Royal Embassy of Cambodia in Brunei Darussalam

កាលពីថ្ងៃទី២៧ ខែឧសភា ឆ្នាំ២០២៦ ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម បានរៀបចំអាហារថ្ងៃត្រង់ជូនថ្នាក់ដឹកនាំ និង មន្ត្រីក្រសួងការបរទេសព្រុយណេ ដើម្បីថ្លែងអំណរគុណចំពោះការសម្របសម្រួលដ៏ល្អប្រសើរជូន ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងគណៈប្រតិភូ ដែលបានអញ្ជើញចូលរួមកិច្ចប្រជុំរដ្ឋមន្ដ្រីការបរទេសអាស៊ាន-សហភាពអឺរ៉ុប លើកទី២៥ និងដំណើរទស្សនកិច្ចផ្លូវការនៅប្រទេសព្រុយណេដារូស្សាឡាម ពីថ្ងៃទី២៧-៣០ ខែមេសា ឆ្នាំ២០២៦។

On 27 May 2026, the Royal Embassy of Cambodia to Brunei Darussalam hosted a luncheon for senior officials and officials of the Ministry of Foreign Affairs of Brunei Darussalam to express its appreciation for the excellent facilitation and support extended to His Excellency Deputy Prime Minister PRAK Sokhonn, Minister of Foreign Affairs and International Cooperation, and his delegation during their participation in the 25th ASEAN–EU Ministerial Meeting (AEMM) and the official visit to Brunei Darussalam from 27 to 30 April 2026.

នាថ្ងៃទី ១៤ ខែឧសភា ឆ្នាំ២០២៦ ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម បានរៀបចំព្រះរាជពិធីបុណ្យចម្រើនព្រះជន្ម គម្រប់ ៧៣ព្រះវស្សា ឈានចូល ៧៤ព្រះវស្សា នៃព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។

សូមក្រាបបង្គំទូលថ្វាយព្រះពរ សូមព្រះអង្គទ្រង់មានព្រះកាយពលមាំមួន ព្រះរាជសុខភាពល្អបរិបូរណ៍ ព្រះបញ្ញាញាណវាងវៃ ព្រះជន្មយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរ។

សារលិខិតថ្វាយព្រះពររបស់ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកជំទាវ ក្រាបបង្គំទូលថ្វាយ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មគម្រប់៧៣ព្រះវស្សា យាងចូល៧៤ព្រះវស្សា។

ភ្ជាប់មកកាន់តេឡេក្រាមផ្លូវការក្រសួង៖ https://t.me/MFAICNews

ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម សូមជូននូវព្រឹត្តិប័ត្រព័ត៌មាន ប្រចាំខែឧសភា ឆ្នាំ២០២៦ ចេញផ្សាយលើកទី១ (ចាប់ពីថ្ងៃទី១~១៥ ខែឧសភា)។សូម​អរគុណ

សារលិខិតថ្វាយព្រះពររបស់ ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម ក្រាបបង្គំទូលថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​ នៃព្រះរាជាណាចក្រកម្ពុជា ក្នុងឱកាស់ដ៏មហានក្ខត្តឬក្សវិសេសវិសាល នៃព្រះរាជពិធីបុណ្យចម្រើនព្រះជន្ម គម្រប់ព្រះជន្ម ៧៣ យាងចូល ៧៤ ព្រះវស្សា។