AZV - Aseguro Medico General

#𝐂𝐞𝐥𝐞𝐛𝐫𝐚𝐂𝐮𝐀𝐙𝐕…𝐅𝐞𝐥𝐢𝐳 𝐃𝐢𝐚 𝐝𝐢 𝐓𝐚𝐭𝐚! 👔💙

Awe, AZV ta celebra tur tata na Aruba.
Tata cu ta guia, cuida, inspira y duna amor cada dia.

Un gradicimento special na e tatanan di AZV. Danki pa boso dedicacion, compromiso y e papel importante cu boso tin tanto na cas como den nos comunidad.

Disfruta di boso dia special awe!

Aviso Importante!
📌Tuma nota di nos servicio adapta pa 12 t/c 22 di juni.

#𝐓𝐢𝐩𝐃𝐢𝐃𝐢𝐚…𝐏𝐫𝐨𝐭𝐞𝐡𝐚 𝐜𝐨𝐧𝐭𝐫𝐚 𝐬𝐨𝐥𝐨/𝐜𝐚𝐥𝐨𝐫☀️🔥
Sea bo ta un contratista, of bo ta un hardinero of bo ta haci mantencion di pool, hecho ta cu pa hende cu tin cu traha tur dia den solo, ta hopi importante pa sigui algun conseho pa nan proteccion y salud.

✔️ Percura pa bo bisti un uniform apto contra solo. Esaki mester ta di tela special cu ta permiti bon ventilacion. Manga largo y carson pia largo ta recomendabel. Pero si toch bo kier uza short, e ora ta bon pa corda di hunta sunblock (na pia) frecuentemente.

✔️ Proteha bo wowonan cu un bon bril di seguridad. E bril aki ta preferiblemente esnan special contra rayo di solo y completamente cera cu no ta permiti niun stof of otro substancia (of material) drenta wowo.

✔️Un petchi of sombre ta proteha specialmente cabes y cara. Y si e trabou ta rekeri di un helm special, haci uzo di esaki.

✔️ Pone awa frieu na diferente luga. Asina bo ta yega hopi facil na awa y bo por keda bebe esaki frecuentemente y suficientemente (2 – 4 liter di awa).

✔️ Si bo kier duna e awa un t**e, pone algun pida di fruta aden manera kiwi, lamunchi of apelsina. Un combinacion di bo fruta faborito tambe por.

✔️ Tuma pauza frecuentemente, bay den sombra of den un espacio cu tin bon ventilacion.

✔️ Ola di calor? Tuma extra pauze y bay un rato den sombra of den un espacio cu tin airco.

✔️ Si ta posibel, bay traha un orario mas tempran pa caba mas tempran y evita e orario di mas cayente di dia, esta entre 12or y 3or di atardi.

✔️ Pone atencion na loke bo curpa ta bisa bo.

✔️ Si bo ta haya dolor di cabes, walmento (stoma), mareamento, sodamento excesivo y bo no ta sinti bon, busca un luga pa descansa, bebe awa y si por stop di traha inmediatamente pa evita cu bo ta haya un golpi di solo/zonnesteek.

#𝐏𝐫𝐞𝐠𝐮𝐧𝐭𝐚𝐌𝐚𝐬𝐅𝐫𝐞𝐜𝐮𝐞𝐧𝐭𝐞𝐇𝐚𝐜𝐢…❓
Pakico ta importante pa tin un seguro di biahe?

Paso AZV ta valido na Aruba so. Un seguro di biahe ta cubri emergencia medico inespera ora bo ta den exterior. AZV mes no ta bende seguro di biahe pero bo por cumpra uno na cualkier otro compania di seguro.

Haci esaki y evita gastonan medico inespera durante bo estadia den exterior.

#𝐑𝐞𝐜𝐨𝐫𝐝𝐚𝐂𝐮𝐀𝐙𝐕…𝐃𝐢𝐚 𝐌𝐮𝐧𝐝𝐢𝐚𝐥 𝐒𝐢𝐧 𝐓𝐚𝐛𝐚𝐜𝐨✋🏻⛔️
Bo ta imagina bo un mundo sin tabaco? Porta hopi bida lo a keda scapa paso e peligernan ta obvio; adiccion of morto (tempran) como resultado di uzo frecuente y excesivo di nan. E industria di tabaco y nicotina ta dirigi nan mes na mucha y teenagers bendiendo productonan manera sigaria “e”, pouches di nicotina y e aparatonan di nicotina sintetico. Regularmente e industria ta mercadea esakinan como “innovativo” sin menciona con addictivo nan ta. Mundialmente tin 40 miyon adolescente den e edad di 13 pa 15 aña uzando producto cu tabaco of nicotina. Ban para esey. Ban participa na eventonan liber di tabaco of nicotina. Ban apoya e persona cu kier stop, ban exigi mas control y ban sigui cu e conscientisacion di e peligernan di tabaco y nicotina.

#𝐂𝐞𝐥𝐞𝐛𝐫𝐚𝐂𝐮𝐀𝐙𝐕…𝐃𝐢𝐚 𝐝𝐢 𝐏𝐫𝐚𝐤𝐭𝐢𝐣𝐤𝐨𝐧𝐝𝐞𝐫𝐬𝐭𝐞𝐮𝐧𝐞𝐫
Otro profesional importante pa nos ta nos praktijkondersteuners (POH). E POH ta un profesional cu ta traha hunto cu e dokter di cas. Nan ta duna guia y sosten na personanan cu malesa cronico manera diabetes of presion halto. Awendia nos tin tambe POH den ramo di salud mental. Un danki di curason na tur POH pa boso bunita
trabou. Pabien!🎉

Aviso Importante!
📌Tuma nota di nos orario adapta pa diahuebs 21 di mei.

#𝐂𝐞𝐥𝐞𝐛𝐫𝐚𝐂𝐮𝐀𝐙𝐕…𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐃𝐨𝐤𝐭𝐞𝐫 𝐝𝐢 𝐂𝐚𝐬 👩‍⚕️👨‍⚕️
Desde aña 2010 e fecha di 19 di mei a keda proclama como Dia Internacional di Dokter di Cas door di e Organisacion Internacional di Dokter di Cas. Awe nos ta gradici tur dokter di cas pa nan guia, cuido y sosten cu nan ta brinda cada asegurado di AZV.

Danki di curason pa boso esfuerzo di tur dia ❤️ Pabien na tur dokter di cas!