Masallı Gənclər Evi

Masallıda “28 May Müstəqillik Günü” ilə əlaqədar “Nə? Harada? Nə Zaman?” intellektual bilik yarışı keçirilib.

26 may 2026-ci il tarixində “Masallı Gənclər Evi” SXM-nin təşkilatçılığı ilə “28 May Müstəqillik Günü” ilə əlaqədar şagirdlər arasında “Nə? Harada? Nə Zaman?” intellektual bilik yarışı keçirilib.
8 komandanın iştirak etdiyi maraqlı mübarizə şəraitində keçən bilik yarışında I yerə E.Əhədov adına Təzə Alvadı kənd 1 saylı tam orta məktəbin “Avanqard ”, II yerə N.Həsənov adına
Göyəçöl kənd tam orta məktəbin “Victoriya”, III yerə Masallı şəhər 5 saylı tam orta məktəbin “Rəsulzadə” komandaları layiq görülüblər.
İntellektual yarışmada qalib olan komandalar “Masallı Gənclər Evi” SXM-nin diplomları (18 diplom) ilə mükafatlandırılıblar.

25 may 2026-cı il tarixində Masallı Gənclər Evində “İnsan hüquqları aylığı” çərçivəsində “Müasir dövrdə insan hüquqlarının təmini” mövzusunda görüş keçirilib.

Görüş Lənkəran-Astara Regional Gənclər və İdman İdarəsi, Ombudsmanın Cənub Regional Mərkəzi, Masallı Gənclər Evi sosial xidmət müəssisəsi və Masallı Dövlət Regional Kollecinin birgə təşkilatçılığı ilə baş tutub.

Tədbirdə insan hüquq və azadlıqlarının qorunması, gənclərin hüquqi maarifləndirilməsi, müasir dövrdə insan hüquqlarının təmin olunması istiqamətində görülən işlər barədə iştirakçılara ətraflı məlumat verilib. Çıxış edənlər insan hüquqlarının cəmiyyətdəki rolu, hüquqi biliklərin artırılmasının vacibliyi və gənclərin bu sahədə fəal iştirakının əhəmiyyətini vurğulayıblar.

Görüş qarşılıqlı fikir mübadiləsi və iştirakçıları maraqlandıran sualların cavablandırılması ilə davam edib.

🇦🇿 Vətənpərvərlik klubunun növbəti görüşü baş tutdu.
Görüş zamanı şəhidimiz Mahir Paşayev Bəxtiyar oğlunun həyat yolu, göstərdiyi qəhrəmanlıq və döyüş yolu haqqında gənclərlə ətraflı söhbət aparıldı. Şəhidlərimizin əziz xatirəsi dərin hörmət və ehtiramla yad edildi.
Sonda isə şəhidimiz haqqında hazırlanmış məlumatlar izlənildi.
Vətənpərvərlik klubunun könüllüsü Sevinc Babayevaya görüşün təşkilində göstərdiyi dəstəyə görə təşəkkür edirik. 🌸
Vətən uğrunda canından keçən qəhrəmanlarımızı qürur və minnətdarlıqla anırıq. 🇦🇿✨

21 may 2026-ci il tarixində “Qəhrəmanlarımızı tanıdaq ” layihəsi çərçivəsində Masallı Gənclər evi sosial xidmət müəssisəsinin əməkdaşları və könüllüləri Masallı rayonunun Banbaşı kəndində yerləşən şəhid Akifzadə Elmir Gündüz oğlunun ailəsini ziyarət ediblər.
Görüş zamanı şəhidin anası övladının keçdiyi şərəfli döyüş yolu barədə gənclərə geniş məlumat verib, onun qəhrəmanlığından danışıb.
Layihənin əsas məqsədi gənclərin vətənpərvərlik ruhunda tərbiyə olunmasına, şəhidlərin əziz xatirəsinin yaşadılmasına və onların qəhrəmanlıq yolunun gələcək nəsillərə çatdırılmasına xidmət edir.

Masallı Gənclər Evində gənclər üçün “Tənqidi və Kreativ Düşünmə Bacarığı” mövzusunda maraqlı və interaktiv təlim keçirildi.
Təlim zamanı iştirakçılar fərqli düşünmə üsulları ilə tanış oldu, yaradıcı tapşırıqlarda iştirak edərək problemlərə daha geniş və innovativ baxış formalaşdırdılar.

Bu gün Masallı Gənclər Evində gənclərlə “Peşələrə yiyələnmə və bacarıqların rolu” mövzusunda maarifləndirici görüş keçirildi.
Görüş zamanı iştirakçılar müxtəlif peşələr, uğura aparan bacarıqlar və şəxsi inkişaf yolları haqqında maraqlı məlumatlar əldə edərək qeydlər apardılar.
Səmimi müzakirələr və faydalı məlumatlarla yadda qalan görüş gənclər üçün həm maraqlı, həm də motivasiyaedici oldu.

Bu gün Gənclər evimizdə gənclərimizlə birlikdə “Soyuq Günəş” filmini izlədik. Film boyunca gənclərimiz həm maraqlı, həm də düşündürücü məqamlarla tanış oldular, müzakirələr aparıldı və birlikdə keyfiyyətli vaxt keçirildi. Belə film baxışları gənclərin dünyagörüşünün genişlənməsinə, sosial mövzulara fərqli baxış formalaşdırmasına töhfə verir. 🎬

Masallıda Ümummilli Lider Heydər Əliyevin anadan olmasının 103-cü ildönümü münasibətilə xatirəsi yad edilib
10 may 2026-ci il tarixində “Masallı Gənclər Evi” sosial xidmət müəssisəsi və Lənkəran-Astara Regional Gənclər və İdman İdarəsinin Masallı rayon sektorunun əməkdaşları, Ulu Öndər Heydər Əliyevin abidəsini ziyarət edib, önünə gül dəstələri düzüblər.