Departamento di Impuesto

𝗘 𝗱𝗲𝗮𝗱𝗹𝗶𝗻𝗲 𝘁𝗮 𝟯𝟬 𝗱𝗶 𝗷𝘂𝗻𝗶 𝟮𝟬𝟮𝟲

Dia 30 di juni 2026 ta e ultimo dia pa paga impuesto di vehiculo di motor pa e di dos mita di aña 2026.

Entrante 1 di juli 2026, e boet pa incumplimento ta 50%.

No laga bo debe crece cu gasto innecesario. Haci e pago na tempo.

𝗔𝘁𝗲𝗻𝗰𝗶𝗼𝗻!
Si acaso ainda Bo no a paga e impuesto di e prome mita di aña, Bo a haya boet di 50% caba. Si no paga e debe aki, Bo no por paga e impuesto di e di dos mita di aña. E ora Bo lo bolbe haya boet di 50%. Nos ta conseha pa paga ful e suma di 2026 na tempo, pa evita cu mas gasto ta keda acumula riba bo nomber.

Si Bo tin debe di impuesto di vehiculo di motor di añanan bieu, awor ta posibel pa cera un areglo di pago pa debenan te cu aña 2025. Mester cera e areglo aki via nos portal 'BO impuesto' (BOi). Si Bo no tin un account di BOi, registra awe mes. Via e folder 'Betalingsregeling' por cera e areglo facilmente.

Persona priva por registra pa un account di BOi via: https://bo.impuesto.aw/public/portal/index.html

𝗞𝗲𝗱𝗮 𝘀𝗶𝗻 𝗰𝘂𝗺𝗽𝗹𝗶 𝗻𝗼 𝘁𝗮 𝘂𝗻 𝗼𝗽𝗰𝗶𝗼𝗻.

𝗪𝗮𝗸 𝘁𝘂𝗿 𝗯𝗼 𝗽𝗮𝗴𝗼𝗻𝗮𝗻 𝗳𝗮𝗰𝗶𝗹𝗺𝗲𝗻𝘁𝗲!

Via e folder 'Betaalhistorie' den bo portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶), Bo por:
- wak tur e pagonan haci te 5 aña atras;
- facilmente busca e suma cu a paga den e periodo indica;
- wak con e pago a wordo haci y riba cua impuesto el a wordo aloca;
- download un resumen como Excel file pa bo propio administracion.

Haya tur bo informacion den trankilidad di bo mesun cas of negoshi.

Si ainda Bo no tin un account di BOi, registra awe mes.

Persona priva ta registra via e folder "Aanmelding Particulieren": https://bo.impuesto.aw/public/portal/index.html

Mas informacion tocante un account di BOi: https://www.impuesto.aw/alles-over-uw-boi-account

Percura pa Bo no keda atras!

𝗡𝗮 𝗲 𝗮𝘂𝘁𝗼𝗺𝗼𝗯𝗶𝗹𝗶𝘀𝘁𝗮𝗻𝗮𝗻 𝗰𝘂 𝗮𝗶𝗻𝗱𝗮 𝗻𝗼 𝗮 𝗽𝗮𝗴𝗮 𝗶𝗺𝗽𝘂𝗲𝘀𝘁𝗼 𝗱𝗶 𝘃𝗲𝗵𝗶𝗰𝘂𝗹𝗼 𝗱𝗶 𝗺𝗼𝘁𝗼𝗿 𝟮𝟬𝟮𝟲

Bo a haya boet di 50% riba e impuesto di e prome mita di aña 2026?
Bo a ricibi un cobransa adicional (naheffingsaanslag) pa e periodo januari-juni 2026?

Si e contesta riba e preguntanan aki ta positivo, sa cu mientrastanto bo debe ta sigui crece cu interes y gasto extra sin cu esaki ta necesario. Bo por wak e suma di debe den bo portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶) y haci e pago di biaha online via bo banco of cerca nos.

Corda cu e ultimo dia pa paga e impuesto di e di dos mita di aña ta 30 di juni 2026. Bo no por paga esaki sin paga e impuesto di e prome mita di aña.

No laga bo debe sigui crece. Haci e pago inmediatamente.

Keda sin paga no ta un opcion.

