Georgia in Bulgaria

📢საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“

📌პროექტის მიზანი:

➡️ქართული ენის სწავლების ხარისხის გაუმჯობესება;
➡️მოსწავლეების კულტურულ აქტივობებში ჩართულობის გაზრდა;
➡️საკვირაო სკოლების გაძლიერება სასწავლო მასალით და შემოქმედებითი რესურსებით;
➡️საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

✅კონკურსში მონაწილეობა შეუძლიათ:

➡️საზღვარგარეთ მოქმედ ქართულ დიასპორულ ორგანიზაციებს;
➡️საზღვარგარეთ მოქმედ ქართულ საკვირაო სკოლებს;
➡️საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით, რომლებიც თანამშრომლობენ ქართულ საკვირაო სკოლებთან;
➡️სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.

📩განაცხადები მიიღება 2026 წლის 28 ივნისის ჩათვლით, ელ-ფოსტის მისამართზე: [email protected]

📌კონკურსის შედეგები გამოცხადდება 2026 წლის 28 ივლისს.

🔗დამატებითი ინფორმაცია იხილეთ: https://bulgaria.mfa.gov.ge/news/732590-saqartvelos-sagareo-saqmeta-saministro-atskhadebs-sagranto-konkurss-chemi-qartuli-skola

საქართველოს დამოუკიდებლობის დღის აღსანიშნავად, სოფიის ბიბლიოთეკა საქართველოს დროშის ფერებში განათდა.

On the occasion of May 24 — the Day of the Holy Brothers Cyril and Methodius, the Bulgarian Alphabet, Education and Culture, and Slavic Literature — We extend our most sincere congratulations! 🇬🇪🇧🇬

Честит 24 май!

🇬🇪🇧🇬 2026 წლის 21 მაისს, ბულგარეთის რესპუბლიკაში საქართველოს ელჩმა, ზურაბ ხამაშურიძემ ქ. სოფიაში თბილისის სკვერი გახსნა. სკვერის გახსნის ოფიციალური ცერემონია ორგანიზებული იყო ბულგარეთში საქართველოს საელჩოსა და ქ. სოფიის მერიის მიერ. ღონისძიებაზე სიტყვით გამოვიდნენ ბულგარეთის რესპუბლიკაში საქართველოს ელჩი, ზურაბ ხამაშურიძე, ბულგარეთის რესპუბლიკის საგარეო საქმეთა მინისტრის მოადგილე, ჰრისტო პოლენდაკოვი (Hristo Polendakov) და ქ. სოფიის მერი, ვასილ ტერზიევი (Vasil Terziev). მოწვეულ სტუმრებს სიტყვით ასევე მიმართა ქ. სოფიის ლოზენეცის რაიონის გამგებელმა, კონსტანტინ პავლოვმა (Konstantin Pavlov). ღონისძიებას ესწრებოდნენ ბულგარეთის აღმასრულებელი, საკანონმდებლო და ადგილობრივი ხელისუფლების, ასევე, ქვეყანაში აკრედიტებული დიპლომატიური კორპუსის წარმომადგენლები, ქართული დიასპორის წევრები და სხვა მოწვეული სტუმრები კულტურის, ტურიზმისა და ხელოვნების სფეროებიდან.

🔷 სიტყვით გამოსვლისას, საქართველოს ელჩმა აღნიშნა, რომ ეს დღე განსაკუთრებულია ორ ქვეყანასა და დედაქალაქს შორის არსებულ ურთიერთობებში. მისი თქმით, სოფიაში თბილისის სკვერის გახსნა კიდევ უფრო განამტკიცებს 2016 წლიდან დაწყებულ დაძმობილების ტრადიციას. ელჩმა ასევე ხაზი გაუსვა, რომ 2021 წლიდან თბილისში უკვე არსებობს სოფიის სკვერი, ხოლო მიმდინარე ღონისძიება მჭიდრო კულტურული კავშირების კიდევ ერთი თვალსაჩინო გამოხატულებაა. ელჩმა განსაკუთრებული ყურადღება გაამახვილა თბილისის სკვერის მნიშვნელობაზე როგორც საქართველოსა და ბულგარეთის ხალხებსა და კულტურებს შორის არსებული მზარდი მეგობრობის, მჭიდრო კავშირებისა და ურთიერთპატივისცემის სიმბოლოზე. მისივე თქმით, ბულგარეთი ყოველთვის წარმოადგენდა საქართველოს ერთგულ მეგობარსა და მოკავშირეს, რომელიც, ქვეყნის დამოუკიდებლობის აღდგენის დღიდან, ურყევად უჭერს მხარს საქართველოს ტერიტორიულ მთლიანობასა და ევროპულ და ევროატლანტიკურ მისწრაფებებს. გამოსვლის დასასრულს, ზურაბ ხამაშურიძემ მადლობა გადაუხადა თბილისის სკვერის გახსნისა და საზეიმო მიღების ყველა ორგანიზატორსა თუ მხარდამჭერს და ამ კონტექსტი განსაკუთრებულად ხაზი გაუსვა ბულგარეთში ქართული დიასპორის როლს, წვლილსა და ჩართულობას.

