PARTI Codebu

Umugambwe CODEBU, witavye amatora yo kuwa 5 Ruheshi 2025 uciye murunani Burundi Bwa Bose, ugomba kumenyesha abarundi n'amakungu ibi bikurikira:

1. Umugambwe CODEBU urashimiye abarundi isinzi bahunze amajwi Urunani Burundi Bwa Bose nubwo ibiharuro vyatangajwe bidahuye n’ukuri kw'ivyavuye mu matora. Ubasaba kudacika intege no kubandanya urugamba gwa demokarasi.

2. Umugambwe CODEBU urakengurukiye abo bafatanije ibikorwa mu RUNANI BURUNDI BWA BOSE kuntererano y'umwe wese, baba ababisozereye hamwe nabo bitakunze ko tuguma dukorana kumvo zitabavuyeko.

3. Umugambwe CODEBU waraneguye wongera urababazwa n'ibinenge ndengera kamere vyaranze ayamatora, vyerekanyeko imico runtu iriko irasubira inyuma bimwe biteye ubwoba, bikaba vyatumye umugambwe uri k’ubutegetsi wiha intebe ijana kw'ijana munama nshingamateka.

4. Umugambwe CODEBU waratangajwe n'ingene imigambwe yabujijwe gushikiriza ibinenge vyaranze ano matora, bikerekana ko turiko turinjira mu butegetsi bwa ryogora duhure nkubwo twarimwo imbere yo kugaruka kw'imigambwe myinshi.

5. Umugambwe CODEBU uratewe impungenge nuko ingene amatora yagenze n'inzego zayavuyemwo bigiye gukenesha igihugu n'abanyagihugu gusumba uko vyahora. Abahora bafasha igihugu cacu bagiye gutakaza burundu icizere ku Burundi. Abitwa ko batowe nabo ntanyungu bazoba bafise zogukorera abanyagihugu kuko ataribo babatoye, mbere bashobora gutunganya ivy'igihugu munzira isa niyo bash*tsemwo ku butegetsi.

6. Kubera ivyo vyose duhejeje gushikiriza, umugambwe CODEBU wiyemeje ibi bikurikira :

a. Kubandanya uharanira intwaro ya demokarasi n'intwaro ibereye atagucika intege;
b. Gukomeza inzego z'umugambwe mugihugu cose;
c. Gutangura inyigisho z'uburenganzira bw'abanyagihugu nivyo bategerezwa gukora nk’uko bitegekanywa n'ibwirizwa nshingiro n’ayandi mategeko;
d. Gushishikara dusaba ko haba ibiganiro bituma haba amatora adakumira, ateguwe mu mwidegemvyo, mu muco no mumahoro;
e. Kuzirikana ikibanza cambere twahaye Imana mugihugu cacu.

7. Umugambwe CODEBU usaba abarundi ibi bikurikira :

a. Kudacibwa intege n’ivyabaye mur’aya matora ahubwo bagwize inguvu zo guharanira gutwarwa nabo bitoreye koko, bashobora gukura igihugu mukaga kirimwo;
b. Kuzirikana nantaryo ko ubuzima bubi babayemwo buva ku butegetsi budatunganya ivy'igihugu neza bwavuye mumatora atarimwo umuco;
c. Kwibuka ko atawundi azoza gutorera umuti ibibazo tumazemwo imyaka vy'ubusuma bw'amatora hamwe n'inzego zititwaririka ibibazo bihanze abanyagihugu ziyavamwo;
d. Kwitanga batiziganya kugira dusubire muri demokarasi y'ukuri ibasubiza ijambo ryo kwitorera inzego zibakura mu bukene barimwo;
d. Kwigengesera mur’ibi bihe bitoroshe igihugu cinjiyemwo no gushishikara babumbatiye amahoro n'umutekano.

8. Umugambwe CODEBU uribukije abanyeporitike bose ko twashize Imana imbere. Ibikorwa vyose dukora mu matora n'inyuma y'amatora bishobora kugira ingaruka zikomeye bikwiranye.

