Biblioteca Nacional Aruba dept. Arubiana-Caribiana + Digital Collections

🎶🐐 Dera Gay: un tradicion unico den e cultura Arubiano

Den cuadro di fiesta di San Juan ta bon pa recorda y comparti informacion tocante un di nos tradicionnan mas unico: Dera Gay.

Segun e investigacion di Ernesto E. Rosenstand den su buki 'Nos Cultura', Dera Gay ta un tradicion cu ta wordo celebra exclusivamente na Aruba durante e festividad di San Juan. E celebracion ta caracterisa pa musica, canto, baile y participacion activo di comunidad.

Historicamente, e actividad principal tabata consisti di un grupo di hende cu, acompaña pa tambu, wiri, fio y canto, tabata forma un circulo rond di un gay cu tabata wordo dera den tera. Un participante cu tabata tapa su wowonan cu un paña tabata purba dal e gay cu un palo. E uzo di e paña ta simbolisa e negacion di San Pedro na Hesus tres biaha durante Semana Santa.

Cu paso di tempo, uzo di un gay bibo a wordo sustitui pa un gay artificial, manteniendo e esencia cultural di e tradicion mientras cu e celebracion a evoluciona cu tempo.

Color geel ta ocupa un lugar central den e fiesta. Damanan tradicionalmente ta bisti shimis geel cu cabey peña cu lint geel, mientras cu hombernan ta bisti carson preto y camisa manga largo geel. Musica, baile y alegria comunitario ta e curason di e celebracion.

📚 Tradicionnan manera Dera Gay ta forma parti importante di nos herencia cultural inmaterial. Compartiendo e historia y significado, nos ta contribui na preservacion di e conocemento pa generacionnan futuro.

💛🐐🎶 Bo tin algun recuerdo of experiencia cu Dera Gay? Comparti cu nos den e comentarionan!



Potret: Coleccion Aruba
https://coleccion.aw/show/?ANA-DIG-THENEWSARUBA-D0090-02-20060624-012

📜 INVITACION

LETRA Y CONSENSHI: BALOR HUMANO DI UN PUEBLO
Un reflexion tocante historia di sclavitud na Aruba

Biblioteca Nacional Aruba ta invita comunidad pa e apertura oficial di e exposicion “Letra y Consenshi: Balor Humano di un Pueblo”.

A traves di documentonan historico unico, e exposicion ta ofrece un oportunidad pa conoce mas tocante historia di sclavitud na Aruba, e experiencia humano tras di e documentonan y e balornan cu a contribui na forma nos identidad como pueblo.

E exposicion ta inclui documentonan reconoci den marco di UNESCO Memory of the World y ta pone na cla e importancia di preserva nos memoria colectivo pa generacionnan presente y futuro.

📅 Diamars 30 di juni 2026
🕖 7:00 p.m. – 9:00 p.m.
📍 Biblioteca Nacional Aruba – San Nicolas

Bin descubri e bosnan di pasado cu ainda tin hopi pa conta nos tocante Aruba di awe.

📚✨ Un bish*ta inspirado na Departamento Arubiana-Caribiana! ✨📚

Hefe di Departamento Arubiana-Caribiana, Zetsia Ponson, a ricibi un ehemplar di e buki 'Speak the Island', un iniciativa extraordinario dedica na promove uzo corecto di nos idioma Papiamento a traves di 'puzzles'. 🇦🇼🗣️

Durante nan bish*ta na Arubiana-Caribiana, Jean Paul Thijzen y Valtr Troy, creadornan di e proyecto, a comparti cu nan ta hopi contento cu e sosten y entusiasmo cu nan a ricibi te awo. 🙌📖

'Speak the Island' no solamente ta contribui na fortalece uzo corecto di Papiamento na Aruba, sino tambe ta crea oportunidad pa mas hende, tanto local como internacionalmente, pa siña y aprecia nos idioma y cultura. 🌎❤️💙💛

Nos ta felicita Jean Paul y Valtr pa nan vision, dedicacion y trabou duro. Iniciativanan manera esaki ta importante pa sigui preserva, promove y pasa nos idioma na generacionnan futuro. 👏🎉

Masha pabien! 🇦🇼📚✨

📖🌴

📚✨ Proyecto Wikipedia na Aruba a cera cu exito!

