Gəncə şəhəri S.Vurğun adına 41 nömrəli təbiət və humanitar təmayüllü lisey

26.05.2026-cı il tarixində IV sinif şagirdləri üçün yeni hazırlanmış çərçivə sənədinə uyğun monitorinq təşkil olundu.

Monitorinq yeni hazırlanmış çərçivə sənədinə uyğun şəkildə həyata keçirildi. Şagirdlərə təqdim olunan sual kitabçaları və cavab kartları müasir qiymətləndirmə tələblərinə əsasən hazırlanmışdı.

Şagirdlərə tapşırıqları yerinə yetirmək üçün 150 dəqiqə vaxt ayrıldı.

Monitorinq:
▪️ Azərbaycan dili – 30 sual
▪️ Riyaziyyat – 30 sual

olmaqla ümumilikdə 60 sualdan ibarət idi.

Monitorinqin əsas məqsədi şagirdlərin:
✔️ oxuyub-anlama,
✔️ məntiqi təfəkkür,
✔️ problem həlli,
✔️ tətbiqetmə bacarıqlarını qiymətləndirmək idi.

Şagirdlərimizə uğurlar arzulayır, onların gələcək nailiyyətlərinə inanırıq!

28 May – Müstəqillik Günü münasibətilə Liseyin tarix müəllimi Günay Şərifovanın təşkilatçılığı ilə 5a1 sinif şagirdləri Azərbaycan Xalq Cümhuriyyəti Muzeyinə ekskursiya etdilər.

Ekskursiya zamanı şagirdlər Azərbaycan Xalq Cümhuriyyətinin yaranma tarixi, dövlətçilik ənənələrimiz, milli istiqlal mübarizəsi və tarixi şəxsiyyətlər haqqında maraqlı məlumatlar əldə etdilər. Muzeydə nümayiş olunan eksponatlar, arxiv sənədləri və tarixi materiallar şagirdlərdə böyük maraq yaratdı.

Bu cür maarifləndirici ekskursiyalar şagirdlərin tariximizə olan marağının artırılması, vətənpərvərlik ruhunun formalaşdırılması və milli dəyərlərimizin təbliği baxımından xüsusi əhəmiyyət daşıyır.

11-ci sinif buraxılış imtahan fənləri üzrə nəticələr müzakirə olunmuş, təhlil aparılmışdır.
Görüş zamanı şagird nailiyyətləri dəyərləndirilmiş, mövcud çatışmazlıqlar və nəticələrin yaxşılaşdırılması istiqamətində görüləcək işlər barədə müzakirələr aparılmış , həmçinin məktəbdaxili qiymətləndirmələrin düzgün aparılması ilə bağlı təlimat bir daha fənn müəllimlərinin diqqətinə çatdırılmışdır.

6b sinfində tarix müəllimi Gülnur Rzayeva tərəfindən 28 May "Müstəqillik günü" münasibətilə dəyirmi masa keçirildi.Şagirdlərə müstəqillin vacibliyi və onun qorunmasının əhəmiyyəti vurğulandı.
Müstəqilliyimiz əbədidir və sarsılmazdır!
YAŞASIN MÜSTƏQİL AZƏRBAYCAN DÖVLƏTİ!!!

Valideyn seminarlarının təşkili davam etdirilir..

Mövzu: Şagirdlərin nizam-intizam qaydalarına əməl etmələri, şagirdlərin dərsə gecikmə hallarına nəzarəti gücləndirmələri haqqında.

Gəncə şəhəri S.Vurğun adına 41 nömrəli təbiət və humanitar təmayüllü liseyin 6-cı sinif müəllimləri ilə ARTİ tərəfindən keçiriləcək monitorinq imtahanlarına hazırlıq məqsədilə görüş keçirilmişdir. Görüş zamanı monitorinqin "çərçivə sənədi" müəllimlərə ətraflı izah olunmuş, cavab kartlarının düzgün işlənilməsi qaydaları barədə məlumat verilmişdir. Görüşdə monitorinq prosesinin təşkili, qiymətləndirmə meyarları və şagirdlərin imtahana hazırlıq səviyyəsi ilə bağlı müzakirələr aparılmışdır.

4B sinfi şagirdləri ilə imtahan stresi mövzusunda interaktiv görüş keçirildi. Görüş zamanı imtahana düzgün hazırlıq yolları, stressin idarə olunması və özünə inamın artırılması haqqında söhbətlər aparıldı. Şagirdlər fikir mübadiləsi edərək öz duyğularını bölüşdülər və motivasiyaedici fəaliyyətlərdə iştirak etdilər.

Tarix fənn aylığı çərçivəsində tarix müəllimi Gülnur Rzayevanın təşkilatçılığı ilə 7a sinfinin Gəncə Qala Qapıları - Arxeologiya və Etnoqrafiya Muzeyi abidə kompleksinə ekskursiyası təşkil olundu. Ekskursiyanın təşkil edilməsində məqsəd şagirdlərimizə tarixi keçmişimizi daha dərindən aşılamaq,onlarda tariximizi öyrənməyə maraq oyatmaqdır.
Tariximizi sevək və sevdirək !

Səhər xəttində sağlam həyat tərzinin təşviqi məqsədilə idman dəqiqələri təşkil olundu.
Şagirdlərimizin fəallığının artırılması, sağlam və gümrah günə başlamaları üçün keçirilən fiziki hərəkətlər şagirdlər tərəfindən böyük maraqla qarşılandı.
İdman dəqiqələri şagirdlərdə sağlam həyat vərdişlərinin formalaşdırılması, kollektiv ruhun gücləndirilməsi və dərsə motivasiyanın artırılması baxımından mühüm əhəmiyyət daşıyır.
Sağlam bədəndə sağlam ruh olar!