: Intonde n’ibisabwa kubitoza ku rwego rw’ abashingamateka b’urunani BURUNDI BWA BOSE uko ari intara zitanu zihejeje kwakirwa n’umugwi ujejwe gutegura amatora ku rwego rw’igihugu CENI.

Tubibutsa ko abitoje bose basanzwe ar’abanywanyi bava mu migambwe igize urunani.

🎤Bakunzi bacu bahire nta kajambo mwotekerera abitoje co kimwe n’umugwi utegura amatora ? Ijambo ni rwawe muri Commantaires 👇🏼👇🏼

Umugambwe w'ABAHIZI CODEBU IRAGI RYA NDADAYE!
🖐️🖐️🖐️

:

1. Umugambwe CODEBU ubonako imigwi itegura amatora muntara CEPI imaze gushigwaho yiganziwe n'umugambwe umwe. Ivyo bikomeza impungenge kubari bibaza ko umugwi CENI uhengamye. Ingendo yo gukumirana n'amatora atizewe na bose ni bimwe muvyatumye igihugu kigwa mukaga k'ubukene kirimwo;

2. Umugambwe CODEBU ubona ko amatora ya 2025 ashobora kuba mabi gusumba ayamaze gutegurwa yose. Umugambwe CODEBU usaba CENI kwiyumvira kuri kazoza k'igihugu, ugategura amatora adakumira , ari mumuco. Usaba kandi abarundi bose kudacika intege, bashishikare guharanira amatora Meza.

/ /

: Kur'uyu w' Imana igenekerezo rya 28 NDAMUKIZA 2024 ; Icegera c' umukuru w'umugambwe n'umunyamabanga mukuru b'Umugambwe CODEBU barahuye n'abagize Comités z'umugambwe mu ntara ya BUTANYERERA.
Abitavye inama basaba umugambwe CODEBU kwitegurira kunagura ubutunzi bw' Igihugu inyuma y'amatora ya 2025 kuko abanyagihugu ariwo basigaye bazigako urukiza.

📸Codebu

Y'UBURUNDI BWIFASHE MU 2040 N'UBURUNDI BUTEY' IMBERE MU 2060 :

1. Umugambwe CODEBU ubona ko tudashobora gushikira ihangiro ry'igihugu cifashe muri 2040 n'igihugu giteye imbere muri 2060 mugihe abakozi ba Leta nab'amashirahamwe y'igenga, bari mubambere bazoshira mungiro iyo ntumbero, bazoba batararonswa umushahara utuma babaho neza.

2. Kugira dushikire iryo hangiro, umukozi wa Leta ategerezwa kuronka umushara umushoboza gufungura neza, kurara heza, kwambara neza, kwivuza, gusomesha abana, kwitabira imanza no kwinezereza nkuko vyari imbere ya 1993. Niho ashobora gukora umutima uri munda kugira agwize umwimbu.

3. Umugambwe CODEBU uboneyeho gusaba Leta ko ingingo yo kurenganura abakozi mubijanye no kuduga amapete, yoshirwa mungiro vuba nabwango kuri bose kuko vyibonekeza ko hariho abo mu nzego para-étatique bamwe bamwe bagiye baribagirwa kandi basumira hamwe nabandi bakozi ba Reta.

📸 Edited by J. D D

C'est avec tristesse et consternation que le parti CODEBU a appris l'incendie qui a emporté des vies humaines et qui a provoqué beaucoup de blessées à la prison de Gitega. Que l'âme des disparus repose en paix et nous souhaitons prompte rétablissement aux blessées.

Le Président du parti CODEBU à participer à la 60 ème commémoration de l'assassinat du héros de l'indépendance, le Prince Louis RWAGASORE. Il a saisi cette occasion pour demander à tous les burundais de pérenniser l'héritage de ce héros de l'indépendance .