🔷 ბულგარეთის საგარეო საქმეთა მინისტრის მოადგილემ, ჰრისტო პოლენდაკოვმა თავის გამოსვლაში აღნიშნა, რომ „თბილისი ჩამოვიდა სოფიაში“ და საქართველოს დედაქალაქი დაახასიათა, როგორც მდიდარი ისტორიისა და კულტურის მქონე უძველესი ქალაქი. მინისტრის მოადგილის თქმით, სკვერისთვის თბილისის სახელის დარქმევა წარმოადგენს ნათელ დასტურს ორი ქვეყნის სურვილისა განავითარონ და განამტკიცონ მჭიდრო ურთიერთობები და ნაყოფიერი კავშირები. ჰრისტო პოლენდაკოვმა ყურადღება გაამახვილა ბულგარეთსა და საქართველოს შორის თანამშრომლობის მნიშვნელობაზე ევროპასა და აზიას შორის დაკავშირებადობის, ენერგეტიკის, ტრანსპორტის, კულტურის, განათლების, სპორტისა და ტურიზმის სფეროებში. გამოსვლის ბოლოს მან ქართველ ხალხს მოახლოვებული ეროვნული დღესასწაული, დამოუკიდებლობის დღე, მიულოცა.

🔷 სოფიის მერმა, ვასილ ტერზიევმა თავის გამოსვლაში აღნიშნა, რომ თბილისის სკვერის ოფიციალური გახსნა მისთვის საზეიმო დღესასწაულს წარმოადგენს და აღნიშნული პროექტის განხორციელება ქართულ მხარესთან მჭიდრო თანამშრომლობის შედეგია.

🔷 სოფიაში თბილისის სკვერის გახსნა წარმოადგენს საქართველოსა და ბულგარეთს შორის არსებული მრავალწლიანი მეგობრობისა და პარტნიორობის კიდევ ერთ თვალსაჩინო გამოხატულებას. აღნიშნული სკვერი სიმბოლურად აერთიანებს ორ ქვეყანას, მათ საერთო ევროპულ მისწრაფებებს, კულტურულ სიახლოვესა და ურთიერთპატივისცემაზე დაფუძნებულ თანამშრომლობას.

Congratulations to Bulgaria🇧🇬 and Dara on wonderful Eurovision victory!🏆✨

ხმა მიეცი საქართველოს!

https://vote.eurovision.com/

საქართველოს პრემიერ-მინისტრმა ირაკლი კობახიძემ, ევროპული პოლიტიკური გაერთიანების მე-8 სამიტის ფარგლებში, მონაწილეობა მიიღო მრგვალი მაგიდის ფორმატის დისკუსიაში თემაზე - „დაკავშირებადობის გაძლიერება და ეკონომიკური უსაფრთხოება“.

მთავრობის მეთაურმა სიტყვით გამოსვლისას დაკავშირებადობის უზრუნველყოფაში საქართველოს განსაკუთრებულ როლზე გაამახვილა ყურადღება და ისაუბრა იმ მსხვილ ინფრასტრუქტურულ პროექტებზე, რომლებსაც საქართველოს მთავრობა ამ ფუნქციის ხელშესაწყობად ახორციელებს, მათ შორისაა ბაქო-თბილისი-ყარსის რკინიგზა, ჩქაროსნული ავტომაგისტრალები და ანაკლიის ღრმაწყლოვანი პორტი.

ირაკლი კობახიძემ ასევე ყურადღება გაამახვილა სატრანსპორტო და ენერგეტიკული მარშრუტების დივერსიფიკაციის მნიშვნელობაზე და ამ კონტექსტში სამხრეთის გაზის დერეფნისა და შავი ზღვის წყალქვეშა კაბელის პროექტების სტრატეგიულ დატვირთვაზე ისაუბრა.

საქართველოს მთავრობის მეთაურმა კიდევ ერთხელ დაადასტურა მზადყოფნა პარტნიორებთან მჭიდრო თანამშრომლობის გაგრძელებისთვის და აღნიშნა, რომ ძლიერი დაკავშირებადობა გრძელვადიანი სტაბილურობის ერთ-ერთი უმთავრესი წინაპირობაა.

დისკუსიაში, რომელსაც თანათავმჯდომარეობდნენ ხორვატიის პრემიერ-მინისტრი ანდრეი პლენკოვიჩი და ნორვეგიის პრემიერ-მინისტრი იონას გარ სტიორე, კანადის პრემიერ-მინისტრი მარკ კარნი, ბელგიის პრემიერ-მინისტრი ბარტ დე ვევერი, ევროკომისიის პრეზიდენტი ურსულა ფონ დერ ლაიენი, ჩრდილოეთ მაკედონიის პრეზიდენტი გორდანა სილიანოვსკა-დავკოვა, სლოვაკეთის პრემიერ-მინისტრი რობერტ ფიცო და ეუთოს გენერალური მდივანი ფერიდუნ სინირლიოღლუ მონაწილეობდნენ.