Paeej-Burundi

Directions Website

Paeej-Burundi Programme d'Autonomisation Économique et d'Emploi des Jeunes

📍Umugambi Paeej-Burundi uramenyesha urwaruka rwose rwatanze imigambi yarwo muri rya higanwa ry'imigambi y'akabirya ko u...
18/09/2026

📍Umugambi Paeej-Burundi uramenyesha urwaruka rwose rwatanze imigambi yarwo muri rya higanwa ry'imigambi y'akabirya ko urutonde rw'imigambi yatowe kugira ibandanye ihiganwa rwasohotse.

👉 Ushobora kururaba k'uruga ngurukanabumenyi rwa PAEEJ https://bit.ly/4y97IMk

📅 kuva k'umunsi wa mbere igenekerezo rya 21 gushika ku wa gatatu igenekerezo rya 23/9/2026, hazoba kwigishwa gutegura neza umugambi (Plan d'affaire bancable).

✅ Igenekerezo rya 24/9/2026 hazoba ihiganwa ku rwego rwa komine,

✅ Nayo ihiganwa ryo ku rwego rw'intara rikazoba igenekerezo rya 25/9/2026.

🇧🇮 Izo nyigisho zizobera ku mirwa mikuru y'intara 5 zigize igihugu

✅ Imiriyoni 216 z'amafaranga y'amarundi nizo zahawe urwaruka rw'abanyeshure kugira rushire mu ngiro ivyiyumviro vy'imig...
15/09/2026

✅ Imiriyoni 216 z'amafaranga y'amarundi nizo zahawe urwaruka rw'abanyeshure kugira rushire mu ngiro ivyiyumviro vy'imigambi yarwo (projets de prototypage) biciye mu mugambi EJO HEZA.

📍Biciye mu bufatanye buri hagati y'umugambi Paeej-Burundi n'ishirahamwe mpuzamakungu ryitaho ineza y'abana UNICEF Burundi, kuva itariki 07 gushika 15 haratunganijwe igikorwa co gutera imikono ku maserezerano azogenga uko hazoshirwa mu ngiro ivyiyumviro vy'imigambi 6 yabaye iya mbere mw'ihiganwa ryatunganijwe biciye mu mugambi EJO HEZA.

💰Imigwi 6 y'abo banyeshure akaba ari abo ku mashure yisumbuye ya Kiryama, Rumonge, Ijenda, amashure y'akarorero ya Ngagara, Musenyi na Musinzira. Umugwi umwe umwe ukaba waronkejwe amafaranga angana imiriyoni 36 z'amarundi, mbere akaba yaranamaze gushika ku ma konte yabo ari mu ma banki.

📌 Abo banyeshure barigishijwe kandi ibijanye n'ingene amahera y'umugambi akoreshwa hamwe n'ingene bayatangira ivyegeranyo, hongera haraba kugendera ibibanza iyo migambi izokorerwamwo, ivyo navyo bikaba vyatanzwe n'amashure basanzwe bigako.

✍️ Iyo migambi 6 igiye kurangurwa n'urwo rwaruka ikaba ari iyijanye no gukora ibirato, gupima abagwayi biciye k'ubuhinga bwa none, gukora icayi c'umucayicayi, gukora amakara, gukora umwavu hamwe no gukora fromage.

👌Gukarisha ubwenge bw’abakozi bayo kugira ngo barushirizeho gufasha neza urwaruka mu migambi yarwo, niyo ntumbero y'umug...
11/09/2026

👌Gukarisha ubwenge bw’abakozi bayo kugira ngo barushirizeho gufasha neza urwaruka mu migambi yarwo, niyo ntumbero y'umugambi Paeej-Burundi

🎓 Abakozi 20 b'uwo mugambi bahejeje kuronka inyigisho zerekeye ubuhinga bwo kumenyekenakisha no kurondera isoko rw'ibidandanzwa ( techniques de marketing).