Cu un ultimo edicion di Ban Wiki, boluntarionan a reuni dialuna atardi na Departamento Arubiana-Caribiana pa sigui amplia informacion tocante artistanan di Aruba riba Wikipedia, Wikimedia Commons y Wikidata. 🌍🖥️

Ginelly Quandt, prome Wikimedian in Residence na Aruba, a expresa su satisfaccion cu e resultado di e proyecto y e crecemento di e comunidad di boluntarionan cu a siña con pa contribui na plataformanan di conocemento liber. 🙌📖

Danki na tur participante, colaborado y partner, incluyendo Biblioteca Nacional Aruba, cu a yuda pone Aruba su historia, cultura y patrimonio mas visibel pa mundo henter. 🇦🇼❤️

E trabou no ta caba awe! Wikipedia ta wordo manteni door di boluntarionan, y e invitacion ta habri pa tur hende cu kier sigui comparti conocemento tocante Aruba. ✍️🌟

Por consulta Wikipedia on Aruba pa mas informacion.

📚🇦🇼

Ban Wiki!! Corda awetardi nos tin Tayer di Wikipedia. No perd'e!

Pon’e riba agenda! Dialuna awo!

📢 𝐄𝐬𝐚𝐤𝐢 𝐭𝐚 𝐛𝐨 𝐮𝐥𝐭𝐢𝐦𝐨 𝐨𝐩𝐨𝐫𝐭𝐮𝐧𝐢𝐝𝐚𝐝 𝐩𝐚 𝐩𝐚𝐫𝐭𝐢𝐜𝐢𝐩𝐚 𝐝𝐞𝐧 𝐁𝐚𝐧 𝐖𝐢𝐤𝐢! 𝐖𝐢𝐤𝐢𝐩𝐞𝐝𝐢𝐚 (𝐞𝐝𝐢𝐭-𝐚-𝐭𝐡𝐨𝐧)

🌐 Habri bo conocemento y yuda haci informacion di Aruba mas accesibel online!

🎨 𝐃𝐢𝐚𝐥𝐮𝐧𝐚, 𝟐𝟐 𝐉𝐮𝐧𝐢
Wikipedia: Artistanan di Aruba
Siña con pa crea articulonan nobo y amplia contenido tocante arte y cultura di Aruba.

📍 Lugar: Biblioteca Nacional Aruba (BNA), Arubiana-Caribiana.

✨ 𝐍𝐨 mester tin experiencia.
✨ 𝐍𝐨𝐬 lo guia bo paso pa paso.
✨ 𝐓𝐮𝐫 hende ta bon bini.

🎥 Ke sigui siña despues di e tayernan? Bish*ta nos canal di YouTube pa videonan di instruccion.

📖 Prefera lesa? Nos tin articulonan y guianan practico cu ta yuda bo cuminsa y sigui desaroya bo habilidadnan riba e diferente plataformanan di Wikimedia.

📌LINK DEN BIO

𝐍𝐨 laga e oportunidad aki pasa!
Bini y forma parti di e ultimo actividad di Ban Wiki! y yuda comparti conocemento liber tocante Aruba na mundo henter.

--

June marks the final month of the Wikipedia on Aruba, pilot project. Join our last wikipedia edit-a-thon and help create Wikipedia articles about Aruban artists. Everyone is welcome, and no previous experience is required. Come learn, contribute, and help preserve and share knowledge about Aruba.

Heya Hunnay Bunchez,

Flashback to our recent conversation with Ms. Zetsia Ponson on Caribbean Heritage through Literature & Storytelling.

Ms. Zetsia elaborated on her profession, being an Information Specialist and Head of the Arubian-Caribiana Department of our National Library.

She also invited our listeners to not only visit this beautiful department located at Bachstraat 5 but she also highly recommend taking a deep dive into our cultural heriage by visiting www.coleccion.aw.

In was an honor and pleasure having one of our most consistent listener in the studio with us and cannot wait for another link up 🥰

Awenochi nos ta combersa literatura caribense y tambe local 📚✨

Pesey SINTONISA Ok Then, Sis Radio Show riba Wavez FM Aruba

Happy Wednesday Hunnay Bunchez,

As a boom girlie & Caribbean Author, you cannot imagine the excitement of having a fellow book girlie and one of our most consistent listeners in the studio with us.

Join us as we talk about the importance of literature, not only in the Caribbean but also locally.

Tune in at 7pm on Wavez 107.5 FM or twitch.tv/wavezfm1075 or www.wavezfmaruba.com or Channel 426 on Cable tv

Link up laterz