Commune Rumonge

09/10/2026

𝗔𝗯𝗮𝗳𝗶𝘀𝗲 𝗮𝗺𝗮𝘇𝘂 𝘆𝗮𝗸𝗶𝗿𝗮 𝗶𝗻𝗴𝗲𝗻𝘇𝗶 𝗯𝗮𝗳𝗶𝘀𝗲 𝘂𝗿𝘂𝗵𝗮𝗿𝗮 𝗻𝘁𝗮𝗻𝗴𝗲𝗿𝗲 𝗺𝘂 𝗸𝘂𝗴𝘄𝗮𝗻𝘆𝗮 𝗶𝗻𝗱𝗮 𝘇'𝗶𝘀𝗵𝘂𝘀𝗵𝘂

Abantu bose bakorera mu gisata co kwakira ingenzi bahamagarirwa gufasha kugwanya inda z'ishushu mu bana bakiri ku ntebe y'ishure mu kudaha ivyumba abagabo bataye ibanga basambanya abana b'abanyeshure. Ihoteli izofatirwamwo umwana w'umunyeshure izoca yugarwa.

Iyo ni imwe mu ngingo zafashwe mu nama y'umutekano yo kuri uyu wa kane, igenekerezo rya /10/2026. Iyo nama ikaba yakoreshejwe na , Musitanteri wa Komine Rumonge. Izindi ngingo zapfunditswe n'izi zikurikira:

1. Gushiraho ama komite ku mitumba araba abana bagenda ijoro n'abanyeshure baheba amashure,

2. Hoteri izofatirwamwo umunyeshure izoca yugarwa,

3. Ububare bwose butegerezwa kuba bufise "licence d'exploitation",

3. Kurwanya urudandazwa rwa magendo ( ) ku mitumba yose igize komine Rumonge,

4. Mu mezi 3 uwutazoba afise akazu ka Sugumwe azohanwa,

5. Gushiraho abazamu ku mashure yose,

6. Kugwanya ibiturire mu ndongozi,

7. Abarongoye amasoko bakoreshe amanama kugira bakingire ayo masoko,

8. Gutuza amarigara,

9. Gutunganya no gukora ibikorwarusangi,

10. Gutera no gukurikirana amavoka,

11. Abarongoye amashengero n'imigambwe yemewe n'amategeko bahamagariwe kuremesha amahro no gukundisha igihugu abo barongoye,

12. Kwubaka n'amabuye ( ) amabarabara y'imigenderanire mu gisagara no mu bigwati.

Iyo nama yarangiye Musitanteri atumirira abayitavye n'abenegihugu bose muri rusangi kuzitabira umunsimukuru wo kwibuka Incungu y'ukwikukira kw'u , Umuganwa ; uhimbazwa kw'igenekerezo rya 13/10 buri mwaka.

02/10/2026

𝗔𝗯𝗮𝗵𝘂𝘇𝗮 𝗻'𝗮𝗯𝗮𝗷𝗲𝗷𝘄𝗲 𝗶𝗻𝘁𝘄𝗮𝗿𝗼 𝗯𝗮𝗵𝗮𝗺𝗮𝗴𝗮𝗿𝗶𝗿𝘄𝗮 𝗴𝘂𝘁𝘂𝗻𝗴𝗮𝗻𝗶𝗿𝗶𝘇𝗮 𝗮𝗯𝗲𝗻𝗲𝗴𝗶𝗵𝘂𝗴𝘂, 𝗻𝗮 𝗰𝗮𝗻𝗲 𝗰𝗮𝗻𝗲 𝗮𝗯'𝗮𝗺𝗶𝗸𝗼𝗿𝗼 𝗺𝗮𝗸𝗲, 𝗺𝘂 𝗴𝘂𝘁𝗼𝗿𝗮 𝘂𝗺𝘂𝘁𝗶 𝘂𝘁𝘂𝗺𝗮 𝗮𝗯𝗮𝗿𝗶 𝗯𝗮𝘁𝗮𝘀𝗲 𝗯𝗶𝗿𝘂𝗵𝘂𝘁𝘀𝗮 𝗯𝗮𝘁𝗶 "𝗮𝘀𝗵𝗶𝗶𝗶" !!!

Iyo ni inkebuzo ya Musitanteri inyuma yo kugendera zone kuri uyu wa 1/10/2026 maze abenegihugu bakamutura ibibazo vyinshi bibahanze. MINANI Augustin yagize ati :"Izone canke Umutumba abenegihugu bashikiriza ibibazo gusa aho gushikiriza imigambi y'iterambere rusangi, aho hantu nta ntwaro ibereye iba ihari".

