansa e obhetivonan!✨

Bo ta desea ayudo profesional?
Pa mas informacion, afspraak y costo, por contact mi libremente na: 📧[email protected] of 748 2660

✨DANKI…✨

Dia 3 di juni, mi tabata tin e oportunidad di facilita e tayer di “Journaling - Write your light”. Un danki di curason y cu hopi gratitud na cada persona cu a asisti. Bo participacion, bo boluntad pa reflexiona y comparti, a haci e experencia aki uno special.

Tambe un danki special na Jennysha Montero y Centro di Bario Playa Pabao pa e invitacion pa por a facilita e tayer aki y pa crea un oportunidad pa nos comunidad bini hunto.

Hunto, nos a explora con skirbimento por bira un caminda pa sanacion, descubrimento propio, crecemento y paz interno.

Corda: Bo diario ta mas cu un shrift, e ta un espacio sigur caminda cu bo pensamentonan, sentimentonan, soñonan y gratitud por wordo expresa libremente. Sigui skirbi bo storia cu amor.❤

Agradecido pa permiti mi ta parti di bo biahe.✨

Pa mas informacion di guianan specifico y/of tayernan, afspraak y costo, por tuma contact libremente na: [email protected] of 748 2660

E arte di Liderazgo: Desblokea bo potencial di liderazgo

Bo ta cla pa hiba bo habilidadnan di liderazgo na e siguiente nivel? Join nos pa un tayer transformativo “E arte di liderazgo” y haya hermentnan, bista y confiansa pa lidera cu proposito y integridad.

Pakico atende e tayer aki?
Mehora bo habilidadnan di liderazgo cu strategianan clave pa comunicacion, decisionnan y resolucion di conflicto
Descubri bo estilo di liderazgo y siña con pa usa bo puntonan fuerte.
Domina e arte di lidera pa medio di cambio y supera retonan.
Crea confiansa y integridad cu bo team pa exito duradero.

Pa ken e tayer aki ta diseña?
E tayer aki ta perfecto pa profesionalnan, hefenan y cualkier persona cu ta aspira pa ta un mihor lider. Sea bo ta den liderazgo di un team di trabou, na cas of den comunidad, e tayer aki lo empodera bo pa lider cu impacto.

Lugar: Centro di bario playa pabao
Dia: 5 di juni 2026
Orario: 6.00 pm – 9.00 pm
Prijs: GRATIS!
Inscribi awe mes! Cupo ta limita!

Registra: https://forms.gle/ahJDGzvBse4Eh8h48

No perde e oportunidad aki pa transforma bo manera di liderazgo!

Kerido ami ❤,

E luna nobo aki, mi ta scohe pa cuminsa cu mas amor, mas claridad y mas responsabilidad pa mi mes.✨

Mi no tabata gusta con mi tabata sinti. Mi tabata kier algo diferente pa mi mes, pues mi a tuma re responsabilidad pa e manera cu mi ta scoge pa mi mes y busca e yudansa cu mi tabata tin mester. Mi a stop di pretende cu tur cos tabata bon, mientras mi tabata sa cu no tabata asina. Mi a reconoce e ciclonan cu mi tabata pega aden. Mi a reconoce mi mes ora mi no tabata trata mi mes cu amor y respet. Mi a bira mas consciente di mi pensamentonan cu mi tabata ripiti y mi a dicidi cu nan no lo guia mi bida mas. Mi a sali for di e mentalidad di victima. Mi a bira firme pa mi mes.

Mi a stop di culpa tur cos rond di mi y mi a cuminsa tuma responsabilidad pa mi sanacion, mi decision, mi escogencianan, mi paz, mi crecemento y mi futuro.
Mi a bira honesto cu mi mes, hasta ora e tabata incomodo.
Mi a pusha mi mes pa sigui dilanti enbes di bai patras. 💪

E luna nobo aki ta un recordatorio cu mi por scohe pa cuminsa di nobo. Esaki ta un oportunidad pa mustra mi mes cu mi ta importante. Mi a busca e yudansa cu mi tabata tin mester. E biaha aki mi ta scoge pa mi mes. Mi a scoge paz, cambio y e bida cu mi merece.

Mi ta haci’e pa mi mes.❤✨

Sa cu bo no ta bo so den e proceso aki, ami ta aki pa bo! Huntu nos por supera y alcansa e obhetivonan!✨
Bo ta desea ayudo profesional?
Pa mas informacion, afspraak y costo, por contacta mi libremente na: 📧[email protected] of 748 2660

✨Fortaleciendo Bosnan cu Confidencia✨

Mi ta agradecido na Fundacion Movemiento ta Bida ta bida pa un bes mas invita mi pa por facilita e tayer “Speak Up & Shine Bright: Communicate with Confidence” riba 9 di mei 2026. 🙏

E tayer aki tabata enfoca riba e diferente formanan di comunicacion, comunica cu mas claridad, confidencia y cu respet, expresion di bos, mientras nos ta reconoce e importancia di pone limitenan saludabel.

Tabata un honor pa comparti cu lidernan cu ta dedica na Centro di barionan, di cual ta traha cu amor y compromiso pa promove movecion activo di adulto mayor.

Masha danki un bes mas pa e confiansa, e energia positivo y e oportunidad pa contribui na empoderamento y bienestar den nos comunidad.✨

Pa mas informacion di guianan specifico y/of tayernan, afspraak y costo, por tuma contact libremente na: [email protected] of 748 2660

✨Fortaleciendo Hobennan cu Hermentnan pa Bida✨

Cu un curason agradecido, kier a gradici Colegio San Antonio Aruba pa e oportunidad pa brinda e tayernan aki di formacion social-emocional pa alumnonan di Ciclo Basico 1.

Durante e lesnan di CSA – uur cu a tuma lugar entre januari y mei, studiantenan a haya e oportunidad pa comprende, identifica, reconoce nan emocionnan y e proposito importante cu emocionnan tin den bida diario. Tambe nan a siña tecnicanan simpel y saludabel pa calma nan mes y maneha nan emocionnan di un manera saludabel.

Ademas, e programa a enfoca riba estilonan di comunicacion, con pa scucha activamente, imagen propio, balor propio, conscientisacion riba bullying y fortalecemento di confiansa propio. Alumnonan a haya hermentnan y strategianan practico pa yuda nan enfrenta reto personal y social cu mas confiansa, resiliencia y consciencia emocional.

Masha danki na director mr. Lee, Jufr. Jeseña Croes pa e confiansa y colaboracion, y tambe na tur e alumnonan di Ciclo Basico 1 pa nan participacion durante di e experencia aki.❤

Pa mas informacion di guianan specifico y/of tayernan, afspraak y costo, por tuma contact libremente na: [email protected] of 748 2660