_______________________________________________________________________________________________

E incumplimento ta 15% di e cantidad di numbernan registra y ta resalta den e siguiente categorianan:

Categoria A (auto personal): 13.027
Categoria MFA (motorcycle): 893
Categoria plachi di nomber: 200
Categoria DT (truck di diesel): 178

𝗖𝗮𝘁𝗲𝗴𝗼𝗿𝗶𝗮𝗻𝗮𝗻 𝗰𝘂 𝘁𝗮 𝗰𝗮𝘆 𝗯𝗼𝘂 𝗽𝗲𝗿𝗺𝗶𝘀𝗼:
Categoria V (auto di huur): 690
Categoria MFV (motorcycle di huur): 52
Categoria T (touring): 236
Categoria O (transporte iregular): 46
Categoria B (bus): 14
Categoria TX (taxi): 22

𝗧𝘂𝗿 𝗶𝗻𝗳𝗼𝗿𝗺𝗮𝗰𝗶𝗼𝗻, 𝗱𝗲𝗻 𝗯𝗼 𝗽𝗹𝗮𝗻𝘁'𝗶 𝗺𝗮𝗻!

Via e folder 'Rekeningoverzicht' den bo portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶), Bo por:
- controla si tin debe di impuesto habri;
- controla si tin un suma pa haya bek (restitucion);
- wak e suma di interes y gastonan riba bo cuenta;
- download un resumen como Excel file pa bo propio administracion;
- y mucho mas.

Pidi un rekeningoverzicht via e-mail, a pasa pa pasado. Haya tur bo informacion den trankilidad di bo mesun cas of negoshi.

Si ainda Bo no tin un account di BOi, registra awe mes.

Persona priva ta registra via e folder "Aanmelding Particulieren": https://bo.impuesto.aw/public/portal/index.html

Mas informacion tocante un account di BOi: https://www.impuesto.aw/alles-over-uw-boi-account

Percura pa Bo no keda atras!

𝗘 𝗰𝗼𝗯𝗿𝗮𝗻𝘀𝗮 𝗱𝗶 𝗴𝗿𝗼𝗻𝗱𝗯𝗲𝗹𝗮𝘀𝘁𝗶𝗻𝗴 𝟮𝟬𝟮𝟲 𝗮 𝘀𝗮𝗹𝗶

E cobransa tin e fecha di 1 di juni 2026. Den e dianan venidero e contribuyentenan lo ricibi e cobransa aki via post.

𝗧𝗲𝗿𝗺𝗶𝗻𝗼 𝗱𝗶 𝗽𝗮𝗴𝗼
Ley ta duna e opcion pa paga e cobransa di grondbelasting den un solo biaha of den termino.

𝗣𝗮𝗴𝗼 𝗼𝗻𝗹𝗶𝗻𝗲 𝘃𝗶𝗮 𝗯𝗮𝗻𝗰𝗼
Nos ta recomenda pa haci e pago online via banco. Scoge e opcion 𝗕𝗶𝗹𝗹 𝗣𝗮𝘆𝗺𝗲𝗻𝘁 y no Transfer. Di e forma aki nos administracion por procesa e pagonan corectamente.

𝗔𝗿𝗲𝗴𝗹𝗼 𝗱𝗶 𝗽𝗮𝗴𝗼
E contribuyente cu no por paga su cobransa di acuerdo cu e terminonan legal, awor por cera un areglo di pago facilmente via e portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶).

Den e portal:
- ta yena e suma mensual desea;
(e suma minimo pa persona priva ta Afl. 100 y pa compania ta Afl. 1.000)
- ta yena e fecha di e prome pago;
- ta save y print e areglo di pago.

Clientenan cu ainda no tin acceso na e portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶), por tuma contacto cu nos pa cera un areglo na 522 7423 of 522 7424. Nos ta conseha pa registra pa un BOi account mas pronto posibel. Di e forma aki, Bo mes por pidi e areglo di pago mas lihe y hay'e mesora. Una bes cu Bo ta pagando riba bo areglo, Bo por keda controla bo pagonan via e portal.

𝗥𝗲𝘀𝘂𝗺𝗲𝗻 𝗱𝗶 𝗰𝘂𝗲𝗻𝘁𝗮
Bo resumen di cuenta (rekeningoverzicht) awor tambe ta disponibel via e portal 𝗕𝗢 𝗶𝗺𝗽𝘂𝗲𝘀𝘁𝗼 (𝗕𝗢𝗶).

𝗥𝗘𝗖𝗢𝗥𝗗𝗔𝗧𝗢𝗥𝗜𝗢

En conexion cu un dia colectivo di ATV awe tur nos oficinanan ta cera.
Dialuna, dia 18 di mei 2026, nos ta continua brinda servicio segun orario di custumber.