Ta Berdad? Mantene e Politico y Media di Aruba Honesto.

Unda Marisol? E Parlamentario cu menos ta respeta su votadornan. Atrobe e no ta show up pa reunion publico.

Unda Gerlien?
Where's Gerlien?

Potret den nos inbox.
Reunion publico no ta wordo atendi pa partido AVP ni Accion21. Marisol di partido MAS ta presenta solamente den prome tanda pa hunga politica, y no tey presente despues. Ki dia ta aplica no work no pay pa Parlamentario?

𝐀𝐧𝐚𝐥𝐢𝐬𝐢𝐬 𝐩𝐚 𝐜𝐮 𝐞 𝐤𝐢𝐞𝐛𝐫𝐨 𝐝𝐞𝐧 𝐀𝐕𝐏.

E conflicto interno di AVP tin atencion den pueblo. E conflicto entre e dos gruponan den e partido berde ta bon conoci y e diferencia di opinion grandi den e partido no ta un desaroyo nobo. Den pueblo ta biba e speransa cu e grupo di politico nobo den AVP pronto lo por reemplasa e politiconan tradicional, pa asina tambe por trece mas integridad bek den e arena politico.

Apesar di e esfuerzo di e lider di e partido berde pa tene tur nan problemanan scondi y tras di porta sera, dialuna anochi porfin tur hende por a mira y scucha despues di un partijraad maratonico, cu cos no ta bon. No ta prome biaha cu AVP conoce un situacion caminda tin diferencia radical entre dos grupo pa loke mester ta e rumbo di e partido. Historia ta ripiti y manera semper a sosode den pasado, dialuna anochi atrobe a bira evidente cu e politiconan di e hala nobo mester a baha cabes pa e politiconan tradicional. Ta un lastima enorme cu apesar di e berguensa sin precedente cu Mike de Meza y Mike Eman a pone Ryçond do Nacimento y Gerlien Croes pasa aden, den partijraad a pone cu ta nan dos mester a baha cabes.

Mike de Meza ta activamente poniendo presion pisa den AVP. Sea e partido ta sigi traha conforme politica tradicional, of AVP ta perde Mike de Meza y cohuntamente un parti considerabel di San Nicolas. Na momento cu politiconan tradicional a pone e cuchiu aki riba mesa e nobonan den partido a perde tur forsa. Ryçond do Nacimento a compronde cu e mester stop di cuestiona Mike de Meza, bandona su principionan, y nunca mas exigi disculpa publico for di de Meza, manera e a bin ta demanda cada biaha cu e a papia den media.

Ta comprendible cu Ryçond do Nacimento y Gerlien Croes cu nan inexperencia no a mira e hugada aki na tempo. Pasobra e lider di nan partido a sembra den nan e ilusion cu si nan bringa duro nan lo tin oportunidad pa duna un direccion nobo na e partido. Den sala di parlamento y den media nan a ataca na tur nivel, y a crea un polarisacion y narativa eroneo, mientrastanto cu Mike Eman, cu tambe tawata sa e berdad, no a mustra cara den sala henter dia, y Mike de Meza cu tawata sa miho, a laga nan comete e blunder durante e tratamento di ley ‘Tofanelli’.

No ta nada nobo cu AVP completo ta manipula informacion, solamente e biaha aki e manipulacion a backfire na un manera hopi bisto. E nobatonan den AVP a hasta papia di integridad na momento cu nan ta para schouder cu schouder banda di politiconan cu ta conoci publicamente pa nan falta di integridad. Nan a haci loke partido a pidi, pero dialuna den partijraad na Cas di Partido e momento a yega pa Ryçond do Nacimento y Gerlien Croes baha cabes, y ambos a acepta e influencia di Mike de Meza y di Mike Eman den partido.

Tur esaki ta sumamente penoso, pasobra diferencia di opinion ta normal den un democracia, pero e grupo nobo den AVP por lo menos no tin un historia cu corupcion, y awor hustamente e nobonan den AVP mester a baha cabes. E situacion aki ta alarmante, pasobra ta hustamente esnan cu a causa pobresa cu malgastamento di placa publico a keda cu tur poder. Tanto hende na Aruba bibando bou di e bestaansminimum pasobra e grupo tradicional a derocha tur e placa. Awo nan a bish*ta 16 bario pa cuminsa compronde loke nan a causa, lagando hende sin placa pa paga nan cuentanan. Den e 16 barionan nan por a t**a cu e dolor y e emocion di tur esnan cu a para mira miyones bay perdi den proyectonan fracasa.

Pero e show no a caba. Otro siman lo tin un evento publico cu hopi camara y luz, caminda tur ta bin para hunto, cu cara serio pa anuncia cu tur cos ta bon y cu nada a pasa. Nan ta bay declara cu nan lo tin un “plan” y un “vision” pa libera mundo henter di tur sufrimento. Nan NO ta bay bisa di unda e placa ta bin. Asina nan politica tradicional lo sigui su rumbo, y esey lo sigui stroba progreso di nos pais.

Den nos inbox! Ryçond ta op het m***e geroepen.

Den nos inbox. 👀

Welcome na E page nobo riba Aruba... Ta berdad? Un pagina cu ta dedica na comparti hecho (facts) y no opinion.