📚 Izo nyigisho zikomeye zatanzwe n'abahinga babiri aribo Maître formateur Nizigiyima Guillaume na Experte Nzeyimana Espérance, zabereye i Mwaro, kuva itariki 7 gushika 11/09/2026.

📌 Abo bakozi ba PAEEJ bazoca bigisha urwaruka rushigikiwe n'uwo mugambi gutahura neza amasoko yabo, kumenyekanisha no guteza imbere urudandazwa rwivyo basazwe bakora canke bahingura.

📌 Umugambi Paeej-Burundi uramenyesha urwaruka rwose rukwije ibisabwa ko ugiye gutanga akazi ku bisata bitandukanye. Bim...
05/09/2026

📌 Umugambi Paeej-Burundi uramenyesha urwaruka rwose rukwije ibisabwa ko ugiye gutanga akazi ku bisata bitandukanye.

Bimwe mubisabwa akaba ari :

✅ Kuba uri umurundi

✅Kuba ufise urupapuro rw'umutsindo rujanye n'akazi wipfuza gukora

✅ Kuba ufise ubunararibonye (expérience) bujanye n'akazi wipfuza.

✍️ Ushobora gutanga ibisabwa (dossier de candidature) uciye aho munsi. 👇

https://bit.ly/4x5ZuTw

😍 Rya higanwa ry'imigambi y'akabirya riragarutse❗ 🎯 Buri mwaka, umugambi Paeej-Burundi urategura ihiganwa ry'imigambi y...
29/08/2026

😍 Rya higanwa ry'imigambi y'akabirya riragarutse❗

🎯 Buri mwaka, umugambi Paeej-Burundi urategura ihiganwa ry'imigambi y'akabirya mu ma komine yose y'igihugu.

📝 Uno mwaka, ng'ibi ibisabwa kugira wiyandikishe mu bazohiganwa.

1️⃣ Kuba ufise imyaka iri hagati ya 16 na 40

2️⃣ Kuba uri muri koperative canke ishirahamwe (société),

3️⃣ Kuba utari umukozi wa reta canke ukorera uwigenga,

4️⃣ Kuba utari mu bamaze kuronswa ingurane na PAEEJ, ibanki BIJE canke BIDF,

5️⃣ Kuba ufise umugambi ufise ico uje gutorera inyishu mu kibano, wumvikana kandi wunguka.

📆 Kwiyandikisha biriko bibera ku barongoye PAEEJ mu ma komine, kuva igenekerezo rya 24/8/2026 gushika 04/9/2026.

📍Umugambi PAEEJ ugatera intege abamaze gutangura gushira mu ngiro imigambi yabo kwiyandikisha ku bwinshi.

🌱 Imigambi y'urwaruka rukorera mu gisata c'ibidukikije yifashe neza mu ntara za Bujumbura na Burunga, kuko iriko iratera...
27/08/2026

🌱 Imigambi y'urwaruka rukorera mu gisata c'ibidukikije yifashe neza mu ntara za Bujumbura na Burunga, kuko iriko iratera imbere bishemeye.

🌐 Vyabonekeye m'urugendo abahinga b'umugambi Paeej-Burundi bariko baragira mur izo ntara, kuva ku magenekerezo ya 24 gushika kuya 28 Myandagaro 2026.

🪴 Imigambi yagendewe ikaba ari iyijanye no gukora ifumbire y'ikirundi (biofertilisant), kubungabunga ibidukikije, amakara ahinguwe mu micafu iva mu mazi n'ahandi, amatuta y'ingemwe zitandukanye, amatafari ahiye , imbabura, ibirato vyo mu nshato hamwe no kwegeka.

✅ Urwo rugendo rukaba ruri mu ntumbero yo kuraba uko Urwo rwaruka rushigikiwe na PAEEJ ruriko rurakora, ubuhinga bakoresha hamwe n'uko babigenza mu kubungabunga ibidukikije mw'irangurwa ry'imigambi yabo.

