Göyçay Gənclər Evi

1 İyun – Uşaqların Beynəlxalq Müdafiəsi Günüdür.

01.06.2026-cı il tarixində Göyçay Gənclər evində 1 İyun – Uşaqların Beynəlxalq Müdafiəsi Günü münasibətilə Göyçay şəhər internat məktəbinin şagirdlərinin iştirakı ilə “Gələcəyin işıqları” adlı görüş keçirildi.🤩🎊

Tədbirin məqsədi uşaqların bayram sevincini bölüşmək, onların asudə vaxtının səmərəli təşkili və xoş anlarla yadda qalan bir gün yaşamalarına şərait yaratmaq idi. Görüş zamanı uşaqlarla müxtəlif əyləncəli oyunlar təşkil olundu, musiqilər səsləndirildi, rəqs proqramları təqdim edildi və iştirakçılar birlikdə maraqlı vaxt keçirdilər.
Sonda iştirakçılara müxtəlif hədiyyələr təqdim olundu və xatirə şəkilləri çəkildi.💫

28 May - Müstəqillik Gününüz Mübarək! 🇦🇿

Qurban bayramınız mübarək!

🇦🇿26.05.2026-cı il tarixində Göyçay Gənclər evində Göyçay Gənclər evi və Göyçay rayonu üzrə gənclər və idman sektorunin birgə təşkilatçılığı ilə 28 May – Müstəqillik Gününə həsr olunmuş “Müstəqilliyin işığında” adlı tədbir keçirildi. Tədbirin məqsədi gənclərə Azərbaycan Xalq Cümhuriyyətinin yaranma tarixi, dövlət müstəqilliyimizin əhəmiyyəti və milli dəyərlərimizin qorunmasının vacibliyi barədə məlumat vermək idi.

Tədbirdə çıxış edən Göyçay Gənclər evinin direktoru Fərid Əkbərov, Göyçay rayonu üzrə gənclər və idman sektorunun müdiri Təranə Nuriyeva, tarixçi Tərlan Qarayev və hərbi müəllim Elşən Süleymanov gənclərə müstəqillik tariximiz, dövlətçilik ənənələri, vətənpərvərlik ruhunun əhəmiyyəti və gənclərin ölkənin gələcəyindəki vəzifələri barədə geniş məlumat verdilər. Çıxışlar zamanı gənclərin milli-mənəvi dəyərlərə sahib çıxmasının, dövlətçiliyimizin qorunmasında fəal iştirak etməsinin və vətənə layiqli vətəndaş kimi yetişməsinin vacibliyi vurğulandı.

Tədbirin bədii hissəsində vətənpərvərlik mövzusunda musiqi ifaları səsləndirildi, milli rəqs nümunələri təqdim olundu və iştirakçılar tərəfindən maraqla qarşılandı. Rəngarəng çıxışlar tədbirə xüsusi ab-hava qataraq gənclərdə yüksək əhval-ruhiyyə yaratdı.

Göyçay Gənclər evində “Gənclik ritmləri” adlı musiqili tədbir keçirilib✨

“Gənclik ritmləri” adlı konsert proqramında Gənclər evinin könüllüləri xüsusi fəallıq göstərərək öz istedadlarını təqdim ediblər.💫

Tədbir çərçivəsində rəngarəng musiqi nömrələri səsləndirilib. Gənclər evinin könüllüsü Cəlal İbrahimli pianoda bədii müşayiət layihəsini peşəkarlıqla icra edib, digər könüllü Nicat Hüseynli isə öz fərqli ifaları ilə çıxış edib. Proqramın repertuarında Azərbaycanın zəngin musiqi mədəniyyətini əks etdirən xalq mahnıları ilə yanaşı, müxtəlif estrada kompozisiyaları da yer alıb.🤩🎤

Təşkil olunmuş musiqili proqram iştirakçı gənclər tərəfindən böyük maraq və rəğbətlə qarşılanıb. Öz yüksək istedadı və ifaları ilə tədbirə xüsusi rəng qatan gənclərimizə gələcək yaradıcılıq fəaliyyətlərində yeni-yewi uğurlar arzu edir, onların mədəniyyət sahəsindəki uğurlu addımlarının davamlı olmasını diləyirik.👏🏻