Ibibazo bihanze abenegihugu b'i Burambi, nk'uko babituye Musitanteri nawe agaheza akabitangira intumbero, ni ibi bikurikira:



👉🏿Amatati y'amatongo hagati y'abenegihugu aho hari umukenyezi yari amaze imyaka irenga 5 asaba indishi ku biterwa vyiwe vy'amateke n'imyumbati vyasoromwe inyuma yo gutsindwa kw'itongo yarimamwo. Musitanteri yasavye umuco abejejwe intwaro ku mutumba hamwe n'abenegihugu bafise ico bazi kuri ayo matati, baragereranya uko izo ndimo zangana maze uyo mukenyezi ahabwa na Musitanteri inshumbusho y'amafaranga 190 000. Uyo mukenyezi akaba yarakuye ubwatsi.

👉🏿Abenegihugu biyemerera ko barengeye ibitara vya Reta maze bateramwo ibiti n'ibiterwa. Mu gihe basaba Musitanteri kubakomorera ivyo biti, yabishuye abahumuriza ko agiye gushiraho umugwi uharura ivyo biti kugira ngo komine irabe ko yobaha umuzibukiro.



👉🏿"Zone Burambi ntigira isoko. Dusaba isoko kugira ngo twiteze imbere". Kuri kino gisabo, Musitanteri MINANI Augustin yabahumurije ko isoko yo kumurago yamaze gupimwa kugira yubakwe.



👉🏿"Hariho ishirahamwe ryaje gusanura ibarabara rya ariko ryakoze akanya gato n'ubu ntituzi ikibazo cabaye." Kuri iki kibazo, Musitanteri yishuye ko vyagoranye iryo shirahamwe ritazogaruka. Mu gihe abenegihugu baciye basaba ko komine yobunganira mu bikorwarusangi bakora vyo gusanasana ahagwaye cane nka hafi y'ahubatswe isoko yanyitse, MINANI Augustin yemeye ko azorungika ibeni ibafasha kwegereza amabuye, igaraviyo,...kugira ako gace kanyika kabe nyabagendwa.

meza

👉🏿Abenegihugu bo ku mutumba bashikirije ko mu kigwati co mu bahanzwe n'ubukene bw'amazi maze Musitanteri arabahumuriza ko nawe ubwiwe ico kibazo yaciboneye ariko aretembere muri ico kigwati. Ngo mu nteguro y'amafarango komine izokoresha mu mwaka uza bazoshiramwo uburyo bwo gukwiragiza amazi muri ico kigwati.



👉🏿Abatamakazi babiri baba mu nzu z'ubwatsi baragabanye amabati. Umwe yarasanganywe ikigega maze Musitanteri amwemerera ko mu ndwi imwe azoba yamaze gusakarirwa. Uyundi nawe agiye gufashwa n'indongozi ku mutumba kugira bamwubakire ikigega maze komine imusakarire.



👉🏿Umwe mu rwaruka rwitavye inama yagize ati :"Umutumba wa ntitugira ikibuga co gukiniramwo...dukinira mu kibanza ca Paruwasi. Dusaba ikibuga hamwe n'umupira." Musitanteri yavuye aho abagabiye umupira maze asaba umukuru wa zone kuzoza kw'i komine kuwutora.

Musitanteri MINANI Augustin yarangije inama ahamagarira abenegihugu bose muri rusangi kwubaka no gukoresha neza utuzu twa surwumwe, abavyeyi bame bashira imbere indero y'abana mu kubakundisha ishure, gufungura no kwambara neza, kuvavanura na ba Rumenyi bakivuza ku bitaro, gusuzumisha ku gihe imbanyi, kurwanya nyakatsi, kubana neza kububakanye, kubumbatira amahoro n'umutekano, kwirinda ibihuha vy'imbere y'amatora hamwe no kurwanya inda z'ishushu.

29/09/2026

27/09/2026

𝗭𝗼𝗻𝗲 #𝗕𝘂𝗿𝗮𝗺𝗯𝗶: 𝗜𝘀𝗲𝗻𝗴𝗲𝗿𝗼 𝗞𝗮𝘁𝗼𝗹𝗶𝗸𝗮 𝗿𝗶𝗴𝗶𝘆𝗲 𝗸𝘄𝘂𝗯𝗮𝗸𝗮 𝗶𝘃𝘂𝗿𝗶𝗿𝗼 𝗶 𝗕𝗶𝘀𝗮𝗸𝗮

Abagwizatunga, amadini n'amasengero akorera ku mitumba itandukanye itagira amavuriro bahamagarirwa gukorera mu gisata c'amagara y'abantu bakubaka amavuriro mu ntumbero yo gushira mu ngiro ihangiro rya komine Rumonge ry'uko atamutumba n'umwe muri 69 igize iyo komine wosigara udafise ivuriro gushika mu mwaka wa 2030.

Ni ubutumwa bwatanzwe kuri uyu wa 26/9/2026 na Musitanteri inyuma y'ibikorwarusangi vyo kwegereza amatafari aho isengero Katolika Diyoseze ya , ibicishije muri Paruwasi , rigiye kwubakwa ivuriro; ku mutumba wo muri zone .

