İsmayıllı RİH başçısının Zərnava kənd İƏD üzrə nümayəndəliyi

Səyyar “ASAN xidmət” mayın 4-dən İsmayıllı rayonunda fəaliyyətə başlayacaq və mayın 26-dək rayon sakinlərinə xidmət göstərəcək.

Vətəndaşlara Daxili İşlər Nazirliyi, Ədliyyə Nazirliyi, İqtisadiyyat Nazirliyi yanında Əmlak Məsələləri Dövlət Xidməti, Əmək və Əhalinin Sosial Müdafiəsi Nazirliyi tərəfindən müxtəlif xidmətlər təqdim olunacaqdır. Bu xidmətlərə sürücülük vəsiqələrinin dəyişdirilməsi, ümumvətəndaş pasportlarının verilməsi və dəyişdirilməsi, şəxsiyyət vəsiqələrinin verilməsi və dəyişdirilməsi, vətəndaşlıq vəziyyəti aktlarının dövlət qeydiyyatı, notariat xidmətləri, əmək pensiyalarının təyin edilməsi, həmçinin daşınmaz əmlak sahəsində xidmətlər daxildir.

Səyyar “ASAN xidmət”ə müraciət edən vətəndaşlara, həmçinin funksional yardımçı xidmətlər də göstəriləcəkdir. Bu xidmətlərə tibbi və poçt xidmətləri daxildir.

Aprelin 28-də görkəmli oftalmoloq alim, Əməkdar elm xadimi, akademik Zərifə xanım Əliyevanın anadan olmasının 103-cü ildönümü tamam olur.

Respublikamızda oftalmologiya elminin inkişafına mühüm töhfələr vermiş, yüksək ziyalılığı, zəngin mənəviyyatı və insanpərvərliyi ilə yadda qalmış Zərifə xanım Əliyeva mənalı və şərəfli ömür yolu keçmişdir. Onun elmə, səhiyyəyə və cəmiyyətə bəxş etdiyi dəyərli irs, parlaq fəaliyyəti və işıqlı xatirəsi xalqımız tərəfindən daim dərin ehtiramla yad ediləcəkdir.