Ekologiya və Təbii Sərvətlər Nazirliyi

1 iyun – Uşaqların Beynəlxalq Müdafiəsi Günü münasibətilə İçərişəhərdə uşaqlar üçün ekoloji maarifləndirici tədbir keçirilib.

Ekologiya və Təbii Sərvətlər Nazirliyi və Respublika Uşaq Gənclər İnkişaf Mərkəzinin birgə təşəbbüsü ilə yaradılan ekoloji zonada uşaqlar üçün ətraf mühitin mühafizəsi və ekoloji düşüncənin formalaşdırılmasına həsr olunmuş maraqlı viktorinalar, interaktiv oyunlar və maarifləndirici fəaliyyətlər təşkil edilib.

Tədbir çərçivəsində ətraf mühit və mədəni irs mövzularını bir araya gətirən “İrs, ətraf mühit və uşaqların kəşfi” adlı kvest proqramı da həyata keçirilib. Kvest zamanı uşaqlar İçərişəhərin küçələri boyunca müəyyən edilmiş marşrut üzrə hərəkət edərək tarixi abidələr, memarlıq nümunələri və şəhər mühitinin ekoloji xüsusiyyətləri ilə yaxından tanış olublar.

Tədbirin məqsədi uşaqlarda ətraf mühitin qorunması və mədəni irsin mühafizəsi ilə bağlı məlumatlılığı artırmaq, onlarda təbiətə və tarixə qarşı məsuliyyətli münasibətin formalaşmasına töhfə vermək olub.

Qeyd edək ki, Ekologiya və Təbii Sərvətlər Nazirliyi tərəfindən həyata keçirilən bu kimi maarifləndirici təşəbbüslər Bakıda keçiriləcək Ümumdünya Ətraf Mühit Günü ərəfəsində ekoloji dəyərlərin təşviqinə, cəmiyyətin müxtəlif təbəqələrinin ekoloji fəaliyyətlərə cəlb olunmasına və ətraf mühitin mühafizəsi sahəsində ictimai fəallığın gücləndirilməsinə xidmət edir.

Qoşulmama Hərəkatı Gənclər Təşkilatı Ümumdünya Ətraf Mühit Günü 2026-nın rəsmi tərəfdaşıdır!

5 İyun tarixində keçiriləcək Ümumdünya Ətraf Mühit Günü 2026-nın Qoşulmama Hərəkatı Gənclər Təşkilatı rəsmi tərəfdaşı seçilib.

Bu tərəfdaşlıq çərçivəsində gənclərin iştirakı, iqlim dialoqu və dayanıqlı gələcək naminə birgə fəaliyyətin gücləndirilməsi hədəflənir.

Birlikdə iqlim fəaliyyəti, dayanıqlılıq və qlobal həmrəylik üçün daha güclü əlaqələr qururuq.



~
Non-Aligned Movement Youth Organization is an official partner of World Environment Day 2026!

Non-Aligned Movement Youth Organization has been selected as an official partner of World Environment Day 2026, which will be held on 5 June.

Through this partnership, we aim to strengthen youth engagement, climate dialogue, and collaborative action towards a more sustainable future.

Together, we are building stronger connections for climate action, sustainability, and global solidarity.

“Regional İnkişaf” İctimai Birliyi Ümumdünya Ətraf Mühit Günü 2026-nın rəsmi tərəfdaşıdır!

5 iyun tarixində keçiriləcək Ümumdünya Ətraf Mühit Günü 2026 çərçivəsində “Regional İnkişaf” İctimai Birliyi rəsmi tərəfdaş olaraq dəstək göstərir.

Bu tərəfdaşlıq ətraf mühitin qorunması, dayanıqlı inkişafın təşviqi, ekoloji maarifləndirmənin gücləndirilməsi və iqlim fəaliyyəti ilə bağlı təşəbbüslərin dəstəklənməsinə töhfə verir.

Təbiətdən ilhamlanaraq.
İqlim naminə.
Gələcəyimiz naminə.



~

“Regional Development” Public Union is an Official Partner of World Environment Day 2026!

As part of World Environment Day 2026, taking place on 5 June, the “Regional Development” Public Union supports as an Official Partner.

This partnership contributes to environmental protection, the promotion of sustainable development, the strengthening of environmental awareness, and support for climate action initiatives.

Inspired by Nature.
For Climate.
For Our Future.

The countdown to on 5 June is on!

Follow the latest stories, events and actions from around the world as people come together :

https://www.worldenvironmentday.global/2026/latest/live-updates

♻️🌊 Ümumdünya Ətraf Mühit Gününə həsr olunmuş genişmiqyaslı təmizlik aksiyası keçirilib

Ümumdünya Ətraf Mühit Günü çərçivəsində Xəzər dənizinin Şüvəlan sahilində genişmiqyaslı təmizlik aksiyası təşkil olunub.

Ekologiya və Təbii Sərvətlər Nazirliyinin əməkdaşlarını, IDEA İctimai Birliyinin nümayəndələrini, Azərbaycan Könüllü Təşkilatları İttifaqına üzv könüllüləri, ekokönüllüləri, qeyri-hökumət təşkilatları və özəl sektor nümayəndələrini bir araya gətirən aksiya çərçivəsində sahilboyu ərazi tullantılardan təmizlənib.

İməcilik zamanı ərazidən 200 kiloqramdan artıq məişət tullantısı toplanaraq utilizasiya üçün aidiyyəti qurumlara təhvil verilib.

Aksiyanın məqsədi Xəzər dənizinin və sahilyanı ekosistemlərin qorunmasının vacibliyinə diqqət çəkmək, ətraf mühitə məsuliyyətli münasibəti təşviq etmək, ekoloji problemlərin həllində ictimai iştirakçılığı artırmaq və gələcək nəsillər üçün daha təmiz, sağlam və dayanıqlı mühitin formalaşmasına töhfə verməkdir.

Ekologiya və Təbii Sərvətlər Nazirliyinin əməkdaşları tərəfindən Naxçıvan Muxtar Respublikasının Ekologiya və Təbii Sərvətlər Nazirliyinin dövlət qulluqçuları üçün insan resurslarının idarə edilməsi, meşə təsərrüfatı və ətraf mühitin mühafizəsi sahələri üzrə təlimlər keçirilib.

Təlimlərin əsas məqsədi dövlət qulluğunda peşəkarlığın artırılması, müasir idarəetmə prinsiplərinin tətbiqinin təşviqi, əməkdaşların nəzəri və praktiki bilik və bacarıqlarının təkmilləşdirilməsi, eləcə də xidmət fəaliyyətinin səmərəliliyinin və vətəndaş məmnunluğunun yüksəldilməsi istiqamətində maarifləndirmə işinin aparılması olub.

📌 Ətraflı məlumat:
https://eco.gov.az/az/nazirlik/xeber?newsID=30151

Mülki aviasiya işçilərini peşə bayramı münasibətilə təbrik edir, fəaliyyətlərində uğurlar arzulayırıq.