MINANI Augustin akaba ashimira Dioseze Bururi kuko iriko ifasha komine Rumonge gushika mu Mbonakazoza y'igihugu cifashe mu 2040, giteye imbere mu 2060 biciye mu kwegereza ubuvuzi abenegihugu.

Mu gihe abenegihugu b'i Bisaka basanzwe banahanzwe n'ubukene bw'amazi meza, Musitanteri yaboneyeho kubahumuriza ko vuba abahinga bo mu gisata kijejwe amazi bagiye kwishikira ku rubuga kugira barabe uko boshikana amazi mu turere atarimwo.

Umutumba wo muri zone usanzwe ugizwe n'ingo zirenga 500 nk'uko vyashikirijwe n'umukuru w'uwo mutumba.

25/09/2026

90' :

Commune 0____1

22/09/2026

𝗥𝘂𝗺𝗼𝗻𝗴𝗲: 𝗞𝘂𝘃𝗮 𝗸𝘂𝘄𝗮 𝗺𝗯𝗲𝗿𝗲 𝘂𝘇𝗮, 𝗻𝘁𝗮 𝗺𝗼𝗱𝗼𝗸𝗮 𝘆𝗲𝗺𝗲𝗿𝗲𝘄𝗲 𝗴𝘂𝗽𝗮𝗸𝗶𝗿𝗶𝗿𝗮 𝗮𝗵𝗮𝘁𝗮𝗻𝗱𝘂𝗸𝗮𝗻𝘆𝗲 𝗻𝗼 𝗸𝘄𝗮 𝗦𝗶𝘆𝗼𝗻𝗶

Igituro c'amamodoka cemewe mu gisagara ca Rumonge ni mw'isoko ( ). Ni ingingo yapfunditswe mu nama yo kuri uyu wa 22/9/2026 yahuje Musitanteri n'abafise amamodoka yunguruza abantu hamwe n'uburongozi bw'isoko Rwagura Supermarket. Muri iyo nama yakoreshejwe na Musitanteri , ingingo zikurikira nizo zapfunditswe:

✅Kuva kuwa mbere, igenekerezo rya 28/9/2026 imodoka zose zunguruza abantu zizopakirira kw'isoko kwa Siyoni ;
✅Imodoka zose ziva i , , n'ahandi zizotegerezwa kwururukiriza abantu baje mu Rumonge ku gituro co kw'isoko kwa Siyoni;
✅Amafaranga azorihwa kuwupakiriye ku gituro co kwa Siyoni atunganijwe uku gukurikira:
👉🏿Coaster: 5 000
👉🏿Hiace: 2000
👉🏿Probox: 1200
👉🏿Bajaj: 500
👉🏿Ipikipiki: 200
👉🏿Ikinga: 100

✅Ibiro vy'ama yose akorera mu Rumonge vyimuriwe kw'isoko kwa Siyoni;

✅Imodoka zipakira mw'ijoro zirarekuriwe gupakirira ahariho hose mu gisagara ca Rumonge kugeza isaha cumi na zibiri z'agatondo (6h00). Guhera isaha 6h00 imodoka zose zitegerezwa guca zija gupakirira kwa Siyoni.

✅Guca ihadabu imodoka zose zihagaze mu gisagara ca Rumonge gupakirira mu bibanza bitandukanye no kwa Siyoni;

✅Abarongoye isoko ya Rwagura Supermarket basabwa gutunganya neza utuzu twa surwumwe ( ) kugira twame dusukuye kandi dukoreshwe neza;

✅Hashinzwe komite ijejwe gushira mu ngiro ingingo zose zapfunditswe

Twobamenyesha ko mu Rumonge hari 5 arizo , , , na .

19/09/2026

#𝗙𝗼𝗼𝘁𝗯𝗮𝗹𝗹 : 𝗜𝗻𝗮𝗺𝗮𝗻𝘀𝗵𝗶𝗻𝗴𝗮𝗺𝗮𝘁𝗲𝗸𝗮 𝗶𝗵𝗲𝗷𝗲𝗷𝗲 𝗴𝘂𝘁𝘀𝗶𝗻𝗱𝗮 𝗞𝗼𝗺𝗶𝗻𝗲 𝗥𝘂𝗺𝗼𝗻𝗴𝗲

Ku bitsindo 2 kuri 1, umugwi w'umupira w'amaguru w' y'u uhejeje kwirahira umugwi w'abakozi ba komine Rumonge.

Hari mu rukino rwa kivandimwe rwabereye ku kibuga co mu gisagara ca Rumonge kuri uyu wa 19/9/2026. Komine Rumonge niyo yatanguye gutsinda mu gice ca mbere, Inamanshingamateka iraheza irivyukiranya mu gice ca kabiri itsinda ibitsindo 2.

Mu nkino umaze gukina, ni ubwa mbere umugwi utsinzwe .