🔧 Abahinga ba PAEEJ mubijanye no kubungabunga ibidukikije hamwe n'amahinguriro, bakaba baratekereye impanuro Urwo rwaruka, kubijanye n'ingene rwokora rukurikiza amategeko yose yo muri ivyo bisata kugira ngo imigambi yabo inemerwe Ku rwego mpuzamakungu.

✍️ Ingendo nkizo zikazokorwa no mu zindi ntara mu minsi iri imbere.

26/08/2026

🚨 Mu ntumbero yo gushira mu ngiro umugambi mushasha wo gutunganya no gushariza igisagara ca Bujumbura, umugambi Paeej-Burundi urahamagarira urwaruka rufise ubumenyi mu bijanye n’ubuhinga bwo gushushanya (design), gutunganya ibibanza (paysage) hamwe n’ubwubatsi bw’ibisagara (architecture urbaine), kwiyandikisha biciye kuri uru rubuga : 👇

📢Umugambi Paeej-Burundi uramenyesha urwaruka rwo muri komine Ntahangwa, rwari rwahamagariwe kwiyandikisha kwiga imyuga i...
25/08/2026

📢Umugambi Paeej-Burundi uramenyesha urwaruka rwo muri komine Ntahangwa, rwari rwahamagariwe kwiyandikisha kwiga imyuga itandukanye mw’itangazo ry’itariki 21/8/2026, ko gukora impuzu bakoresheje inyuzi (tricoterie) vyiyongereye ku myuga yari yatanzwe muri iyo komine.

📝 Abiyandikisha kugira bige uyu mwuga, akaba ari urwaruka rufise hagati y'imyaka 16 na 40, ata kazi rufise, kandi ruba mu komine Ntahangwa.

Mukwiyandikisha bica kur'urubuga 👉 https://www.paeej.bi/publication-des-avis/avis-d-appel-a-la-formation-aux-metiers/87/ canke ku biro vya PAEEJ mw'ikomine.

Itariki ntarengwa yo kwiyandisha : 27/8/2026.

📢 Umugambi Paeej-Burundi urahamagaje urwaruka rwipfuza kwiga imyuga itandukanye, kwiyandikisha kugira rutangure kuronsw...
21/08/2026

📢 Umugambi Paeej-Burundi urahamagaje urwaruka rwipfuza kwiga imyuga itandukanye, kwiyandikisha kugira rutangure kuronswa inyigisho.

📍Abarabwa nizo nyigisho akaba arabo mu ma zone ya : Gisuru, Nyabitare, Bwasare, Muyinga, Bubanza, Kivyuka, Butahana, Rugajo, Kamenge, Kajondi, Muzye, Rutana, Rumonge, Gaheta, Muhanga, Bukirasazi, Gishubi, Muramvya, Shombo, Mbogora, Nyabikere, Rusi.

✍️ Abiyandikisha akaba ari urwaruka rufise hagati y'imyaka 16 na 40, ata kazi rufise, kandi ruba mu ma zone azoberamwo inyigisho.

🗒️ Itariki ntarengwa yo kwiyandisha : 27/8/2026.

Mukwiyandikisha bica k'urubuga ngurukanabumenyi 👉 https://www.paeej.bi/publication-des-avis/avis-d-appel-a-la-formation-aux-metiers/87/ canke ku biro vya PAEEJ mw'ikomine.

🛠️ Imyuga bazokwigishwa akaba ari : guhinyanyura amajwi n'amasanamu, gukora ama moto, gukora imiduga, gukora amasabuni, gukora ibirato, gukinjika, gukora impuzu ukoresheje inyuzi, Kubāza, guhanagura no kugorora impuzu, gukora isuku ryo mu mazu, gushira umuyangankuba mu mazu, gutunganya ibijanye n'inzira z'amazi (Plomberie).

Address

Quartier Bwoga
Gitega

Website

Alerts

Be the first to know and let us send you an email when Paeej-Burundi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category