Lahıc qəsəbə İƏD üzrə İcra Nümayəndəliyi

Məktəbimizin V sinif şagirdi Mövlamov Nurvin İsmayıllı Tədris Mərkəzinin keçirdiyi bilik yarışında 690 bal toplamışdır. Şagirdimizi və onun müəllimlərini təbrik edirik.

Azərbaycan xalqına qarşı baş verən ən dəhşətli faciələrdən biri də 1918-ci ilin mart-aprel aylarında törədilmişdir. 30 mart - 3 aprel tarixlərində Bakı şəhərində və Bakı quberniyasının müxtəlif bölgələrində, eləcə də Qarabağ, Naxçıvan ,Şamaxı, Quba, Xaçmaz, Lənkəran, Salyan, Zəngəzur və digər ərazilərdə Bakı Soveti qoşunlarının və daşnak erməni silahlı dəstələrinin azərbaycanlılara qarşı soyqırımı nəticəsində on minlərlə soydaşımız etnik və dini mənsubiyyətinə görə qətlə yetirilmiş, yaşayış məntəqələri, tarixi abidələr, məscid və qəbiristanlıqlar viran edilmişdir.

Ermənilərin xalqımıza qarşı davam edən terror aktlarının İkinci Qarabağ müharibəsi zamanı bir daha şahidi olduq. Postmünaqişə dövründə də mina təhlükəsi davam etməkdədir. İşğaldan azad edilmiş torpaqlarımızda tapılan bir neçə kütləvi məzarlıqlar erməni vandalizminin əyani sübutudur. Kəlbəcərdə Başlıbeldə, Şuşa ətrafında, Xocavəndin Edilli kəndi yaxınlığında kütləvi məzarlıqlar, Xocalı rayonunun Fərrux kəndində insan qalıqları tapılmışdır.

Azərbaycan xalqına qarşı törədilmiş bütün soyqırım faciələrini qeyd etmək məqsədi ilə 1998-ci il martın 26-da Ümummilli Lider Heydər Əliyev “Azərbaycanlıların soyqırımı haqqında” Fərman imzalamış və 31 mart Azərbaycanlıların Soyqırımı Günü elan edilmişdir.

Bu gün, Lahıc qəsəbə İƏD üzrə Nümayəndəliyin ərazisində fəaliyyət göstərən idarə müəssisə və təşkilatlarla birgə "31 mart Azərbaycanlıların Soyqırımı Günü" ilə əlaqədar tədbir keçirildi. Soyqırım qurbanlarının əziz xatirəsi dərin hörmət və ehtiramla yad edildi.

Allah bütün şəhidlərimizə rəhmət etsin !