Ministère des Affaires Étrangères de la République du Burundi

Nyakubahwa Umushikiranganji Edouard BIZIMANA yaragendeye giturumbuka amashirahamwe ajejwe kurungika no gukurikirana abakozi b’ Abarundi baja gukorera mu mahanga
Kuri uyu wa gatanu mu gitondo, igenekerezo rya 15 Rusama umwaka wa 2026, Umushikiranganji w ‘Imigenderanire n’ Ayandi Makungu, Iyinjira ry’ Uburundi mu Miryango yo mu Karere no Gufashanya mw’ Iterambere, Nyakubahwa Ambasaderi Edouard BIZIMANA, yaragendeye giturumbuka amashirahamwe menshi ajejwe kurungika no gukurikirana abakozi baja gukorera mu bindi bihugu.

Ku mashiramwe 64 azwi n’amategeko, amashirahamwe 7 yaradomweko urutoke. Ayo nayo ni aya: Trust Manpower, Aldarwiche Agency Ltd, Iwad International recruitement, Alsuwedi, Frankly Jobs Limited Company, United Lines Recruitement hamwe na Alpha Recruitement Company.

Ico gikorwa kikaba kiri mu bijanye n’ intwaro ibereye mu gukwirikirana ibikorwa vy’ amashirahamwe ajejwe kurungika abakozi b’ Abarundi mu bindi bihugu. Icifuzo c’ Umushikiranganji kwari ukwirabira ko amategeko agenga ico gikorwa hamwe n’ uburenganzira bw ‘abaja gukorera mu bindi bihugu vyubahirijwe.

Muri iryo gendura, vyaribonekeje ko amashirahamwe amwe amwe akora atubahirije amategeko. Amakosa akomakomeye yaribonekeje mwirangurwa ry’ico gikorwa ku mashirahamwe amwe amwe, aha rero Umushikiranganji azofata ingingo zibereye kandi zitegekanywa n ‘amategeko.

Kubera ivyo, impanuro zaratanzwe ku bakozi baja gukorera mu bindi bihugu hamwe n ‘abaserukira ayo mashirahamwe. Umushikiranganji Edouard BIZIMANA yaribukije abakozi barindiriye kurungikwa akamoro ko kubungabunga ishusho nziza y’ Igihugu mu mahanga. Yarabahimirije kuguma bagendera imico n’ imigenzo y ‘Uburundi kugira ishusho y ‘Uburundi igere kure hamwe no kwigenza neza nk ‘abaserukira igihugu cabibarutse batibagiye ko imvo nyamukuru zibajanye mu mahanga ari ugukora kugira babesheho imiryango yabo bongere na canecane bateze imbere Igihugu.

Umushikiranganji yaribukije abaserukira amashirahamwe atariko arakora neza amategeko abagenga yongera abahamagarira gukwirikiza amategeko abahuza n’ Uburongozi bw’ Igihugu mu kuyakoresha uko bibereye kugira ngo bakingire abaja gukorera mu mahanga. Twobamenyesha ko ico gikorwa gihambaye cerekana ishaka ry’ Uburongozi bw’ igihugu cacu mu bijanye n ‘ugutuza amakosa akorwa mw’ayo mashirahamwe hamwe n’ ugukwirikirana neza abakozi baja gukorera mu mahanga.

Mu ntumbero yo gukurikirana inyubako zubatswe mu Burundi biciye mu migenderanire hagati y ‘Igihugu c’Uburundi n’abo bafashanya mva makungu, Nyakubahwa Ambasaderi Édouard Bizimana, Umushikiranganji w’ Imigenderanire n’Ayandi Makungu, Iyinjira ry’ Uburundi mu Miryango yo mu Karere hamwe no Gufashanya mw‘Iterambere yaragiye kuri uyu wa 5 Rusama 2026 kwirabira uko ibarabara Boulevard du Japon riri ku nkengera z’ ikiyaga Tanganyika rimeze. Urwo rugendo, rukurikira urwa kozwe kuriryo bajanye n’uwuserukira ishirahamwe JICA igihe yagendera Uburundi mu kwezi kwa mbere umwaka wa 2026.

Urugendo rw’ Umushikiranganji rwarafashije kubona ivyononekaye nyamukuru : ibintu vyarayangaye, n ibarabara ntirigihita, ivyo bigatera ingorane zikomeye ku bahaba no kubikorwa vy’ ubutunzi mwako karere.

Umushikiranganji yamenyesheje ko abahinga b’ ish*trahamwe JICA bazotangura ivyigwa vy’ ico korwa kugira iryo barabara risanurwe mu ntango z‘ukwezi kwa Ruheshi. Ivyo vyigwa rero bikaba vyitezwe ko bizokwerekana ivyokorwa mu vy’ ubuhinga vya nkenerwa kugirango iryo barabara risubire kuba nyabagendwa.

Naho biruko, Umushikiranganji Edouard BIZIMANA arahimiriza inzego z’ igihugu zibijejwe gutegura ibikorwa vyihuta bibayabaye bihuye n’uburyo bafise kugira bakinge canke bagabanye ingaruka mbi.

Kuri uyu wa 6 Rusama umwaka wa 2026, uruganda rukomeye rwarabeye i Gitega rurongowe n’ umupfasoni Ancilla Ntakaburimvo, umuyobozi mukuru ajejwe Integuro ku kurwanira inyungu z’ igihugu niz’ abarurundi mu makungu hamwe no mu Bushikiranganji bw ‘Imigenderanire . Yari yaserukiye Ubushikiranganji mw’ ivyo bikorwa.

Intumbero nyamukuru niyo gutsimbataza ubumenyi n ‘ubushobozi bw’ abo vyega kugira batahure neza bongere bakoreshe amasezerano mpuza makungu n’ amasezerano y ‘icicaro gikuru yatewe ko umukono n ‘Uburundi. Ayo masezerano y ‘ubutungane afasha mu migenderanire n’ ibihugu hamwe n ‘amashirahamwe mpuza makungu, mu gushiraho amategeko n’ amabwirizwa kubo vyega bose.

Kuri uyu wa 4 Rusama umwaka wa 2026, kuri Donatus Conference Center, Umushikiranganji w’ ‘Imigenderanire n ‘Ayandi Makungu, Iyinjira ry’ Uburundi mu Miryango yo mu Karere no Gufashanya mw’ Iterambere Nyakubahwa Ambasaderi Edouard Bizimana yaruguruye icese inyigisho ku bakozi bakuru bakuru ba Leta bagizwe n ‘abo mu Bushikiranganji bw ‘Imigenderanire hamwe n’ abo mu nzego nkuru za Repubulika y’Uburundi ku bijanye n’ imigenderanire zizomara imisi itanu.

Izo nyigisho zifise intumbero zikwirikira:
- gutsimbataza ubumenyi muvy ‘imigenderanire
- guhimiriza ivyiyumviro birashe
- guteza imbere gukora neza mu kurengera ingorane zibihe tugezemwo.

ITANGAZO KU BARUNDI BOSE BABA MU GIHUGU CA AFRIKA Y'EPFO !!!