AVP

Celebracion na Cas di Partido AVP tabata un gran exito!

Cas di Partido AVP a yena di alegria y union durante e celebracion tradicional di Dia di Himno y Bandera, e biaha aki Aruba Ariba. Danki na e gran sosten di comunidad y tur miembro activo di partido, e actividad a bira un exito rotundo.

Tur hende a disfruta di un ambiente familiar cu cuminda delicioso, bolo, cos dushi y hopi animo di fiesta. E musica di Groove Masters a mantene e ambiente bibo, mientras cu e competencianan di domino y futbol a trece hopi emocion y entusiasmo entre esnan presente.

Manera ta costumber di tur aña, candidatonan di AVP, incluyendo algun cu awor ta minister, a bin hunto pa comparti cu e comunidad y e sostenedornan fiel cu semper a keda na banda di partido.

Un dia di union, celebracion y orguyo Arubiano.

💙 Danki na tur esnan cu a participa y a haci e celebracion aki un exito rotundo! 🇦🇼

ARUBA ARIBA | Groove Masters ta cla pa celebra dia diadomingo 15 di maart nos Himno y Bandera cu Feria Aruba Ariba na Cas di Partido AVP!

Trabounan andando for di diasabra mainta trempan pa prepara Cas di Partido AVP pa hunto nos celebra nos Dia di Himno y Bandera mañan 15 di maart!

Diadomingo awo Partido AVP lo celebra Dia di Himno y Bandera hunto cu su pueblo

Partido AVP lo organisa un celebracion special hunto cu comunidad y sostenedornan di partido en conexion cu Aruba su Dia di Himno y Bandera unda cu e aña aki nos isla ta conmemora 40 aña di Status Aparte y 50 aña di Himno y Bandera.

Tradicionalmente Partido AVP ta celebra e ocasion riba 18 di maart, pero e aña aki a tuma decision pa move e actividad pa diadomingo awo 15 di maart, mirando diferente actividad oficial y protocolar relaciona cu e celebracion nacional y e bish*ta di Su Mahestad Rey Willem-Alexander na Aruba.

Parlamentario Clifford Heyliger a splica cu e celebracion di AVP, organisa pa mas di 37 aña caba, semper cu e meta pa reuni comunidad hunto cu partido pa celebra Aruba, su historia y su identidad nacional.

E actividad lo tuma luga na cas di Partido AVP, cuminsando di 10 or di mainta te 4 or di atardi, cu un programa familiar cu ta inclui cultura, entretenimento, deporte y gastronomia.

Ambiente cultural y entretenimiento
Durante e dia lo tin diferente presentacion musical entre otro:
• Caha di Orgel
• Gucci Dancers
• Kenduard Henriquez
• Stephany Quant
• Azucar
Ademas, bish*tante por disfruta di un ambiente cultural cu musica, baile y actividadnan recreativo pa henter famia.
Actividadnan pa mucha y deporte

Ronaldinho Zara cu ta un activista di Partido AVP a comenta cu p’e muchanan lo tin un torneo di futbol pa categoria hubenil, cu lo inclui diferente grupo di edad. E organisadornan ta invita tur ekipo di mucha pa participa den e torneo amistoso, cu lo tuma luga riba un veld di turf chikito dilanti Cas di partido AVP, recordando e tradicion di deporte comunitario.

Parlamentario Dennerich Kelly a splica tambe cu manera comunidad ya ta custumbra, lo tin un amplio variedad di cuminda y bebida, entre otro hamburger, hotdog, chicken nuggets, sate, chicken cutsmall, raspou, cotton candy, bolo y koffie, asina cu tur bish*tante por disfruta di un ambiente familiar y acogedor.

INVITACION | Feria Nacional ARUBA ARIBA

Pueblo di Aruba ta cordialmente invita pa dia 15 di maart na Cas di Partido AVP | Celebracion Nacional 🇦🇼